مُنقذي سبايا داعش

"البارت السابع"

رواية مُنقذي سبايا داعش
للكاتبة وردة الشيخ محمد

"البارت السابع"

"""""""""""""""""""""""

وكفت السيارة و وكف گلبي وياها دخيلك يا ربي استرنا

حرُب: ابرولي الذمة هيدن انتن ما يصير شي ان شاء الله

هاجر: ان شاء الله ماكو شي

رجعنا السايق و اجة الداعشي ألي جان صاحب السيطرة و مسميها سيطرة السلام ههههه والله من اذكر اسمهها اضحك استمريت اون و ابچي و اصيح

ريام: ااااااخ ياااااارب احفظ الدولة الأسلاميييية يااااارب اااااااخ اااااااخ

حرُب اندار علية و لزمتة الضحكة و هاجر كرصتني و اجتافهة تهتز هوَ خوف و هوَ موقف يضحك

ريام: ياااااارب بحق الدوووولة الأسلاممميييية أولد بالسلااااامة يبووووووو ياااااااااربييييييي

ضرب الداعشي على السيارة و كال للسايق..

_ طلع هويتك

_ ما عندي

اجة و باوع داخل السيارة و استمريت اصيح حيل بعلو صوتي حتى يسمعون و هاجر مختنگة من الضحك و الحجية تمسح على بطني و مبتسمة

الداعشي: اين هوياتكُم؟؟

حرُب: والله حَبيبي اخذت المرة و طلعنة بطرگ ثيابنا

صرخت اني عيطت اكثر و صار صياح من الحجية و هاجر و يرتلن القُرآن فالداعشي كال..

_ تفضل هذا قُرآن أمرآتك تستحق فهي محبة للتنظيم الله اكبر صوتها يقشعر الأبدان و هيَّ تدعي للدولة الأسلامية يقال عند الولادة تستجاب الدعوات الله اكبر

انطانة محاضرة و اني هين صدك بطني وجعتني و لزمني مغص السالفة صارت صدك

حرُب: مشكور خوية اودعناكُم ادعولنا بالسلامة

ريام: رااااااح اولللللد نزل مييييي الطفلللللل نزلللللل الـ مييييييي يبووووووو ااااااااخ

السايق: استودعناكُم لازم نطلع راح تولد المرة

الداعشي: بالسلامة

ضرب على السيارة و صاح لـ جماعتة

انطلقت السيارة لو احس مي بارد على گلبي جان يطكون ضحككك الحجية و السايق و هاجر حتى بنت هاجر تضحك و ضحكت على ضحكتهُم شكد صارلي مضاحكة اوووف، وصلنا جانت هاجر عندها مكان و تعرف و حرُب متأذي من جرحة اضطرينا نوكف مكان حتى نغير ضمادة لأن جرحة كام يصل عليه و يوجعة جنة خايفين خاف كُل التلفونات بالموصل مُراقبة أي اتصال يتتبعونة و يسجلوا و هاجر كالت اكو جواسيس و ناس متخاف الله تفتن و تنقل حچي بمقابله تاخذ فلوس