مُنقذي سبايا داعش

" البارت الثالث"

رواية مُنقذي سبايا داعش
للڪاتبة وردة الشيخ محمد

"البارت الثالث"

"""""""""""""""""""""""

صرخ بوجهنا قفل السيارة و احنه بداخلها وحدة من النسوان جبيرة بالعمر ضلت تعيط و تصرخ

_ ألحگووووونااااااا ألحگوووووونااااا سااااااعدوناااااا

بدون تردد سحب اقسام و حط طلقة بنص راسها و المرة دمها تطشر على الكشن و على الجام و نص راسها متفلش بنية كدامي اسمعها تردد بصوت ناصي

_ ساعدووني.. ساعدونييي

دنگت من ورة كرصتها و حچيت
ريام: احچي شبيج اهدي اهدي هسة يجي الجيش و يساعدنة لا تخافين اقري آيات القرآن هسة يساعدونة اندعي فدوة

رجاء: هاي.. هاي.. هاي دمها مطشر على ملابسي على ملابسييييي هااااااي عينهاااا

شهكت و بچت صاح بينا واحد و يفشر و يغلط علينا و على شرفنا و چان كلامة سوري بس يحچي عود فصيح مكسر

_ انتتتتتِ لا تبكين لا اعمل فيكِ مثل هذي العجوز مرتدين حثالات

ضحك ألي بصفه و گال: جميلاااااااات جددددداًاًاً

اني مدنگة و اباوع من بين الكشنات باوعلة بنظرة ما انساها طول عمري و رجع باوعلنة بنظرة قذرة تشتهي و تستلذ بالنساء
چان وجهة اسود و بيه بهاق و ريحتة تخنگ من الجيفة، ريحتة ملت السيارة تكطع من الخيسة و القرف و من جهة سدو السيارة و الجامات خاف وحدة تحاول تشرد و تطفر لأن جامات الكوستر جبيرة، فمجموعة بقت واحد منهُم رفع الجهاز و اتصل

_ ابو الفقاع هذا الداعية الأسلامي ابو العثمان

ابو الفقاع: اعطنيي.. السلام عليكُم و رحمة الله و بركاته.. نعم نعم انهن هنا حسناً ننتظر دعمكُم ليس لدينا الوقت قبل ان يأتي الجيش الرافضي و المرتد القذر الى هُنا ايضاً السّنة اصحاب للروافض ههه اي نعم.. كلا للطائفية يلعن امهُم.. نعم هذا يدُل على انهُم مرتدين.. لا الموصل فيها المرتدين و الروافض و المسيح هههههههه مشكل يا لوز

ابو العثمان : حسناً..

سد الخط ألي فهمتة المرتدين جانوا السّنة و الروافض الشيعة و الكفار المسيح و الايزيديين، صفنت اريد احفظ شكلة كُلشي يصير و كلت هيَّ روح وحدة افكر و اخطط و جسمي يرجف و انتفض و افكر شلون اشرد شي بنص تفكيري باوعت و چان..

يرمي طلقات على الولد ألي يم السايق فجر بطنة چان الحقير كُل ضرباتة مو وحدة و لا اثنين بحيث الطلقة طلقتين يقتلة بمكانة و السيارة كُلها هدأت بس وحدة تسحب نفس لو تبجي تنكتل