اسمهان : صحا نقدر نعرف واش كاين وعلاش حتى جيتي فهاد الحالة
هناء : مرانيش حابة نهدر معليش تخليني وحدي
اسمهان: معنتها نعيط لرضا نعرف منو
هناء : متعيطيلوش .... منحبش نزيد نسمع اسمو فالدار
اسمهان : حابتييييني نضربك هناااء واش هاد الجياحة مراكيش صغيييرة باش تخلي دارك و تجيني بيك بفاليزتك للدار
هناء : اذا قلقتك نروح نقعد عند بابا
اسمهان : هههه باباك اييه روحي شوفي مرت باباك اذا تقبل بيك ، حوس عليك كي كنتي صغيرة باش يحوس عليك دوكا .... مادوملك غير دار راااجلك
هناء : راجلي خانني ، فهمتي دووكا .... المراة لي كان معاها جاتني ليوم للدار واش من دار راكي تهدريلي عليهااسمهان لي سكتت و قعدت تخزر فيها زمان و قعدت قدامها
اسمهان : راكي سوور
هناء : لوكان مرانيش سوور منجيش لهنا
اسمهان : ..... وعلاش ... ياك كان يحبك باين من عينيه
هناء : معنتها محبنيش
اسمهان : مرانيش نبرر فالخيانة تاعو بصح .... باش راجل كان يحبك و هابل عليك و بين ليلة و نهار يشوف غيرك .... معنتها صرات حاجة ... بلاك المراة هديك دارت بيهحركت راسها بنفي و مسحت دموعها
هناء : .... الغلطة بدات من عندك وقت سيفتي عليا الزواج منبعد لحقت ليا ... غلطت كي ... ممديتلوش فرصة هو كان بزاف مليح معايا بصح انا لي كنت نبعد و كنت منفراتو مني و فالاخر هو غلط و شاف غيري
اسمهان لي سكتت و هي تشوف فيها
اسمهان : .... واحد مراح يسمع بحكاية المراة هادي فهمتي حتى خوك ، منحبش يصراو مشاكل هناء لي صرا بيناتكم يقعد بيناتكم
هناء : وعلاش حاسبتيني راح نولي
اسمهان: خوك اذا عرف راح يضارب معاه و يحاشمو و العايلتين اذا عرفو .... بروبلام وقتها .... حتى لوكان غدوة من غدوة و يكتب ربي و توليو راح يقعدو يعايرو فيك و يذلوك بلي صرالك
هناء : مراحش نوليو كوني هانية ماما
اسمهان : ايه كيما تحبي خلي هاد المراة هي لي تتزوج بيه و هي لي تعيش فداركاسمهان لي رفدت روحها و خرجت مخليتها غارقة فالتخمام
.........
الليلة هادي لي جازت صعيبة على اغلبية ابطال قصتنا و بالنسبة لي يحوسو على هديل و وسيم نقوللكم بلي عندهم يامات ملي راحو للخارج على جال البروبلام تاع هديل مع الحمل ........ الصباح لي جا و الساعة راهي تشير للسبعة تاع صباح ، عند زياد لي كان يغسل فوجهو ... نشف و خرج قاصد الشمبرة لي فيها بيلسان مع لحق لقى الممرضة خارجة من عندها
***** : المريضة ناضت مسيو
هو لي تبسم و دخل بزربة لقاها تسيي تسقم فالمخدة