ليان : بابا سمحلي
تبسم و دار عندها شدلها وجهها بيديه
عبدالعزيز: الوحيدة تاعي زينة و شابة تاعي ... فاهمك
ليان : منقدرش نخلي ماما وحدها
عبدالعزيز: ... معليش .... ارواحي اقعدي يمات عندي جداتك راح تفرح بزاف
ليان : .... نسيي نجي هاد لويكاند نوعدكتبسملها
عبدالعزيز: ربي يخليلي بنتي ... تحبي نبعتلك شوفور يديك تشري غدوة علبالي دخلة تاع لمسيد قربت
ليان : صح
عبدالعزيز: بيانسور نتي طلبي برك
ليان : نقدر ندي معايا صاحبتي
عبدالعزيز: ايه
ليان : وعلاش مجيش نتا معايا بابا و منها نجوزو وقت كيف كيف
عبدالعزيز: عندي خدمة ليانزعفت بصح محبتش تبين
ليان : بعتو بعيد على دار مرانيش حابة يصراو بيناتكم مشاكل بسبتي
تنهد و دارلها براسو ايه
خرج و هي رجعت لعند يماها لي لقاتها حاطة يدها على راسها
ليان : ماما نجيبلك كاشي تاع راس
دارتلها براسها ايه و هي جابتهولها .... جود لي دور عينيه و راح يجري لشمبرتو غلق على روحو علبالو دوك يزيدو يبهدلوه ، هنا كاين 3 شنابر وحدة لنجاة و ليان و وحدة جود و وسيم و لخرى لزياد
عند زياد لي دخل لشمبرتو نحا تريكوه و رماه فالارض راح للتاقة و الهواء البارد يضرب فيه غمض عينيه منبعد جبد قارو يتكيف حتى حس بالباب تفتح عرفها يماه لي جات رما الدخان حتى يلقاها قدامو
نجاة : مكانش لازم تهدر مع باباك هكاك ...... زياد كي نهدر معاك خزر فيا
دور راسو ليها
زياد : يما راني فري عيان معليش تخليني وحدي
نجاة : مكانش لازم تهدر مع باباك هكاك زياد
زياد : يماا
نجاة : لي صرا صرا و هداك يقعد باباك راح تتحاسب عليه علبالك .... عاجبك حالك هكا نهار كامل و نتا هامل و غالق على روحكمسح على شعرو
نجاة : وعلاش راكم ديرولي هكا ....
زياد : يما راني ندير فالثلاثين اذا معلبالكش لي قدامك معندوش خمس سنين مكالاه تقلقي روحك عليا
نجاة : و يكون عندك 60 سنة ان شاء الله راح تقعد وليدي كيفاش منتقلقش قوول .... فبلاصة مدير عقلك و تسامح باباك دير دارك و ولادك نتا قاعد تربي فالحقد فقلبك
زياد : واحد هداك الراجل منشوفوش بابا عندو ياك وليدو يدبر راسو معاه
نجاة : هداك الراجل باباك فهمت لي صرا بيني و بينو مكان مدخلك فيه
زياد : كي رفدتينا قبل 15 سنة و جبتينا معاك تاني مكناش داخلين بينك و بينو نتي لي راكي تتمسخري بيا يما ايه و على الزواج مدابيك متزيديش تجبديلي عليه مام نتي متحلميش بيه بزاف و اذا راكي حابة بزاف شوفي وسيم و زوجيه