خرجت لبرا ضربها لهوا لي كان بارد لبست المونطو تاعها و كملت تمشي ، مع لحقت لواحد الزنيقة كانت راح تهبط حتى شافتو طالع تبسمتلو تبسيمة خفيفة و جازت ، مع فاتتو حبسها
زياد : بيلسان
بيلسان : اممم
زياد : كشما كاين
بيلسان : كيفاش
زياد : مصبح و نتي قالبة خليقتك
بيلسان: لالا والو .... راني عيانة برك
زياد : سوور
بيلسان : اممم
زياد : راح ترحلو
بيلسان : ايه
زياد : وعلاش
بيلسان : ظروف
زياد : ..... و وين راح تروحو
بيلسان: انا و مايا راح نروحو لدار جدي
زياد : قريب منا مالا
بيلسان : لالا hors wilaya .... تبقى على خير
مع جات راح تهبط منبعد دارت عندو
بيلسان : صحا ... على كلش .... و ربي يشافي باباك
زياد : .... ان شاء الله
بيلسان: تهلى فروحك
زياد : ...... و نتي تاني
و هكا كل واحد شد طريق زعما خلاص هنا تحبس حكايتهم لي مزال مبدات
..........
هي لي كانت تشوف فيه من التاقة و هي حاطة يدها على خدها
هديل : اففف هديل وشبيك ..... هو اصلا يحب رشا
سعدية : هدييل واش راكي ديري
هديل : اههه والو كنت نطل برك
سعدية : ادخلي لبرد
هديل : ايه
.........
و جازت الليلة هادي كيما كتبها ربي .... و جا نهار جديد باحداث جديدة
بيلسان : ماما مرانيش حابة نبعد عليكم و نقعد مع جدي علبالك بلي صعيب
مريم : شتتت خلاص
مريم لي كانت تمسح على راس بنتها لي كانت معنقتها و تبكي
فريال : تاكسي لي تديك نتي و مايا راهي لحقت
مريم : بلاكو على بعضكم
بيلسان : اييه
عنقت مانها و فريال لي كانوا يبكيو .... مايا لي قرنت حواجبها و عيطت و هي تبكي
مايا : منرووووحش
خرجت تجري و هي تبكي
مريم : مايااا
بيلسان : خليها دوك كي نهبط لتحت نلقاها
......
عند مايا لي هبطت تجري حتى لحقت للافاج ......
رمزي : مايا واش جابك ، وعلاش راكي تبكي كاش واحد ضربك
مايا : عمو زياد وين راهو
رمزي : معلباليش شفتو لتحت بصح بلاك راح
مخلاتوش يكمل هدرتو و راحت تجري و تحوس عليه .... حتى لحقت للاصال لقاتو يدير فسبور
