စိတ်ဖိစီးမှုတွေ များနေသည့်အပြင် အတွေးများစွာသည်လည်း ဦးနှောက်ထဲ ယောက်ယက်ခတ် စွာဖြင့် စိုးမိုးထားသည့်ကြောင့် ညလုံးပေါက်ပင် ဗမာ အိပ်မပျော်ခဲ့ပေ၊၊ အတွေးလွန်ခြင်းသည် စိတ်အတွက် မကောင်းမှန်းသိသော်ငြား မတွေးပဲ နဲ့ မနေနိုင်သော ဗမာ အခြေအနေက အနည်းငယ်တော့ ဆိုးရွား၏၊၊လိုက်ကာဖြူများကို အနည်းငယ်ဟ လို့ အပြင်ပန်း ပတ်ဝန်းကျင်အား ဗမာ ကြည့်မိတော့ ကောင်းကင်မှ အလင်းရောင် ဖျော့ဖျော့ကို မြင်နေရပြီဖြစ်သည်၊၊ ထို့နောက် ကုတင်ဘေးက စားပွဲပေါ် တင်ထားသော နာရီ ထံ ဗမာ လှည့်ကြည့်မိပြန်တော့ မနက်6 နာရီပင် ရှိနေ ပြီ ဖြစ်သည်၊၊
ခွဲစိတ်ခန်းဝင်ရမဲ့ အချိန်က ဘယ်လောက်မှ မလိုတော့သည်ကြောင့် ဗမာ စိတ်လှုပ်ရှားနေမိသည်မှာ လက်တွေပင် တုန်ယင်နေသည်အထိဖြစ်၏၊၊ ထို့ပြင် ကြိမ်နှုန်းမြန်နေသော နှလုံးခုန်သံမှာလည်း တစ်ခုခုကို စိုးထိတ်နေဟန်ရှိသည်၊၊
အသက်ပြင်းပြင်းရှူထုတ်လျက် စိတ်လှုပ်ရှားမှုတွေကို ငြိမ်သက်ရန် ဗမာ မနည်းကြိုးစားယူရသည်၊၊ အရာရာဟာ အချိန်တန်လျှင် အကုန်လုံး အဆင်ပြေသွားမယ်မှန်းသိသော်ငြား တုန်ရီနေသော ကိုယ် ကို ကိုယ်တော့ ဗမာ ဘယ်လိုမှ တည်ငြိမ်အောင်မလုပ်နိုင်ချေ၊၊
ဒီလို အချိန်မှာ ဗမာ အတွက်နှစ်သိမ့် အားပေးမှု လိုအပ်နေတာက မှန်ကန်သော်လည်း တစ်ခြားလူဆီကမဟုတ်ပဲ ထို နှစ် သိမ့်အားပေးမှုက လွှားဆီကနေသာ မျှော်လင့်မိသည်၊၊
ပြီးခဲ့သော အတိတ်က နေ့ရက်တွေဆီ အတွေးများက ပျံ့လွင့် သွားလေတော့ ခံစားချက်အဖုံဖုံမှာ ရှုပ်ထွေးစွာ ရှိလှပြီးဗမာ မျက်ဝန်းထဲမှ မျက်ရည်ကြည်များပင် ဝေ့တတ်လာခဲ့ရသည်၊၊
ဘာအပူအပင်မှမရှိခဲ့သော ငယ်ဘဝအချိန်နှင့် လွှားနဲ့ တွေ့ဆုံးခဲ့သော အချိန်ခဏတာအတွင်းက အခုချိန်ထိ ဗမာ အတွက် ချိုမြိန်ပါသေး၏၊၊ အရင်က အကြောင်းများကို လွှားကတော့ မေ့သွားလောက်မဲ့ ပုံ ရသော်လည်း ဗမာကတော့ တစ်ခုခြင်းစီကို အသေးစိတ် မှတ်မိနေပါသေးသည်၊၊
YOU ARE READING
ZERO (Mafia + Killer ) RICK S-2
RomancePossessive type fic အမျိုးစားအပြင် သွေးထွက်သံယို အခန်းများလည်းပါဝင်မှာမလို့ စာဖတ်သူတွေဘက်က အဆင်ပြေမှဖတ်ပေးစေလိုပါတယ်ဗျ My stranger Husband RICK Season 2 start - 29.12.2023