طلعت عينيها للساعة و هي دايرة نواظرها تقرا فكتاب منبع رجعت عينيها ليها هي لي كانت واقفة قدامها
هالة : راهي الستة تاع لعشية وين رايحة منا فوق
ليلى : راح نتلاقى بصحابي
هالة : ليلى باباك ميحبكش تخرجي فليل متخليناش نقعدو مقلقين عليك
ليلى : وين راهو بابا لي راكي تهدري عليه ... مكانشو ... هااا راح نبات عند الطفلة
هالة : ليلىىىىهي لي دارت و كملت طريقها خارجة مخلية هالة تعيط موراها
هالة : ليلىىىىى قتلك متخرجييييش من الدار
نورهان لي حبست ليلى
نورهان : ليلى خير يما تهدر معاك و نتي خارجة نورمااال
ليلى : متزيدوش تتحكمولي فحياتي هذا مكان ، كاينة soirée حابة نروح ليها نروح حبيت نبات عند صاحبتي نبات ..... المراة لي كان عندها حق تحاسبني راهي تحت تراب و الراجل لي لازم يوقفلي عندو شهور و هو هامل و مخلينا على هادي متزيدوش تحوسو عليا راح نعيش حياتي كيما حبيتخزرت فخوها لي واقف يخزر فيها
ليلى : هايليكم هذا حكمو فيه
نورهان : لييلى
ليلى : عمتي ولادك لي خليتيهم عند راجلك تقدري تحكمي فيهم انا مدخلوش روحكم فياخرجت و خلاتهم ، هالة لي مسحت على وجهها و نطقت
هالة : لازم يجي باباها هادي خلاص مقدرتش عليها
نورهان : باباها حالو مراهو حال
هالة : و راح يخلي ولادو هكا وحدهم لا اب لا ام
نورهان : انا ننصحك عاودي راجعي روحك ..... نتي لي دمرتيلو حياتو
هالة : ههه انا دمرتها
نورهان : ايه وقفتي فوجهو و مخليتيهش يدي لي حبها لالا و خليتيها طيح وليدها نظرات اللوم لي فعينيه عمرك مراح تنسايهم مزالو يلومك على الطفل لي مات
هالة : الطفل هداك ماشي وليدو وعلاش محبيتوش تفهمو بنت خالتها بفمها قالتلي وليد راجل واحد اخر
نورهان : بصح هو راهو يقول وليدو و راح يقعد فراسو وليدي ربي يغفرلي وقفت معاك بكري و ايدتك بلاك على هاديك خلصت و طلقت من الراجل لي بنيت معاه داري و ولادي خيرو باباهم عليا
هالة : لوكان يرجع بيا الوقت نعاود نفس الحاجة علبالي مليح واش لي مليح لوليدي و المراة هديك عمرها ما كانت راح تصلحلو و مزال ليام تبينلكمنورهان لي طلعت لشمبرتها مخلية يماها طل من تاقة
............
الباب لي طبطب ثواني كانت راحت فتحت الباب
هديل : زياد مساءالخير
زياد : مساء الخير هديلدخل للدار ديراكت للكوزينة حاط ساشيات لي شراهم حتى دخلت ليان لي راحت عنقتو