🌸 البنات حبيت نشكركم بزاف على التفاعل شكرا بزاف بزاف ، سمحولي هاد اليامات مرانيش ننزل بانتظام كيما كنت علبالكم عييت بزاف مع الكرو تشدلي الوقت بزاف سورتو مع الافكار نقصولي ههه المهم نخليكم تقراو قراءة ممتعة حبيباتي 🌸
ايهاب : ايهييه وليد العم هداوين جي
تسالمو و شدو طابلة وين كانوا واقفين
ايهاب : كيفاش حتى جيت
زياد : .... على جال عمك سينون معندي ما نجي ندير
ايهاب : قصدك باباك ..... اههه زياد هادي هي fiancée تاعي نرمين .... نرميين
هي لي كانت مع مجموعة تاع البنات من بينهم ليلى هناء و هدى
نرمين : chéri
هي لي راحت وقفت قداممو
ايهاب : حبيبي هدا زياد وليد عمي لي حكيتلك عليه
نرمين : متشرفين
هو لي حركلها راسو و هو يشرب من كاسو ، راسو وجعو من الصداع لي هنا و صوت ضحك صحاباتها لي كان مايع .... ليلى لي ضيقت عينيها
ليلى : هذا زياد
هدى : هو منين تعرفيه
ليلى : كيفاش ما نعرفوش هو و بيلسان راهم ....
دارتلها بيدها كيفكيف ، هدى لي طلعت حاجبها
هدى : سوور بارسكو ما حكاتلي والو
ليلى : امممم
نطقت وحدة
***** : سما هدا داووه
****** : باينة يطيرو بيه
هدى لي الشر خرج من عينيها شوية و جات عندهم نيرمين .......
زياد : كيفاش عرفتها
ايهاب : بنت صاحب بابا
زياد : زواجكم كامل واحد
ايهاب : ههه خير معجبناكش
حركلو براسو بلالا تاع معجبتونيش
ايهاب : نشوفوك نتا كيفاش راح تتزوج
ضحك و كمل يشرب ...
ايهاب : اووف انا نروح وقيلا غدوة عندي خدمة و موراها طريق
زياد : لوين
ايهاب : نجيب السلعة و راح نقعد كاش سمانة تما
زياد : hors wilaya ?
ايهاب : ايه
زياد : ايهاب معندكمش زعما كاش بلاصة فالشركة تخدمو فيها
ايهاب : نشوفلك ليمن
زياد : لوحدة
ايهاب : امممم مكاش بروبلام بصح شوف عمي خير يتهلى هو مول الشي
زياد : دوك نتا قوللنا تقدر ولا ما تقدرش بلا تفلسيف
ايهاب : اوموان حلل شوية يا حبيبي ... خلاص خلاص جيبها غدوة نوريلها الحالة كيفاش عاملة نخليوها تتعلم منبعد ساهل
زياد : و تهلى
ايهاب : بلا ما توصي
زياد : و مدابيك تكون بعيدة على التخلاط
ايهاب : اوهوووه زيد تشرط اصلا وعلاش جايبها تخدم غلق عليها فالدار
زياد : هي حبت هكا .... سينون انا ca m'arrange تقعد فالدار
ايهاب : الحمدلله غدوة نشوفو هادي لي هبلاتك
زياد ( طلع حاجبو ) : نتا شوف fiancée تاعك بزاف
