نهار جديد :
عند نجاة لي كانت توجد فطابلة القهوة حتى دخلو التوام و هوما يتناقرو كيما لعادة
ليان : صباح الخير ماما
باستها و قعدت تاكل فلكرواسون
ليان : سخون شكون جابو
دخل و هو يضحك
وسيم : شكون من غيري
تبسمت و هو باسها و باس يماه و قعد
وسيم : مناضش وليدك
نجاة : راهو يدوش
ليان : ماما نقدر نخرج اليوم
نطق وسيم و جود مع بعضهم : وين
نجاة : هدرت معايا واش دخلكم
ليان : حبيت نخرج مع اية صحبتي نشريو حوايج للدخلة
جود : وعلاش العرس نهار الاحد
ليان : اففف واش دخلك
جود : شوفي يما بنتك راهي ديرلي المشاكل فلمسيد منبعد صحابي يقولولي ختك شوف كيفاش راهي تلبس و نوليو فالمشاكل و هداك الغيسيل تزيدي ديريه نقطعك
ليان : نديرو متسالنيش
نجاة : صحا رويجل تاعنا
جود : هكا يما
وسيم : و الله غير رويجل ياه ( للاشارة وسيم عندو 25 سنة و التوام 16 سنة و زياد 29 قريب 30 ) و نتي وليتي ديري لغيسيل
ليان : لالا انا شفارتيا طوال
وسيم ( ضيق عينيه ) : عندك الحق جود نتا معرفتش برك
نجاة : خلاص بنتي روحي مطوليش برك
وسيم : عندك دراهم
ليان : اييه كنت لميت دراهم من لي موالفين تمدهملي و مام بابا مدلي
وسيم لي كي سمع اسمو هبط راسو لكاسو و ليان راحت توجد روحها ..... شوية و دخل زياد صبح عليهم و قعد يشرب فالقهوة و جود يهرب فعينيه
زياد : ايهيه جود قالولي وليت من le poste police متخرجش
جود : رحت ليه مرة وحدة برك خويا
وسيم : و عاجبك لحال
جود : لالا هو سقسى و انا ريبونديت
زياد : مسقسيتكش جود و هدرتي مراحش نعاودها
رفد صبعو
زياد : نزيد نسمع بيك درت كاش بروبلام مراحش نستعرف بلي نتا خويا مرانيش حاب نديرلك عفايس مراكش حابهم
جود : خويا انا مدرتش المشاكل هوما جاو ليا ... تحاماولي حابين يديولي تليفون حبيتني نسكتلهم
خبط يدو على طابلة حتى ترعد فبلاصتو
زياد : مزالك تشرك في فمك ... زوج رجال واحد فيهم يدير بيك ربعة راحو لواحد فيه زوج عظمات و زيد بالموس و هو على جال تليفون ناض يضرب فيهم ياك
جود : و نمدهولهم
زياد : ايه تمدو بفم ساكت حياتك غالية على تليفون
دورلو يدو يشوف فيها كانوا جرحوهالو لبارح
زياد : روح عليا مرانيش حاب نشوف وجهك
