بيلسان: اممم وشنو
مريم : ..... زياد راهو هناهي لي حكت عينيها و تقعدت
بيلسان: وعلااش
مريم : .... بلاك سمع بلي راكي عيانة ... راح نقولو يدخل
بيلسان: اممممممريم لي خرجت و هي سقمت شعرها و تقعدت حتى لقاتو دخل مريم لي جبدت الباب و راحت و هو قعد قدامها حاط قدامها واحد الباطة تاع قاطو
زياد : قالولي راكي مريضة
بيلسان : نضت شوية عيانة برك
زياد : اذا حبيتي نديك للطبيب
بيلسان: لالا ماشي حاجة لي تستاهلسكتت و شبكت يديها فبعضهم حتى حستو دنى ليها و شدلها يديها
زياد : ... مزال ما خممتي
بيلسان: فواش
زياد : فحالتنا بيلسان ...... حابتنا نقعدو هكاحركتلو راسها بلالا
زياد : مالا واش حابة
بيلسان: ..... مرانيش حابة نولي للدار زياد ..... حاسة المشاكل راح تولي و نتا راح ترجع بارد كيما كنت معايا
زياد : كنت بارد معاك
بيلسان: امممم .... شحال من شهر و حنا فالمشاكل ، علبالي بلي السحور لي داروه زاد على ما بينا بصح نتا مكنتش تتفهمني فشحال من حاجة
زياد : ..... اذا على حكاية شهد ..... راهي خرجت من الخدمةهي لي خزرت فيه و سقمت قعدتها
بيلسان: وعلاش خرجت و وقتاش هادي
زياد : لبارح
بيلسان: وعلاش
زياد : ياك محبيتيش نخدم عندي نسا هاني درتلك بخاطرك
بيلسان: حتى للبارح par hasard باش جاتك تخرجها
زياد : دوكا وعلاش راكي تحوسي ياك المهم خرجت ، متخزريش فيا هكا بيلسان تقول راني مداير كاش جريمة .... واش قلتي دوكا
بيلسان: ...... هااه واش جبتلي هناطلت على الباطة لقات entremet au chocolat تبسمت و نطقت
بيلسان: يااا زياد يعطيك صحة تبان بنينة
زياد : وليت زياد دوكا
بيلسان: وعلاش
زياد : ماشي كنت زيادي و منعرف واش
بيلسان: ياك مكنتش تحب نبدلك اسمك سما درتلك بخاطركتبسمت و هي تشوف فملامحو كيفاش يتبدلو و هو يعقد فحواجبو ما حست لروحهز غير و هي رامية روحها عليه معنقتو و هي مزيرة عليه تبسم و جوز يدو على شعرها و هو معنقها
زياد : توحشتك
هي لي كانت حاطة راسها عليه و مغمضة عينيها و هو يجوز فيدو على شعرها
بيلسان: نحبك .... و حابة علاقتنا تتحسن كثر
زياد : مام انا نحبك عينيا.............
عند رضا و هناء لي كانوا فالدار هداك وين ناضو ...... رضا لي دخل و قعد واقف قدام الباب تاع الكوزينة يتبسم و هو يشوف فهناء لي كانت توجد فالقهوة .... مراهوش مامن بلي خلاص الامور تحلت بينو و بين مرتو و هو لي من نهار تزوجو و هو يسيي يراضيها باي طريقة بصح كانت دايمن تتصداه و تنفر منو الشي لي خلاه هو تاني يتقلب عليها بصح دوكا و اخيرا رضات و حن قلبها