مُنقذي سبايا داعش

"البارت الخامس و الثلاثون"

رواية مُنقذي سبايا داعش
للكاتبة وردة الشيخ محمد

"البارت الخامس و الثلاثون"

""""""""""""""""""""""""""""

تنويـه // اعتذر منكُم الحلقة تحتوي على مشاهد رومانسية، يمكنكُم استبعادها اجعلوها للمُتعة و لا تجعلوا هذهِ المشاهد تؤثر بكُم..

""""""""""""""""""""""""""""

نمت و اني اقرا بكثر ما تعمت و كأنو اقرا رواية من روايات العُشاق و الحُب، ويَ كُل كلمة كاتبها اروح لـغير عالم و كأنه اني عايشة وياهُم و اعيش احداثهُم و ألي مرو بيه ابچي و اضحك وياهُم
نمت و اني كُلشي يفتر براسي بسبب ألي قريتة و احلم بيهُم و افكر ألي ورة الكلام الجاي شنو و شنو ألي صار
الغزل
الحُب
الكلام الفصيح
الخط
بعض الاوراق جانت الكتابة مَمسوحة و اثر دم و اثر نُقاط چنها قطرات مي او دموع

فزيت على صوت امي و هيَّ تصيحني الصُبح حتى اكوم اصلي و اجهز نفسي للدوام لأن السايق ابو كريم يجي بـ 7 و نص يا دوب اكدر ألحگ من ورة نومتي و جرجرتها
اول ما فزيت فتحت التلفون رُمح داز رسائل

" نايمة البربوك نايمة

" ما خستي

" امج حلوة لو لا

" الووووو

" تصبحين على خـير

دزيت مسج..

_ صباح الخير شلون صرت

و خليت التلفون على الشحن و خليت حاجز الحد ألي وصلت الة بالقراءة و كمت اصلي و ادعي الله يسهل اموري و يوفقني بمجالات حياتي و ينسيني ألي مريت بسه و وعدت نفسي اليوم اروح للفحص و اخذ امي وياي تتأكد لأن تعبت و اني اشوف نظرات الشك بعيون امي و نظرات العار و النقص بعيون خواتي و نظرات الشفقة بعيون ابوية..

كُلشي عشتو جان اختبار جداً صعب لو بيدي فـلا اعيشو ضكت المُر و الألم بكُل تفاصيلو بس يكول ابو المثل محد يحس بالجرح بس المنجرح و الضايك لوعتو..

و بكُل مرة ورة ما اخلص صلاتي و قرآني مطبوگ اغمض عيني و اصلي 3 مرات على مُحمد و آل مُحمد ابوس القُرآن و افتحو و احسب على عدد الايام مثلا يوم الخميس احسب خمس صفحات بأوراق القُرآن و اقرأ الصفحة الخامسة و هكذا و اعتبرها مثل الرسالة ابدأ يومي بيها هيج شعور مُمكن غريب بس اعتبرتة راحة ألي هَم اخذ اجر و ثواب بيها و هَم اعتبرها طاقة ألي تصبرني..

بيومها فتحت القُرآن و طبقت مثل كُل مرة و طلعتلي آية..

﴿ وَ مَنْ يَعْمَلْ مِنْ الصَالِحَاتِ وَ هُوَ مُؤْمِنٌ فَـلاَ يَخَافُ ظُلْمًا و لاَ هَضُمًا ﴾ [ طـٰه: 112 ].