بيلسان: مكاااين حتى واحد .... هدددى
حطت يدها على قلبها وقت لقات باكي دخان محطوط تما ..... يديها لي تحطو على راسها و دموعها طاحو
بيلسان: واش درت انا ..... واش درت فروحي
طاحت فالارض تبكي حتى سمعت صوتو ، دارت و هي مخلوعة
بيلسان: زياد .........
فلاش باك :
نروحو للفيلا لي كانوا دايرين فيها الحفلة .... طونوبيل تاعو لي حبست قدام الفيلا هبط و راح للباب يخبط فيها حتى فتحتلو وحدة دخل للداخل و هو يحوس عليها الحالة مخلطة و بلا ما نحكيلكم على الفضايح لي كانوا تما .... راح لهدى لي كانت واقفة تضحك مع جماعتها
زياد : بيلسان وين راهي
هدى : .... زياد
زياد : قتتتتلك وين راهي
هدى : معلباليش حوس عليها
هو لي حكمها شانق عليها
زياد : قتتتتتلك ويييين راهي
هدى : اطلقنييي
زياد : ويييييين راهي
هدى : دوك نقولك حب....حبس
هو لي طلقها و تبعها هي لي خرجت لبرا و دارت مور الدار وين كان كاين جنان حتى يلقى فواحد مديها للطونوبيل تاعو
بيلسان: بعد وين راك مديني
هي لي كانت تشوف كلش مضبب و حاسة روحها فعالم واحد اخر .... حتى جاها صوتو ... دارت و هي شبه واعية
بيلسان: زياد
هو لي ما حس روحو غير جابدها موراه و هداك سيد لي هدى دارتلو بيدها غير هرب ، و كان ركب فطونوبيلتو قبل حتى ما يلحق زياد عندهم
زياد : واش هاد الحالة لي راكي فيها
ما حس غير بيها ترخفت و عينيها تغمضو ..........
عودة :
هي لي كي شافتو حست بالنفس ولالها ، ناضت تجري و تلاحت ليه كي حستو ما دار حتى رد فعل دنات
بيلسان: زياد
زياد : ...... يا خسارة العشرة لي بيناتنا بيلسان .... هذا واش راح نقولك
مع دار شدتو
بيلسان : زياد مررني شافية على والو
زياد : روحي سقسي صحاباتك ماشي خارجة تسهري معاهم فالليل .... ايه حقا صحباتك هدوما مشكيتش يهدرو معاك بارسكو شوفي واش شربولك هذا اذا ماشي نتي لي كشما ضربتي
بيلسان: زياد معلباليش كامل على واش راك تهدر
