حبيباتي هايليكم حلقة واحد اخرى و الطباخة الماهرة راح تروح طيب و اذا لقات البارت طلع تزيد تكتبلكم حلقة فليل
فدار بطلتنا هوما لي كانوا يسقهواو حتى يسمعو فصوت الباب يااااه تقول هجمو عليهم الخبيط مكانش نورمال
بيلسان: شكون هذا
هوما لي ناضو مع فتحو لباب لقاوها ليندة يمات سمية
مريم : خير ان شاء الله مدام كسرتي علينا الباب
ليندة : وشمن خيير يجي منكممريم لي عقدت حواجبها
ليندة : و نتي يا خطااافة رجااال
دارت لبيلسان لي كانت مور يماها ، بيلسان لي طرطقت عينيها
مريم : وااش راكي تهدري هبلتي احترمي روحك خيرللللك
ليندة : احترمو روحكم نتوما بزاف .... و نتي متبعديش من طريق بنتي مراااح تشوفي خير
بيلسان : هههه واش داني لبنتك
مريم : تقدري تفهمينا واش كاين كيما العباد
ليندة : بنتك ***** داخلة بين بنتي و السيد لي تحبو
مريم : شكون هذا
ليندة : زياد السيد كان هاابل على بنتي و ناوي المعقول معاها حتى جات بنتك فسدت بيناتهمسمية لي لحقت على يماها
سمية : ماما من نيتك جاية لهادي .... خلينا منها .....
بيلسان : سمية شحال عندك ما بدلتيش جلابتكمريم لي قرصت بنتها باش تسكت
سمية : وقيلا سكتنالك خطرة حلاااتلك .... من نهار جيتي فسدتيلي حياتي
ليندة : ان شاء الله عمرك ما تشوفي الربح كيما جبتيها مور بنتي الله يجيبهالك
فريال : مصبح و انا ساكتتلكم بصح راح ننسى عمرك يا مدام و نجي نشنشفكالحالة لي تخلطت الجيران و خرجو من صوتهم لي لحق و من بينهم كانت نجاة و ليان و حتى حياة و رشا
رشا : راني شاهدة طاطا ، زياد كان هابل على سمية و مع بعضهم و هادي جات خربتها عليهم طاطا غير جري على وليدك تكون هرداتو بالسحور
بيلسان : السحووور نتوما لي تعرفولو يا لي دخلتي بين الخاوة
حياة : اسكتي يا قليلة الحيا
بيلسان : بنتك هي قليلة الحيا خارجة مع الخاوة تجري مور دراهمهم .... مالا قلتيلي كان هابل عليييك ههههههههااااااي اذا هداك يخزر فيكسمية لي تلاحت ليها و لوخرى تعيط و نجاة تسلك دارو تبهديييل و خلاص ..... بسييف باش نجاة و واحد المراة تما سلكو بيناتهم
نجاة : خلاااص احشموووو دوكا
سمية : طاطا ماشي حرام يديرولنا هكا مراح تقوليلها والو
نجاة : يا بنتي وليدي كبير و ماشي من نوع لي وحدة تلعبلو بعقلو لوكان صح يحبك ما يخزر فواحد اخرى
ليندة : سما بنتي كذابة
نجاة : حاشى مهدرتش هكا بصح هادي ماشي حاجة يجيو يضاربو عليها ليندة اذا حنا الكبار درنا هاد التبهديل واش راح نستناو من الصغار
رشا : بصح ماجاياش طاطا الله يسترنا من النسا لي يفرقو بين زوج هكا
بيلسان: نتي مراحش تسكتي