جماعة صبرو روحكم بهاد البارت فليل نكمللكم راني مشغوووولة ياك
هي لي الخلعة دخلت لقلبها خزرت من و من لقات الحالة فارغة واحد ما كان هنا قلبها لي بدا يخبط ملقات روحها غير طبعتو و راحت تجري .... هي تجري و هو يجري محست غير بيه شدها من شعرها مكركرها موراه و هي تعيط ..... حلقها راح و واحد ما جا ليها .... ظهرها تقسم وقت رماها على الارض
زاكي : هكا باش تتعلمو تلعبو مع زاكي
بيلسان : مقدرتش على الرجال جاي للنسا يا الحقاااار
مع اخر كلمة قالتها كانت رفدت بيدها التراب و الرمل لي كان فالارض لي طاحت عليها و رماتها على عينيو ، هو لي مع بدا يتعوج وحدو و يحك فعينيه هي كانت رفدت ساكها و هبطت تجري ، تجري و معلبالهاش وين لمهم تهرب .... قلبها لي خلاص حاستو راح يحبس مع بدات تلحق لحومتهم بدات ترجع فيها الروح ، دورت راسها لقاتو جاي و يحك فعينيه .... رجليها لي خلاص رجعت متحسش بيهم بلاك راهي تبان نورمال بصح كي تكوني فنفس الموقف يا ختي قلبك يحبس نورمال ....... حطت يدها على صدرها لي حاستو راح يخرج خلاص حست رجليها مقدروش يزيدو يشدوها ...... اسمو لي خرج منها بصوت خافت
بيلسان: زياد
هو لي هداك وين وصل كيما كان طالع للباطيمة تاعهم شافها واقفة ... كانت حمرة و عينيها بالدموع راح طيح .... ما حس برجليه غير داوه عندها هادي هي لي قلت يا سي زياد متهمنيش و كل واحد فطريق
زياد : بيلسان وشبيك
دموعها لي طاحو و تلاحت عندو تبكي
زياد : وشبيك
كانت تبكي و تشهق هو لي جوز يدو على شعرها
زياد : خلاص ششششت .... ارواحي
طلعها بلعقل لدارهم ، فتحتلهم ليان لي كانت تما و مراحتش للجنازة .....
ليان : بيلسااان وشبيك
هو لي دخلها للصالون و قعدها
ليان : واش صرالها زياد
زياد : معلباليش روحي جيبيلها كاس ما
حركتلو راسها و خرجت و هو دار ليها
زياد : وشبيك واش كاين قوليلي
مسحت دموعها بيديها حتى نتبه ليدها لي كانت تجرحت وقت رماها
زياد : وشبيها يدك
ليان لي دخلت و معاها الما ، شربتو و قلعت نفسها ، هو لي مسحلها دموعها لي كانوا هابطين
