صوت شهقتها لي خلاهم يدورو ....... كانت فريال لي من مور الباب ...... دفعت الباب و دخلت
فريال : ... ووو .... وااش قلتي ماما
مريم لي جرات حطت يدها على فمها
مريم : فريال اسكتي تعيييشي
فريال لي طبعتها
فريال : كيفاش قدرتي ديري هكااا قولي
مريم : تعيشي سمعييني
فريال : شكون هذااااا وعلااااش مخبية على بنتك
......
بيلسان : ماما .... وشبيكم
مريم : بيلسان
بيلسان : فيفي وشبيك
مريم لي كانت تترجى فيها بعينيها
فريال : والو غير عيانة شوية
بيلسان: روحي ريحي ، ماما راح ندي هاد الطبسي تاع لقاطو لدار هديل ياك قتلك مقبيل
مريم : ايه بيانسور
بيلسان لي لبست جيلي و خرجت ، فريال لي دارت لختها
فريال : راني نستنى فيك ختي
مريم لي تنهدت و قعدت ، حكيمة لي مسحت على وجهها و خزرت ففريال لي كانت حاطة يدها على حزامها
مريم : ..... كي كان عندي عشرين سنة عرفت احمد ..... حبيتو بزاف ..... حبي ليه خلاني نغلط و نتمادى بزاف ..... غلطنا .... و الغلطة هديك جات موراها بيلسان فهداك الوقت كانوا صراولنا مشاكل بزاف هو كان حاب يتزوجني و يماه كانت دايرتلنا المشاكل حتى باباه وعلاش بارسكو انا و هو مكناش من نفس المستوى ....... موراها هو راح للهيك يكمل قرايتو كنا تسيبارينا ......... منبعد عرفت بلي راني اونسانت ..... رحت لعندهم حللت يماها توصلني ليه بصح محبتش ..... حكيتلها مامنتنيش منبعد سيفت عليا نطيح البيبي ...... منكذبش عليك حتى انا سييت نطيحو يماك وقت عرفت مكانتش قل من هالة يمات احمد ، الدنيا كامل كانت حابة الطفل يموت بصح تكتبتلو حياة جديدة و بيلسان جات للدنيا ....... كي كنت اونسانت كان جا رشيد يخطبني قرا معايا و حبني .... كان علبالو بكلش و سترني و جامي لا فرق بين بيلسان و مايا كان مدايرهم بين زوج بناتو ....... علبالي غلطت بصح الغلطة تاعي كانت كي عصيت ربي و رفدت فالحرام بصح جامي لا ندمت كي جبت بيلسان ولا كي خبيت عليها محبيتهاش تعرف الحقيقة المرة اصلا مكانوش قابلينها فريال حتى احمد وقت ولا تزوج و دار ولادو ..... صدقيني لوكان لقيت حل اخر لوكان درتو
فريال لي طاحت على الكرسي و هي تبكي
فريال : بيلسان واش ذنبها ..... يا ريتك طيحتيها قبل ما جي للدنيا
حكيمة : فريال .... بنتي .... لي عرفتيه عاهديني مراح يعرف بيه حتى واحد
فريال : كيفاش حابتيني نخبي عليها .... علبالك بلي بلاصتها عندي ماشي كيما تاع الاخرين نحبها كثر من بنات خواتاتي لخرين و كثر من خواتاتي كييبفاش حابتيني نكذب عليييها و غدوة .... غدوة لوكان تعرف كيفاش راح تزيد تخزر فينا
حكيمة : اذا سكتي واحد مراح يعرف
فريال : مدولي قلبكم
