البنات نحطلكم الحلقات على جيه و متزيدوش تهبلوني ياك 😂 راح نحبسها فالحلقة عشرين بلاك و نكملوها كيما تفاهمنا ان شاءالله
......
خرج سامي و نبيل و هو ياكل فروحو ....
نبيل : هاه واش ربحت
سامي : سكتنا
تبسم بخبث وقت شافها خارجة من الحانوت
سامي : راهو بدا اللعب
حبس طونوبيل و قعد يستنى فيها
........
مريم : مساء الخير
عبدو : مساء الخير مدام كشما تسحقي
مريم : رمزي وليدي تعيش وين نلقى زياد
عبدو : راهو لداخل دقيقة دوك نعيطلو
كانت واقفة مع دخلة تاع لاصال ، رمات عينها للداخل لقات الحالة فارغة غير زوج قاعدين ينقيو فيها ، شوية و شافتو جاي
مريم : مساء الخير
زياد : مساء الخير
مريم : .... اممم ... انا جارتكم لي نسكن من فوقكم ... يمات بيلسان
زياد : ايه عرفتك ... جوزي اقعدي
مريم : لالا صحا اصلا مرانيش مطولة ..... فالحق ما عرفت نشكرك ولا نطلب منك السماح
زياد : .... حاشى راكي في مقام يما وعلاش تطلبي سماح
مريم : بنتي دارتلكم لمشاكل .... يعني حتى صباح باش سمعت بلي صرا لبارح و زيد الحومة كامل راهي تهدر عليكم ، يعني بسبتنا راح تسمع هدرة ماشي مليحة
زياد : كوني سوور بلي منسمعش هدرة الناس كامل ، و على لبارح انا لي حبيت نعاونها بناتك راهم كيما خواتاتي كيما منحبش على ليان منحبش عليهم على هادي معندك علاه تطلبي السماح
مريم : يعطيك الصحة الله يرضى عليك مراحش ننسى وقفتك معانا .... معلباليش واش كان راح يصرالها لبارح لوكان مكنتوش معاها ... اصلا مكانش علبالي بلي راهي برا .... يعطيك الصحة مرة واحد اخرى
زياد : الله يسلمك
مريم : انا منعطلكمش كثر .... ربي يوفقكم
خرجت و راحت قاصدة دار حتى تلقى زوج نسا موراها يهدرو
**** : لبارح بنتها و ليوم هي ، النسا هادو ولاو ميحشموش
***** : شفتي
حبست و دارت عندهم
مريم : باردون راكو تهدرو عليا ولا انا مفهمتش
***** : نتي مفهمتيش اهههه
مريم : فبلاصة مراكي تعسي فناس روحي شوفي راجلك مدام مليكة ولا حنا منقدروش نهرو عليه هو لي ما خلى حتى وحدة فالحومة
***** : اهههه متحشميش نتيا
مريم : وعلاش نتي كي تهدري على الناس تحشمي
راحت و خلاتهم ياكلو فروحهم
........
