بعد مرور شهرين :
حبست طونوبيل قدام الفيلا ، هبط زياد و راح فتح الباب جاب la chaise roulante حطها ، و فتحالباب رفد و حطو و راح داخل بيه للدار
زهيرة : اههه جاو
راح لجهة l'ascenseur طلعو و داه لشمبرتو ، رفدو و حطو فالبونك تاعو
عبدالعزيز: سمحلي تعبتك معايا
زياد : تعبك راحةسقم الكرسي هداك فجهة حتى دخلت اسمهان
اسمهان : عبدالعزيز واش قالك الطبيب
عبدالعزيز : كاين تحس حتى رجليا رجعت نحركهم شوية
اسمهان : الحمد لله
زياد : انا نروح هداك هو
عبدالعزيز: اقعد افطر معانا
زياد : لالا نروح يما راهي تستنى فيا
عبدالعزيز: كيما تحب........
عندها هي لي كانت ببجامتها و دايرة فوقها جيلي ، طامة نص شعرها بشكل مهمل ، شرات شوية خضرة لي قالتلها عليها يماها حتى تلقى هديك المسمومة تاع سمية جاية تمشي و تتعوج
سمية : ديرلي كيلو بطاطا .... اوووه شكون راهو هنا
بيلسان : شكوون
سمية : مولات العينين زروقا
بيلسان : هاهاها شحال غاملة
سمية : هاهاها شحال ماشي مربية هكا تهدري مع الناس
بيلسان : متخلينيش نعلمك تربية كيفاش عاملة
سمية : هااا نتي تعلميني تربية ، الحمد الله ماما و بابا رباوني مليح شوفي نتي ، هادي هي نتيجة كي تترباي بلا راجل فوق راسكرفدت البطاطا و جات رايحة ، هااا و معامن طاحت بيسو لي جبدتها من شعرها و طاحت عليها تضرب و تشنشف
بيلسان: نوريلك كيفاش تهدري عليا هكا
النسا لي لتما دخلو يسلكو بيناتهم و الخضار شفيتو عليه لي حب يخطب نجاة ههه معرف باش تبلى هبط ليهم يسيي يسلك ، هو لي كان جاي بالطونوبيل حتى يشوف الناس مجمعين و وحدة طايحة على لخرى تضرب ، هبط من الطونوبيل حتى يشوف فمراة شادتها و وحدة شادة سمية و هي تخبط فروحها معولة تكمل على سمية ...... سمية لي مع شافتو جاي بدات ترقق فصوتها و تتمسكن
سمية : وعلاش درتيلي هكا مريضة
بيلسان : مزال مدرتلك والوو تتلاح ليها حكمتها من شعرها لوكان ماشي هو لي جا جبدها لوكان راهي طيرتو
زياد : هبلتي اطلقيها
بيلسان : بعد ، و نتيرايحة مولية ليها حتى زيرها بيدو و سمية زعما جات ليها وحدة تعيط و لخرى تخبط فروحها دارو تبهديل و خلاص ، حتى عيط باش حبسو
زياد : حبسو علينا من الجياحة تاعكم
سكتو و هي جبدت روحها و راحت حتى الساشيات تاعها و خلاتهم لباطيمتهم ... تمسح فدموعها باطراف صبعها ، جبديلها على كلش و مجبديلهاش باباها دايمن سمية تستفزها يا ختي الغيرة قتلتها بصح اليوم كي وصلت لباباها لمخلوقة طرطقت ..... حست بيه وقت جبدها مع الدخلة تاع الباطيمة