مُنقذي سبايا داعش

"البارت العشرون"

رواية مُنقذي سبايا داعش
للكاتبة وردة الشيخ محمد

"البارت العشرون"

""""""""""""""""""""""""""""

في عالم لا يوجد فيه سوى الدخان امام الجبال لا تهزمها مخاوف الارهاب ولدت تلك الصرخة و هيَّ تنادي بإسم الوطن " لبيك يا عـراق " تحيا جذوراً اصبحت رماداً فهل تحياً جذوراً قد احتُرقت؟
فَـ جـوابي نعم لان احب الانتماء للوطن كالماء و الماء يجعل كُل شيء حي.. كذلك نحنُ العراقيون نحترق ثم نحيا من جديد

ايام مرت و الاوضاع بدت تزيد و تصير اسوء و اسوء ما اعرف شكد بقيت ألي اكدر عليه احسبو ساعة ساعة، خنكة خنكة، ذُكرى ذُكرى.. وحدي بمكان فارغ و نوعاً ما ظلمة و ضكت خنكة الكبر قبل لا اموت قلق توتر خوف مُستقبل مجهول هل راح اموت على الطريقة الاسلامية ألي يتبعها د١عش لو اموت على الطريقة الغير شرعية و هيَّ الانتـ/ـحار
اكثر الامور ألي اثرت بية هيَّ الامور النفسية و صارت تلعب بعافيتي لعب
قطرات الماي
صوت الصرصور
الخطوط ألي على الحايط
من كثر تركيزي عليها صارت بية حالة نفسية كمت احسب خط خط و كُل ما اخطأ بالعد ارجع اعيد و احسب لحد ما يصير عندي صراع و اختنك و اريد اضرب راسي بالحايط و بسبب الضربات ألي تعرضتلها من راشدي و انفجارات و خصوصاً آخر انفجار ألي راح بيه حرُب صارت رنات بأذني "طوووووووط، طوووووووط"
تخليني اشبل روحي و اهبدها بالكاع اريد بس اسكت ألي براسي

ابو الحُر يروح و يتأخر و ابقى لوحدي اصارع روحي من هوَّ موجود جانب بداخلي يخليني ارتاح لأن احد يمي ما احس بالوحشة و التعب و ألتهي اتمشكل و اتعارك
الآف المرات اتوسلت بيه يذبحني يقتلني ما جان يقبل و سبب بُقائي يمو لُغز بحد ذاتو عجزت افسروا و افهم تصرفاتو اكثر كعدتو بالغُرفة ام البردة و مرات ايمعو يدندن و يقرأ و مرات ينام نومة ثكيييييلة و مرات ينام و يفز كُل دقايق و غير الحبوب ألي دياخذها تخلي ميكدر يحجي و لسانو ثكيل بعد ميكدر يگف

فد يوم نايم بالغُرفة و اني كاعدة على السرير و اهز بنفسي و دموعي تجري على خدي ادحك ايدي عظامي طالعة تعبانة نفسياً و جسدياً
هاجر وين؟
ميتة لو عايشة؟
شنو حالها؟
اني اموت لو اعيش؟
  ابجي و الف ذُكرى و ذُكرى تمر على البال تاخذ ثلثين حيلي من تتعايش وي الموضوع و تتناسى شوي تتحمل بس من كُل مرة و بكُل ساعة يمر ببالك ذُكرى ما راح يصيرلك مجال تنسى او تتناسى اني جنت كُل دقيقة تنشلع احمة من گلبي و راسي و ما بقى غير طكة و افقد عقلي نهائياً

مسحت دموعي و تمددت و رجعت ابجي و اشكي لمخدتي حسيت صارت ركضة سريعة فزيت و كمت اسمع ابو الحُر يتقيأ و روحو عتطلع رفع راسو دحك بية اشرلي بمعنى روحي تقربت صاح بية

_ روحي ماكو شي

وكفت بباب الحمام و دحكت بيه

ريام: هاي حوبتي تستاهل