🌸 اسمعو لي حبو يقراو الحلقات مع بعضهم يستناو لليل بارسكو راني رايحة نطيب لعشا سما لحلقة لي مور هادي فليل تهبط بارسكو مزال مكملتها و لي تحب تقرا و تستنى براحتها 🌸
بيلسان : يجي قد وسيم بلاك
نجاة : اههه ... قاعد معاكم فدار ... يعني يبات
بيلسان: ايه نورمالمونسيد لي كي يمرض و وجهو ميحمارش هكا 😂 زياد لي وجهو ولا حمر حتى وذنيه و حماارو
نجاة : بسم الله عليك وشبيك
طبعتلو كاس تاع الما هو لي كح و شربو
نجاة : وشبيك
زياد : والوهي لي طلعت حاجبها و هي تشوف فسيد لي تبدل حست ديرونجا من حاجة لا علينا كملو العشاء فرزو الحالة و هايليك بيسو خرجت و طالعة لدارهم حتى حبسها صوتو
زياد : بيلسان
هبطت زوج درجات باش قربت و نطقت
بيلسان: انعم
زياد : .... شكون هذا لي راهو فداركم
بيلسان: ها اامجد ... راني قلت بلي من لافامي
زياد : و وعلاش قوجا راجل بايت وحدو معاكم
بيلسان: زياد ضيف و جا للدار راك حابو يتحاوز ! و زيد مراهوش بايت معايا انا راني فشمبرتي و هو فجهة واحد اخرى
زياد : بيزار حياتكمطلعت حاجبها
بيلسان : زياد وعلاش هاد الهدرة دوكا
زياد : اطلعي ، اييه و مدابيك تسقمي لبستك قدامو نعرفك مطلوقة فاللبسة
بيلسان: هادي حاجة تخصني زياد
زياد : ولينا فتخصك و تخصني حابة نجي ليك
بيلسان: مكذبتش مكاين والو بيناتنا باش دخل روحكدورت راسها و طلعت مخليتو مغمض عينيه يسيي يشد روحو ميطلعش ليها
.........
دخلت لشمبرتها حتى حست بشكون حط يديه على عينيها و سوطا عليها
مروة : شكوووون انا
بيلسان : مرررروةنحاتلها يديها و دارت عندها معنقتها
مروة : توووحشتك
بيلسان: مام انا وقتاش جيتو
مروة : مقبيلة برك جابنا بابا و راح انا و ماما
بيلسان: حاالة فرحت كي جيتو
مروة : طولتي فدار عجوزتك
بيلسان: ههه جايحة
مروة : ارواحي راني فرشت فالارض و جبت شوية تبناج ليوم مفييهاش رقاد