غالياتي كيما علبالكم بالخميس منحطش حبيت نقوللكم هاد المرة غدوة ان شاءالله نحط و اليوم لالا يعني قلبت باش منخليكمش تستناو حبيييت نشكركم بزاف على تفاعلكم بصح و الله عييت و الافكار مراهمش منظمين على هادي راني نطول باش نحط لي راهم يكتبو الكرونيكات راح يفهمو شحال تعياي باش ديري كرو شفتو الحلقة لي تقراوها فدقائق انا تديلي ساعتين ولا كثر بارسكو منحبش ندير كرو هكاك برك نحب كلش يكون مليح و بالطبع
كاين واحد الفقرة كنت موالفة نديرها و لي هي فقرة اسئلة تخليني نعرف واش تحبو يعني ارائكمم تههههمني بزاف حتى الانتقادات نتقبلها بالعكس تساعدني باش نحسن من الكرو بصح تكون بطريقة مهذبة هي الحمدلله اغلب التعليقات تكون ايجابية بصح مرات كاين بنات يكتبو واااحد تعليقاااات يعني انتقاد يكون بواحد الطريقة غير محترمة و حبيت نوضح حاجة الكرونيكات لوليييين كامل لي درتهم كاين لي عندهم ست سنين يعني طريقة السرد و الافكار كانت مزال مطورت حتى اللبسة لي كنت نحطها تاع الابطاال كانت ستييل تاع هداك الوقت سما مجيوش تهدرو عليها و هي عندها شحاال المهم نحبكم هنا تريبونديولي على اكبر قدر من الاسئلة بكل شفافية
شكون هي اكثر شخصية عجبتكم فهاد الكرو و وعلاش
حاجة حبيتو تبدلوها فكاش شخصية ولا كاش حدث
حابين نزيد نطول فالكرو مور الزواج ؟ صراحة انا راني حابة باش نكونوا صريحين هاد الكرو هي و انت املي مام تاع سيف و ملك هما المفضلين عندي سوورتو هادي سما محبيتش نتسرع فيها جيني بزاف انتقادات على نهايات الكرو تاعي يقولولي تزربي تكملي الكرو و صح مع نبدا نعيى خلاص سما قلت بلاك نحبس فترة و نوليو فجزء ثاني برك لازم تكون حكاية كاين فهاد الجزء انا اكثر حاجة نكرهها فالكرو هي وقت تكون غير على البطلين حكايتهم رومانسيتهم الخ نكررره هاد الحاجة دايمن نحب يكونوا كاينين حكايات اخرى مشاكل عائلية مثلا الخ
اكثر حاجة معجبتكمش فالكرو بكل صراحة نحب نعرف اذا كانت كاينة حاجة محبيتوهاش هكا باش نحسن منها فالمستقبل
اكثر كوبل عجبكم و وعلاش
رايكم و تقييمكم من عشرة على الكرو نحب نعرف رايكم الصريح عليها
اسماء الابطال عجبوكم ؟ ولا حبيتولهم اسماء اخرى
صحة نحبكم تغتنمو الفرصة و تقرليلي حاجة حابينها تصرا فالكرو قبل ما تخلاص
هذا ماكان نقوللكم ملتقانا غدوة ان شاءالله فحلقات جداد و مميزين و باحتماال كبير راح نزيد حكاية فالكرو و اشخاص جدد باش وريدو شوية فالاحداث 💖💖
