حبيباتي بالنسبة للتنزيل راح يكون كل يوم و حلقة وحدة راح نحاول نطولها شوية بحكم هاد الجزء شوية قصير و لي تحب تلم الحلقات منبعد تقراهم براحتها 💜هو لي فتح الباب و دخل و هو راجع غالقها ...... لقاها قاعدة فالبونك و هي غايسة
وسيم : نقدر نعرف واشبيك
هو لي لحق عندها و قعد قدامها
هديل : عييت اليوم برك ..... حابة نرقد غدوة عندي بزاف عفايس نديرهم فالستاج
مسحلها على شعرها و رجعلها الخصلة لي كانت طايحة على عينيها للور
وسيم : ..... درتيه ياك
هديل : وشنو
وسيم : التاستسكتت و عينيها تعمرو بالدموع
وسيم : ياك قتلك خلااص انساي هاد الحاجة
هديل : علبالك بلي بزاف حابة يكون عندنا دراري .... كل مرة ندير فيها تاست و يخرج négatif .... نحس قلبي حاب يخرج
وسيم : هديل حاجة مراهي مقلقتنا مزلنا صغار قتلك خليها لربي معندها حتى معنى تقعدي ديري فلابريسيون لروحك انا تاني راني نزعف كي نشوغك هكا
هديل : وسيم افهمني ..... حتى يماك و ظل تسقسي شفت خزرتها اليوم وقت كانت تستنى فالتاست قدام الباب حتى الجيران و لافامي كي يجيو يظلو يسقسيو
وسيم : سما نتي راكي ديري على ناس مفهمتش واش دخلهم فحياة ناس
هديل : .... صحة معليش مافيها والو نروحو عند طبيبة بلاك تمدلنا كاش دوا بلاك عندنا كاش بروبلا....
وسيم : هدرنا ديجا فهاد السوجي و قتلك مراحش نروح هديل ما عندي والو
هديل : مقلتش عندك بصح .....هو لي ناض ينحي فالتريكو و رايح للخزانة و هي وقفت تابعتو
هديل : وسيم وعلاش عندكم عيب تروح عند الطبيبة نورمال مراح تنقص فيك والو
وسيم : حبيتي تروحي روحي انا ما عندي والو باش نروحلبس حوايجو و راح للبونك رقد
وسيم : خليني نرقد عندي خدمة صباح بكري
هديل : نقدر نفهم وعلاش كلما نجيو نهدرو فكاش حاجةتتهرب و متحبش تتناقش معايا
وسيم : بارسكو علبالي مراحش نقعدو نتناقشو راح تخلاص علينا نضاربو و هاد السوجي هدرنا فيه شحال من خطرة قتلللك مزالنا صغااار مراناش مقلقين على الدراري و لي جات من عند ربي مرحبا بصح نتي حابة تضاربي بسيف و دوكا خليني نرقد صباح خدام
هديل : بصح مجاياش كلما يكون عندنا بروبلام لازم نحلوه تتجاهلو و تحبس الهدرة فالنص ..... وسيييم