رواية مُنقذي سبايا داعش
للكاتبة وردة الشيخ محمد
"البارت الواحد و الثلاثون"
""""""""""""""""""""""""""""
ضميت التلفون بالجنطة ألتفتت وراية بعدو واكف مشة بصفي نزل الجامة و انطاني علاكة
رُمح: الامانة
اخذتها منو كال
رُمح: يـلّا امشي لحد ما توصلين اروح
مشيت سريع و فتت بفرعنا وكفت بالباب ألتفتت عليه دك هورن و ضربت راسي نسيت علاج امي بسُرعة اتصلت
ريام: الو رُمح
رُمح: ها شني
ريام: اكو صيدلية يمنة تكدر تجيبلي العلاج الماما نسيت و صار ظهر
رُمح: ديـلّا فوتي جوة و دزيلياه برسالة
ريام: تمام
سديت الخط و دزيت الاسم و بقيت كاعدة بالحديقة انتظر شوي و صوت سيارة بالباب دك الباي كمت ركض
ريام: منو
رُمح: ريم الفـلا
بسُرعة فتحت الباب ادحك بيه تعبان انطاني العلاكة مديت ايدي اريد انطي الفلوس كرص ايدي و كال
رُمح: شحم مال الله
ضحكت و كلت..
ريام: اخذ الغلوس و دير بالك على حالك
رُمح: انجبي يـلّا فوتي
ريام: رُمح الفلوس
رُمح: عود عزميني بيهن
رفع ايدو سلم و صعد بالسيارة دك هورن و طلع
ريام: قبااااانووو
فتت للبيت انطيت العلاج لماما و عندي نشاط قوي محد بالبيت شذى و جهالها بغُرفتها كبل صعدت لغُرفتي ذبيت ملابسي و فتت للحمام سبحت و طلعت حفظت اسمو و طلع عندو واتساب دحكت الحالة ناشر قبل دقايق
(( بعض الصدف تزيدك عُمر فوگ عُمرك))
و وراها مقطع اغنية
(( حبيبي برشلوني يموت ببرشلونة و انا مدريدي لكن بغير لـعيونة..))
بوكتها جنت مخلية الصورة الشخصية بنية مخلية علم برشلونة ضحكت بس شفت الحالة دز مسج
YOU ARE READING
مُنقذي سبايا داعش
Mystery / Thrillerرواية مُنقذي سبايا داعش للڪاتبة ورده الشيخ محمد ((منقووولـــــــة)) « فتاة عراقية تخطف وتسبي من قبل ايدٍ اتخذت الدين غطائاً لها تسمى " دا؏ـش" تروي حڪايتها المؤلمة و المشوقة المليئة بالأحـداث بـرحلتها حتى وقعت بـَ يَد ...... »
