ايهاب : اياااه سامي
لي تما خرجو يجريو غير السي شباب قاعد و مرجع راسو للور شوية و هو ينوض طرطق رقبتو و خرج
ايهاب لي مسكين كان يسيي يسلك بين سامي و هدوك زوج حتى ولاو ربعة زياد دخل فالوسط منكذبوش هو كان يحامي على خوه لي بندروه هادوك زوج صح صح سامي تاني ضربهم بصح منبعد في زوج قدرو عليه ...... الحالة لي بسيف باش تفرقت و تحلت
ايهاب : كان واحد وليتو زوج هبلتو
سامي : مقتلكش عاونني
هو لي ناض من الارض و هو يمسح فوجهو حتى نطق الاخر
زياد : شكون نتا باش نعاونك فرغت زعافي فيهم هذا ما كان ، و نتا مدام عارف روحك متقدرلهمش لوكان مدخلتش روحك فيهم
هو لي وقف و هو عاقد حواجبو
سامي : شكون قالك موقدرلهمش
خزر فيه باستهزاء و خرج ، رفد طونوبيل تاعو و راح موصل للدار حتى لجوايه ستة و نص سبعة غير تاع صباح ، مع طالع تلاقى بيها هابطة ايه ناس نايضة و ناس راح ترقد .... هي لي شافت فيه و فالجرحة لي فوجهو قلبها وجعها حبت تهدر و مقدرتش سورتو كي شافتو تجاهلها و طلع ، زيرت على يدها و خرجت و بقاو على نفس الحال 3 ايام و اليوم الرابع ليوم خطبة حمزوز و فيفي و اخيرا .........
بيلسان : ياعمري يا عمري على خالتو شابة
عنقتها ملور هي لي كانت تشوف فروحها فالمراية ...... فيفي لي كانت لابسة روبة طويلة فالبيض و شعرها دارتلو كواف سامبل اما بطلتنا فكانت لابسة روبة ساتان فهداك الازرق السماوي تفوت شوية الركبة كانت عاكسة لون عينيها مكياج خفيف و شعرها لي كان ondulé رافعة شوية منو
فريال : زعما راني مليحة
بيلسان: راكي تهبلي
مروة لي دخلت عليهم وهي تلبس فسنسلتها و موراها طفلة واحد اخرى ، باش نفهمكم نزهة عندها مروة لي عندها 25 سنة موراها امير قد بيسو 23 سنة و اخر وحدة لجين 15 سنة
مروة : راهو مليح شعري هكا
بيلسان : ارواحي نسقمهولك
سقمتلها شعرات لي كانوا من قدام حتى دخلت نزهة و هي رافدة قفطانها
نزهة : كملتو البنات
بيلسان : ايه خالتو
نزهة : روحي شوفي يماك عاونيها فلي مزال و نتي مروة ارواحي قريب يجيو الناس
و كيما كان الحال الخطابة جاو كانوا شوية منا و شوية منا فريال ناسها معروفين كان زاد جا راجل نزهة و زوج رجال مع مراة كبيرة من لافامي تاع باباها و نفس الشي لحمزة يعني غير دار ختو و عيطو لايهاب و جاو واحد ربعة عباد كبار معاهم كيف كيف من لافامي ..... و كلش جاز مليح عروستنا لي خرجت عندهم سلمت عليهم و فالاخر دخل حمزة باش يلبسلها الخاتم وسط الزغاريت و مايا لي تلقاها من و من بروبتها تجري و تصور .... حمزوز لي دخل و دخل معاه زياد و ايهاب لي حشم يعني قعد غير مع الدخلة ........ بيلسان لي خزرت فيه لقاتو واقف مع خالو مرماش ممبا عينيه مروة لي قرصتها
