رواية مُنقذي سبايا داعش
للڪاتبة وردة الشيخ محمد
"البارت الثاني"
"""""""""""""""""""""""
شذى: يُمة ابني احترگ...
كلنة فزعنة على صوتو واكع علية الچاي و مفرفحة روحو و يصرخ شالو ابوه و يصيح
سُليمان: بسررررعة بطانية لاااا يتسمم بسررررعة
ركضت جبتلو بطانية و راحو بسيارة سرمد اخذهم گلبنة وياهُم و نندعي ما بيه شي هوَ طفل عمرو 3 سنوات و وگع عليه من الطول للطول و الچاي چان على النار يتهدر
نوران: شوكعو يا ربي شجابو قوري شثكلو
نور: امو الفاهية راحت وياهم اي ادري طفل غير تخلين عينج عليه
نوران: ترا خطية الله يعين كلبهُم يمعودة طفل و يلعب شبيج انتِ الثانية
ريام: خايبات الچاي يفور يا يُمة شكالت روحك سودة علية عموري
نور: شوكعة عليه
ريام: هاي شوفي الحدايد متحركات ما كاعدات عدل و الچاي فوگة و تلكي لاعب و واگع عليه
نوران: اوووي عماتيي دجيبي التلفون اخابرهُم
ريام: بعدهُم تلكيهُم ما واصلين للمستشفى
و بنت نوران كامت تبچي حطتها على صدرها ما تقبل ترضع تفتر بيها ماكو تصرخ على رنة وحدة و صوتها لو بچت يزرف الاذن كد ما عالي و تفحط و ما تسكت تصير زرگة من الصريخ
ريام: ولج شبيها بنتچ سطرتنة شكت راسنة شك رضعيها شوف شبيها صارت زرگة اسم الله الرحمٰن
نوران: دتسنن شبيج تصيحين عفية لسانج شطولة
ريام: شصيح عجل ما تشوفين شلون تصرخ فرفحت بيت الازرگ
نوران: ههههههه هاج اخذيها رايحة اسويلها رضاعة و اجي
اخذتهه منها و هيَّ گبت بالصريخ اريدها تسكت ماكو اشيلها تسحل بروحها اخذتها و طلعت بالحديقة و هيَّ على نفس الرنة
ريام: نوووررر صخااااام نور وينننج تعااااي العباس سطرچ كون بنتهة سطرتني راسي عيطك من خـ*ا بـ عشيرتج اجت نور تركض
نور: شبيج شبيج شبيها تبچي اووووي مفرفحة شبيج وياهة
ريام: شكتني شك و امها كاعده تسويلها رضاعة شمرتها علية فكيني منها عتخبل
نور: شلون راح تتزوجين انتِ خـ*ا ببليسج
ريام: كُلشي حطيتو القنـ*را الزواج هسة فد شي مهم هوَ حتى خابصينة بيه منو كلج اريد اتزوج اني على سوالف الجهال مسحت الزواج من بالي
YOU ARE READING
مُنقذي سبايا داعش
Mystery / Thrillerرواية مُنقذي سبايا داعش للڪاتبة ورده الشيخ محمد ((منقووولـــــــة)) « فتاة عراقية تخطف وتسبي من قبل ايدٍ اتخذت الدين غطائاً لها تسمى " دا؏ـش" تروي حڪايتها المؤلمة و المشوقة المليئة بالأحـداث بـرحلتها حتى وقعت بـَ يَد ...... »
