رواية مُنقذي سبايا داعش
للكاتبة وردة الشيخ محمد"البارت الرابع و العشرون"
""""""""""""""""""""""""""""
بدينا نمشي چول و صحراء و نتختل بالظلمة ادحك ماكو اي شي بس من بعيد كُلش اكو جبال و بسُرعة صار الليل اظلم لا لايت عدنا و لا شي غير لايت الجداحة الناعم لازم ايدي و نمشي و كُل شوية ينزل يتلمس الارضية و يرجع مشينا بدون توقف لهناك و عصر ايدي بقوة ادحك من بعيد كُلش سيارة جاية ألتفت علية و عدل النُقاب و كظب بطني
_ حرف ما اريد
تقربت السيارة من عدنا سيارة (بيكم) بيضة
و عليها 3 واكفين ورة السايق و واحد كدام اشرولة من بعيد_ ابو الحُـر حيا الله النشامة السلام عليكُم..
اشرلهُم و راح دنك على السايق و ضلوا يحجون رجعت خفت من عندو بقيت كوة واكفة و رجلي معاد تشيلني سلاح عجيب فوك السيارة و ألي واكفين يدحكون بية نزلت راسي واكفين يدحكون بية نزلت راسي و كضمان بطني بنص الخوف صاح ابو الحُـر و هوَّ يحجي بصوت عالي و يأشر
_ دحچ هين تروح علفرع الجدامك تلكة علاكتين و جنطة تگف هين تنتظر لحين ما يطر خيال ابو عبيدة هههههههه تراك ازلمة معدل عليش تخاف يا بويا؟
ضحك هوَّ حيل و مد ايدو ضرب جف ابو الحُـر كلو
_ اصعد اوصلك
_ مقبطة عمي
_ يا معود اصعد دحين المرة تصعد ورة و انتَ بصفي طريجك بعيد و ليل اظلم
_ من اكول معدل و سبع و ابن رجال ما جذبت بس وصلني للشارع و مناك نزلني انة امشي
_ المرة حبلى
_ بتوم
_ ههههههههه يا زينك يا ابو الحُـر توم مرة وحدة ههههههه اصعد اهو اصعد
عافة و اجة عندي ردت احجي خزرني حيل نزل ايد تلمس رفع ايدو عدل الغترة و كلب ملامح وجهو كُلها
_ امشي
راد ينزل ألي بصف السايق صاح بيه
_ لا لا اضل يم مرتي تخاف و تتراجف
_ هااااا يـلّا براحتك
مشينا و صعدني ورة صعد بصفي سلم و رجعو هُمَّ السلام و ضل يدك سوالف وياهُم و ادحك بيه يحوس برجلو شوية و كال
_ خوات الكـ**** قنصوني برجلي و ربك ستر ما طكتني بغير مكان
_ يا اخي كارثة شكد نكتل بيهُم ماكو فايدة و نشر الاسلام يحتاج جهاد و تضحية يا اخي
رفع راسو شاورني..
_ اريدچ تبچينألتفتت عليه ما احسو غير مد ايدو لـ رجلي و ضربها بعكسو شاغت روحي و صحت
YOU ARE READING
مُنقذي سبايا داعش
Mystery / Thrillerرواية مُنقذي سبايا داعش للڪاتبة ورده الشيخ محمد ((منقووولـــــــة)) « فتاة عراقية تخطف وتسبي من قبل ايدٍ اتخذت الدين غطائاً لها تسمى " دا؏ـش" تروي حڪايتها المؤلمة و المشوقة المليئة بالأحـداث بـرحلتها حتى وقعت بـَ يَد ...... »