كيما راني نسمع فهدرتكم و نحطلكم الحلقات نتوما تاني تهلاولي و اذا لحق هاد البارت خمسين تعليق نزيدلكم حلقة
.......
مايا : ختي وعلاش راكي تبكي .... فتحيلنا لباب
فريال : بيلسان فتحيلي لباب تعيشي
هي لي مانت داخل الشمبرة نطقت
بيلسان : حابة نقعد وحدي خليوني
فريال لي راحت للكوزينة وين لقات مريم قاعدة و قدامها حكيمة ، كانت تشرب فكاسها تاع الما حتى شافتها
فريال : وعلاش راكي ديري هكا ممبا مسييتيش تفهميها .... سيد عاونها و جابها لهنا و نتي درتي حكاية
مريم : كيفاش هادي عاونها
تنهدت و حكاتلها
مريم : هههه مليح ..... مليح و بزااف .... شحال عندها مع هدا مراد
فريال : معلباليش ..... يعني واحد سبع ثمن شهور
مريم : هاد لوقت كامل و هي معاه و مقالتليش و زيد خارجتلي فليل و بتخبية عليا لالا و سيد هداك منعرف واش كان راح يديرلها لوكان معونوهاش منبعد جرجرت رجال للعند لابوليس و ختمتها بمجيتها معاه فليل مليييح
وقفت و راحت قاصدة شمبرتها خبطت بيدها الباب
مريم : افتحي .... قتلللللك افتحي
فتحتلها لباب و رجعت لبلاصتها
مريم : سمعت حكايتك بيلسان ..... برااافو نحييك عجبتني بزاف
رفعت صبعها بتهديد
مريم : يا تسقمي روحك يا
بيلسان : يا ... واش راح ديري ... تضربيني ولا ترميني برا
مريم : انا الله غالب درت لي عليا بصح مقدرتش عليك .... ماشي قلتي بلي انا مزيرة خليني مالا نبعتك لعند جدك تاع باباك تعبشي عندو هو لي يقدر عليك .... تزيدي غلطة وحدة بيلسان غلطة نبعتك بلا ما نخمم زوج مرات ..... جيبي تليفون هداك
بيلسان : واش راح ديري
مريم : افتحيه .... افتحيييه قتلك
فتحتو و مدتهولها
مريم : من شمبرتك مراحش تزيدي تخرجي حتى يقولي سيدي راسي
بيلسان : مراحش ديريها
مريم : مزال متعرفينيش مليح
نحات لمفتاح من الباب و خرجت خلاتها تخبط فالباب
مريم : فريال نتي و مايا ترقدو فالصالون
فريال : راكي تزيدي عليها مريم
مريم : دايمن تسكتوني و تحاميو عليها بصح مليوم واحد مراح يزيد يدخل روحو
رفدت المونطو تاعها و ساكها و خرجت
فريال : وين رايحة
..........
رمزي لي كان يمسح فالطونوبيل حتى دخلت طونوبيل و هبطو منها زوج
رمزي : صابر روح شوف هدو لي جاو
راح عندهم صابر باس يبدا يغسل طونوبيل و هداك لي كان يدور راسو فالبلاصة
نبيل : سامي خالتي راهي تعيطلك
سامي : بففف خلي منبعد و نعاودلها
نبيل : مفهمتش وعلاش جبتنا لهنا ديجا لوكان تسمع بيك دير حالة
سامي : دير على روحها
نبيل : معامن راني نهدر ، انا نروح نشوف كاش حانوت نشري و نجي
