سامي : ...... عندك الحق .... بصح علبالي بلي راح جوزيها يعني لوكان واحد اخر فبلاصتك مكانش قادر يهدر نورمال هكا
بيلسان : ..... تغدرت بزاف سامي على هادي مولاتش جيني بيزار
سامي : نوضي راح جي معايا
بيلسان: لالا سامي ..... معندي وين نجي معاك دوك انا نشوف وين نروح
سامي : علبالي دوك تقولي مجياش نروح مع راجل وحدي .... راح نديك تقعدي عند وحدة ... وين راح تروحي وحدك
بيلسان: سامي ...
سامي : سينون نعيط لزياد هو يقدرلك
بيلسان: مرانيش حابتك تحكيلو سامي ... فهمتني
سامي : .... خلاص منهدرش بصح نوضي معايا
...........
عند زياد لي دخل لي دخل للدار لقى خالو قاعد مع يماه و جود و ليان لقى السلام و قعد
حمزة : واش وين كنت
زياد : كنت فدار ايهاب فطرت تما
حمزة : وليت تتفاهم معاه يااه
زياد : واش جابك مخلي دارك و جاي تقلق فينا
حمزة : جيت هند ختي ماشي عندك
ليان : بارسكو مرتو راحت لدارهم على هادي لي جا
حمزة : نتيا يا لفارة لسانك طواال
جبدها و لوالها يدها و هوما يضحكو
ليان : خااالي هههه حبس
نجاة : مراحش تكبر حمزة راك لحقت للربعين و مزالك تتبهلل انا قلت تتزوج تستعقل لالا و زيد راح يجيك طفل مفهمتش شكون لي راح يربي لوخر
جود : اووه خالي صح
حمزة : احممم اييه
زياد : كلشي مبروك
حمزة : لعقوبة ليك
نجاة : راني مكذبة نشوفو بولادو
حمزة : راحلي الامل منو
زياد : لوكان تلتهى شوية بحياتك ماشي خير
حمزة : الله غالب منقدرش ... و زيد فريال راح تقعد فدارهم هاد اليامات سما نلتهى بيك
نجاة : راح تبات ؟
حمزة : اييه قالتلي كايت مشاكل فالدار ولازم نقعد معاهم
نجاة لي حركت راسها ، و رمات عينيها لهداك لي دخل للداخل كان وسيم ..... دقدق و دنل كي سمع صوتها .... لقاها قاعدة مع خوها ، حك على شعرو و نطق
وسيم : نقدر نهدر معاك
هديل : ..... تفضل
هو لي قعد فالبونك لي كان مقابلها
وسيم : ...... حبيت نطلب السماح على لي صرا
هديل : الله يسامح
وسيم : .... مكانش لازم ندير هكاك .... تسرعت ... الله غالب مرانيش من النوع لي يقدر يكونترولي روحو
هديل : ..... شكون لي دار هكاك
وسيم : ..... رشا
هديل : ... غايتها كانت باينة يعني لي صرا كان بسبتك
وسيم : بسبتي
هديل : اييه .... السبة لي خلاتها ديرلي هكاك باينة ... نتا هو السبة
وسيم : علبالي .......
هديل : على هادي من الاحسن نطلقو .... يعني كل واحد يعيش حياتو كيما راهو حاب يعطيك الصحة عاونتني بصح مرانيش حابتك تقعد شافق عليا و نتا تاني تستاهل تشوف حياتك
وسيم : .... حتى دوكان انا مرانيش حاب نطلقو و حاب نمدو فرصة لهاد الزواج
