رواية مُنقذي سبايا داعش
للكاتبة وردة الشيخ محمد
"البارت التاسع"
"""""""""""""""""""""""
أُمي كطعت روحها ملخت نفسها و تصيح...
أُمي: عبايتي ويييننن
و ترجف رجف و روحها تفرفح
كعدت بـ الگاع هلكانة ما بيها ترفع ايد و لا رجل علمود اتكوم و تروحلة عيونها بيضت و حلكها صار ابيض...
_ شيلني وديني يم اخوك يُمة حرُب
انتجت و فاتحة ايدها تأشر...
_ اخوك يريدنا گلبي لاچمني
ترفع ايدها و تدگ على صدرها
فقدت كامت تضرب راسها بـ الحايط شبكتهاا و احچي..
حرُب: على كيفج يُمة لج سليمممة تعالي وين خواتج ابقوا يمها انة طالع ضغطها و سكرها جيكوا يلا خوية رايح لـ أخوچن
ركضت حافي و اصرخ بـ علو صوتي...
حرُب: خوية ولك خوية ما ألي غيرك سند لك رااااائد
طكيتها ركضة لـ راس الشارع ألي يبعد منطقتين عن بيتنة روحي تلهث فقدت كمت ادك على راسي وكفت سيارة
حرُب: خوية ألف رحمة على روح اهلك وديني للمستشفى
عباس: امشي خوية صدك چذب انا مُمَرض هناك اصعد اصعد
مشت السيارة بسُرعة و انا اصب عرگ فحمت من قهري و ادعي على بيت جدي وصلونة لـ هاي الحالة الله لا يوفقكُم
و ادعي عليهُم من حرگت گلبي انمردت مرد
عباس: خير خوية شصاير رحمة لـ أهلك راح تموت اغاتي رد علية تسمعني
حرُب: ضغطي صعد يمكن خوية امشي بسُرعة رحمة لوالديك اخوي راح يروح مني
عباس: يا ساتر يا رب
انطلق بـ السيارة بسُرعة وصلني و نزل وياي اركض و يركض وياي و اصيح لك راااااائد
عباس: شسممم اخووووك احچيييييي
حرُب: رائد.. رائد الـ ****
عباس: امشي وراي
ركض و ركضت وراه بلكوة اشيل رجلي راح تنخرط روحي ضغطي و الدم صعد لـ راسي كُل الـ أبالي اوصلة.. وصلنة ويَ طبتي انفتح الباب و صاح الدكتور..
_ فقدنا المريض الى رحمة الله بلغو اهلة
اهلة.. اهلة.. آخر كلمة سمعتها و صحت..
YOU ARE READING
مُنقذي سبايا داعش
Mystery / Thrillerرواية مُنقذي سبايا داعش للڪاتبة ورده الشيخ محمد ((منقووولـــــــة)) « فتاة عراقية تخطف وتسبي من قبل ايدٍ اتخذت الدين غطائاً لها تسمى " دا؏ـش" تروي حڪايتها المؤلمة و المشوقة المليئة بالأحـداث بـرحلتها حتى وقعت بـَ يَد ...... »
