مزرعة ال صقر
في بيت الشعر جالسين ابو صقر وابو طلال ومعاهم طلال وحسين وينتظرون الباقين يجيبون الحريم واللي يرجع من دوامه
ابو صقر: ياحسييييييننن وينك فيه يا ابوك؟
حسين من اخر المزرعه : لببييييهه جعلني فداك
ابو صقر: اعجل ياوليدي اذبح الذبايح قبل يجون العرب
حسين:ابشر ابشر يا ابوي
طلال وهو يشب الضو: اقول يا ابة عبد الله ما ودك تنتظر الباقين يوصلون ويعاونونه؟
ابو صقر: لا خله يعجل علينا
في نص النقاش سمعوا اصوات بواري وتفحيط نطوا ابو طلال وابو صقر وطلال وحسين لف بسرعه وترك السكاكين من يده
طلعوا وشافوا رعد وفهد ولد طلال مسوين هيصه برا عشان يدرون انهم وصلوا
طلع ابو صقر بالعصا وطلال بالعقال وهم يفتحون بيبان الركاب وينزلونهم وكل واحد طاح في ولده وابو طلال مبسوط منهم وما خلصوا ضرب الا في الباقين واصلين
دخلوا كلهم واتجهوا الحريم للمبنى اللي يتوسط المزرعه
ابو صقر: انت يا قليل الخاتمه انت وياه انقلعوا اصلخوا الذبايح وكملوها
ضحك غيث ولف عليه ابو طلال
ابو طلال: انت يا الفله انقلع كمل القهاوي وجهزها بسرعه كل منكم ياخذ له شغله لا اشوف واحد جالس فاهمينن؟؟
الشباب بصوت واحد: سم طال عمرك
ابو صقر من جوا بيت الشعر : يا ابو طلال تعال اجلس نفداك وخلهم يقعدون تعال اقدع .(قدوع مو قصده يجلس)
دخل ابو طلال وابو صقر متمدد وعطاه بالعصا ع رجوله وانفجر يضحك هو والشباب
ابو صقر بصدمه: علامك ياخوك؟
ابو طلال وهو باقي مبتسم: عشان تحترم نفسك واذا شفتني تقعد مثل الخلق والاوادم
ضحك ابو صقر وهو يتذكر ايامهم قبل
جلسوا يسولفون ويضحكون وهم ينتظرون صقر ومحمد يوصلون لانهم مستلمين
عند الحريم جوا
الجده نوير بكل صوتها: يابناااتت وينكم فيه يا امكم؟ اعجلوا علينا تجمعوا خلونا نتقهوى
الوجد وهي جايه من وراها باست راسها وجلست: تقهوي انتي جعل م يتقهوى غييررس.
ضحكت نوير وهي تناظر فيها: اقول قومي قومي نادي خواتس قبل ذي العصا تتوطى ظهرس
ضحكت الوجد وهي تقوم تتوجه لجدتها فاطمه وتقعد جنبها: اقول يا جده ماودس تدافعين عني ولا عشانها بنت عمس ساكته وهي تطردني؟
الجده فاطمه بضحكه: الا قومي تذلفي من قدامي جمعيهم
تعالت ضحكات هند(ام الوجد) وزينه وهم جايين من ورا
زينه بضحكه: وش جايكم ع وجدنا؟ مالكم حق يابنات ابن ملفي ولا وش قولس يا امها؟
هند وهي مبتسمه: بحق بحق تطردون بنتي وهي اللي جالسه معكم لالا مالكم حق
تجمعوا البنات كلهم وجلسوا يسولفون ويتقهوون وهم مبسوووطييين بروحتهم للمزرعه
ناظرت الجده نوير في الوجد وخلود وهم يتساسرون: اقول انتوا يا عصبة السرابيت وش عندكم تودودون؟
خلود وهي تصرف الموضوع وتضحك: نتفق نفضي لس غرفه انتي وجدي .
حذفتها جدتها بعلبة الماء اللي قدامها يوم سمعت الحريم يضحكون
نططت خلود وطلعت وبعدها بشوي نطت الوجد بشطانه وهي تبعد شوي عشان م تنهبد من احد : يابنااتت اللي تبي تجي للخيول والابل بسرعه تلحقني
تناقزوا البنات بسرعه وهم يلبسون جلالاتهم وينطلقون مع الوجد وخلود
اتجهوا لاخر المزرعه عند الابل والخيول و الوجد تنادي بكل صوتها : يا الوهججججاااء
طلعت الوهجاء تركض وسرعان ما صهلت بقوه خوفت البنات والوجد معهم لفت الوجد للجهه اللي تناظرها الفرس وسرعان ما بردت ملامحها من ال...
