Alluring Mask

CHAPTER 26

CHAPTER 26

SARAH DAYANGHIRANG

Namimigat pa rin ang talukap ng mga mata ko ng subukan kong dumilat. Isang bagay lang ang una kong nararamdaman ngayon. Ang katawan ko ay nanginginig sa hindi malamang dahilan, parang nag shishiver ako at hindi ko 'yon makontrol.

Ang malabo kong mga mata ay unti-unting lumilinaw at nalaman na nandito pala ako ngayon sa bathtub... nakalubog sa malamig na tubig at may mga yelo pang kasama. Mas lalo nanginig ang kalamnan ko dahil doon. Kahit na anong pigil ko ay parang may sariling utak ang katawan ko kung manginig.

Pero kahit na gano'n... kahit na punong-puno ng mga yelo ang bathtub na kinauupuan ko ngayon, hindi ko siya maramdaman sa mismong balat ko. Parang namamanhid ang buong katawan ko sa nangyayari ngayon.

Nakakaramdam pa rin ako ng init sa aking katawan. Mas nangingibabaw 'yon kumpara sa lamig ng tubig at yelo rito sa bathtub. Nanginginig pa rin ako... ano bang nangyayari sa akin? Hindi ko alam kung dahil ba 'to sa kung saan ako nakalublob ngayon o baka may iba pang dahilan.

"Hexia, how are you? Thank God, you're awake now."

Napalingon ako sa gilid nang marinig ang mahinang boses ni Ria. Nakapalapit na siya sa akin habang nakababa ang paningin. Pasimpleng lumingon ako sa likuran niya; medyo nakabukas ang pintuan, at naririnig ko ang dalawang boses ng parang nag-uusap sa labas no'n na sa tingin ko ay si Atlas at Oceanus 'yon.

Hindi ko lang gaano marinig 'yon dahil parang nalulutang pa rin ang isipan ko. Parang hindi pa ma-proseso sa utak ko ang mga nangyayari ngayon.

"Ria..." mahina kong sabi.

Bumaba ang tingin ko sa suot niya. Nakasuot ito ng lab coat at nakababa ang facemask. Naupo siya sa gilid ng bathtub at maliit na ngiti ang sumilay sa kan'yang labi.

"Inutusan agad ako ni Oceanus na asikasuhin ka pagkarating nila rito," aniya.

Dahan-dahan akong tumango at wala sa sariling bumaba ang tingin sa sarili. Mahina akong napasinghap at niyakap na lang ang katawan ng mapansing hubo't hubad pala ako. Alam ko naman na nakita na niya 'tong katawan ko kanina pero parang tinamaan pa ako ng hiya ngayon.

Sinubukan kong tumayo at agad naman akong inalalayan ni Ria. nanginginig pa kasi ang dalawang tuhod at hita ko habang dahan-dahang tumayo. Inabot niya ang black bathrobe na nakasabit sa gilid niya at sinuot 'yon sa akin.

"She's still sleeping—"

Sabay kaming napatingin ni Ria nang pumasok bigla si Atlas at Oceanus. Mabuti na lang at naitali agad sa baywang ko ang tali ng robe. Wala na silang suot na coat o kung ano mang sinuot nila kanina sa auction. Tanging white polo long sleeves na lang ang suot nila na nakatupi hanggang sa siko.

"I'm sorry," paghingi ko agad ng paumanhin. "Hindi ko nagawa yung pinaguutos mo, Atlas. I promise, aaysuin ko na siya sa susunod."

Napayakap ako sa sarili nang maramdaman kong nanginginig na naman ang katawan ko na halos umabot sa aking kalamnan. Humigpit ang hawak ni Ria sa braso ko dahil parang mabubuwal yata ako sa kinauupuan ko ngayon. Sa kalaunan ay napaupo kaming dalawa sa gilid ng bathtub habang nakatingin sa gawi ni Atlas at Oceanus.

Unti-unti ko ng nararamdaman ang pagbalot ng malamig na tubig sa aking katawan. Nanunuot agad 'yon sa katawan ko. Nawala na rin ang mataas na temperatura ng aking katawan. Naka-on naman na ang heater dito sa banyo pero nilalamig pa rin ako.

"It's okay, Sarah," pagsingit ni Oceanus.  "Ang importante ay okay ka na ngayon, and It seems like you were caught off guard by what Atlas did."

Napabungtong hininga ako. Pinairal ko pa kasi ang katangahan ko kanina kaya ito ang nangyari sa akin ngayon.