عند زياد لي دخل للحانوت شرا واش كان مسحق ، قعد يفيريفي فيهم منبعد راح يخلص
زياد : شحال جاو هكا
****** : مليون و نصحط دراهم و خرج ، ركب فطونوبيل و هو حاط الساشي قدامو ، مع دور طونوبيل باش يولي للحومة يشوف ناس متلايمين على وحدة لي كانت مرمية الارض .... فهم بلي كاش وحدة تكون ضربتها طونوبيل ولا طاحت تما مع لحق ليهم و معول يكمل طريقو حتى فرينات طونوبيل و هو يشوف فمرتو و حبيبتو مرمية تما
......
عند بيلسان لي كانت مرمية فالارض تما وين رماها الموطو برك كانوا زوج نسا معاها لي سياو يقعدوها شيخ لي راح يجري جابلها الما و le papier mouchoir باش يمسحولها الدم لي كان سايح من راسها يدها لي جرحت كامل ولا الضربة لي جات فظهرها لدرجة انو حستو مدقدق ، كانت شبه مغمى عليها حاسة بلي داير بيها تسمع فالصوت و الصورة لي مضببة ، يدها لي تحطت على كرشها و هي تحس بالحريق
****** : بنتي اقعدي معانا دوك تلحق لومبيلونص
هي لي كانت تسمع فصوتها و تشوف فوجهها بصورة غير واضحة ، و المراة لي قدامها تمسحلها على يدها
****** : كاينة حاجة راهي توجع فيك ... خايفة تكون عندها hémorragie ولا
بيلسان: : ....... ككر..... كرشي
****** : خلاص دوك تلحق لومبيلونص ، يا عمري مسكينةالمراة لي قاعدة تسقملها فالخيمار لي طاح كامل و هوما معاها يواسيو فيها حتى حسو بواحد جا يجري عندهم و هبط للمستوى تاعها و لي كان زياد
زياد : بيلسان
هو لي كان يفحص فوجهها و فيديها تقول عليه مهبول 😂
بيلسان: زز....زياد
عينيها لي بداو يتغمضو و فهداك الوقت لومبيلونص كانت لحقت
..............
عند هناء لي غلقت لفاليز و حطتها فالكولوار
هناء : رضا مزال باش تهبط
جاها صوتو ملفوق
رضا : نجيب شارجور و نجي
تبسمت و هي تشوف فلفاليز تاعهم ، حاسة بفرحة و ارتياح عندها شحال محستهمش و شعور جديد بدات تحسو من جهة رضا ..... صوت الباب لي قاطعلها تفكيرها ، ثواني كانت فتحت الباب و هايليك مقابلة مراة تجي فعمرها هكاك ، لابسة robe moulante و طالقة شعرها و تخزر فيها ملفوق لتحت
هناء : انعم شكون نتي
****** : هنا دار رضا ياك
هناء : وعلاش راكي تحوسي عليه
****** : وليد الحلال عند ذكرو يبان