رواية مُنقذي سبايا داعش
للكاتبة وردة الشيخ مُحمد
"البارت السادس"
"""""""""""""""""""""""
فزيت من نومي برُعُب مثل كُل مَرة مخنوگة و ألم بگلبي اشتاقيت لـ أُمي اشتاقيت لـ حضنهة
هيَّ شلونها؟ شلونج يُمة انتِ بخير يُمة مشتاقتلج اريدج اريد حضنج اريد ريحتج،، اختنگت بدمعتي بقيت اباوع للسكف و عيوني تجري يا رب انتَ أرحم الراحمين يا رب تعبت ارحمني و خلصني مسحت دمعتي و گمت شفت نفسي بغرفة
طلعت منها شفت الحجية كاعدة تصلي و مخلية يمها شمعة تضويلهة رحت يمها بقيت اسمع ترتيل القُرآن كعدت و حيلي مهدود جسمي متكسر غمضت على صوت القُرآن استمع ألها سكتت، فتحت عيني وكلت
ريام: آسفة قاطعتج
مسحت عيوني و عدلت شعري باوعتلي ابتسمت وكالت..
فضة: تعالي يا أُمي
من گالت يا أُمي طگيت بچي متت گلبي يوجعني الليلة بس لا أُمي بيهة شي، بچيت و رحت يمها خليت راسي على رجلها وحچيت
ريام: خالة
فضة: كولي أُمي
ريام: مشتاقة لأهلي مشتاقة لبيتنة اريد ارجع
فضة: سمعت هواي هذا الكلام من ألي قبلچ ما بيدي عليكُم شي غير ادعيلكُم يا أُمي
و احنة دنحچي و دموعي على خدي سمغنة صوت حرُب و هوَ يگول
حرُب: محمد اكعد.. محمد.. ليش ما ألك صوت محمد.. محمد يا صاحبي
كمنا ألة و الحجية كوة تمشي و تحچي
فضة: لا أله الأ الله
حرُب: هاجر خوية وينج.. محمد ما ادري شبيه اروحلج فدوه هاجر
ريام: شنو صاير حرُب شبيك
بقيت صافنة عليهُم فاتح الفانوس و لازمة رافع ركبتة و محمد صافن على السكف ما يرمش بس يبتسم
حرُب: محمد خوية
باوعلي عيونة متعوبة و جروح بجسمة واگف مهدود حيلة و هوَ يباوع و الحجية كعدت بالگاع و ايدها على كصته
حجية فضة: موات
حرُب: حجيو توسلي بَـ الله، محمد ينتظر جهالة حجية انتِ گلبچ ابيض الله يخليج
فاتت هاجر بسرعة و هيَّ تلبس بالحجاب دنكت عليه شافت النفس مالتة شهكت.. و الحچية حطت ايدها على رجل هاجر و هزت راسها
فضة: لا يُمة كولي غيرها يُمة عفية لا
ضلت ترجف ابتعدت و طبگت رجلها و ضلت تهز بجسمها و ترجف و عيونها على محمد و هوَ بدة يشخر و يكح و وجهة انتفخ
YOU ARE READING
مُنقذي سبايا داعش
Mystery / Thrillerرواية مُنقذي سبايا داعش للڪاتبة ورده الشيخ محمد ((منقووولـــــــة)) « فتاة عراقية تخطف وتسبي من قبل ايدٍ اتخذت الدين غطائاً لها تسمى " دا؏ـش" تروي حڪايتها المؤلمة و المشوقة المليئة بالأحـداث بـرحلتها حتى وقعت بـَ يَد ...... »
