عبدالعزيز: لوقتاش راح تقعدو هكا ، شكون لي راح يوقف على حقكم غدوة الشركة لازم لي يوقف عليها
زياد : قلتهالك من قبل مراني مسحق والو
عبدالعزيز: زعافك مراحش يروح
زياد : معندهاش علاقة بالزعاف .... اذا دير عليا الشركة هادي خليها لسامي هو لي عيا عليها معاك
عبدالعزيز: بصح ... هكا منكونش عدلت بينكم
زياد : .... وعلاش نتا وقتاش عدلت بيننا .... على كل رانا سامحين فحقنا .... هو يستاهل البلاصة هديك كثر مننا
عبدالعزيز لي تبسم و جوز يدو على وجه وليدو
عبدالعزيز: .... صحا نقدر نعرف حاجة ..... كي جيت اليوم .... و كي وقفت معايا هاد الوقت كامل كان بسبة لي صرالي ولا قلبك صفا من جهتي
زياد لي سكت و جبد وجهو ....
زياد : راح نروح هداك هو تهلى ف .....
سكت وقت عنقو باباه
عبدالعزيز: وقتاش راح يذوب الجليد لي بيناتنا .... صدقني عييت وليدي
زياد لي قعد مكوانسي ، كان حاب حتى هو يعنقو و يعيطلو بابا .... راهي 15 سنة و هو بعيد عليه بصح حاجة كانت محبستو ...... باباه لي كي شافو مبادلوش جبد روحو و خزر فيه
عبدالعزيز: راح نقعد نستنى فهداك نهار لي ترجع تعيطلي بابا و نشوفك عايش قدامي .... معزتك و بلاصتك عندي غالية و بزاف ..... حاب منك حاجة برك ..... وعدني بلي سامي مراحش تفرق بينو و بين جود و وسيم علبالي راسو قاسح و مرات يدير حاجات عيانين بصح علبالي تاني بلي كاين طرف مليح فيه ... نهار لي جيت هنا ... شفت الحقد لي كان فعينيك الحقد هداك خليه ليا حتى اسمهان و مانك مراحش نسيفهم عليك بصح سامي خوك اذا جا نهار و غابت فيه عيني نحبك تكون اخ و اب ليه كيما راك داير لخاوتك الاخرين
زياد : متزيدليش responsabilité فوق responsabilité .... و نتا ربي يخليك لوليدك
رفد روحو و خرج و هو يجوز يدو على عنقو ، رفد الطونوبيل و راح ديراكت للدار و بالضبط لشمبرتو وين نحا حوايجو و راح يدوش
.......
نجاة : واش رايك
بيلسان: بزاف بنين صراحة ماكلتك تهببل طاطا
نجاة : نولي كلما نديرلبغرير نخليلك حقك
بيلسان: ربي يخليك طاطا
نجاة : بلا مزية حنونتي .... اهههه زياد وقتاش جيت
هو لي دخل متبسم مع يماه مع شافها راحت الابتسامة خزر و رجع عينيه ليماه
زياد : مقبيل محسيتيليش برك
نجاة : بصحتك دوش
زياد : الله يسلمك
سلم عليها و قعد
نجاة : نحطلك قهوتك
