مد يده يحاوط خصر المها وينزلها
تمسكت المها في صدره برعب وهي تبكي لانها فعلاً خافت لو تطيح هنا ياذيها الخيل ما احد بيدري بها وهي تتهور كثير
عقد حواجبه بصدمه من دموعها اللي تبلل ثوبه ويدينها اللي متمسكه فيه بقوه مد يده بهدوء وهو يمسح على راسها وظهرها : حصل خير ولا عاد تقربين له لا ياذيس
بعدت وهي تمسح دموعها: كريه هذا مين صاحبه؟ واضح كريه زيه
كتم ضحكته فهد وهو يعقد حواجبه يمثل الغضب: انا صاحبه احترمي نفسس
المها بلعت ريقها: انت مين سمح لك تمسكني؟
رفع حاجبه: سلمات شرايس اخليه يطيحس؟ بعدين انتي اللي حاضنتني
المها بورطه: انقلع كريه
لف يسحب الادهم يدخله: ارجعي
المها: مالك دخل بجلس هنا الجو عاجبني
لف بصدمه: بغيتي تموتين قبل شوي وبرضو مقرره تكملين سهره؟
المها: ايه وانت مين؟
المها ما استوعبت ان شيلتها على كتفها وقاعده تكلمه
قفل باب الاسطبل وهو يلف عليها ويقرب: يهمس تعرفين من؟
المها: ايه يهمني
هو: بس م ابغاس تعرفين من انا
المها مدت يدها للثمته وهي تفكها وسعت عيونها بصدمه وهي تشوفه فهد: ففهيدان؟؟ هذا لكك!!
فهد ابتسم من جرأتها وكيف مدت يدها تفك لثمته: ليه انت كذا؟
المها: كيف كذا ! وش فيني؟
فهد اعجبه اسلوبها وجرأتها وتهورها وحط في راسه انها له له يعني له مد يده وهو يسحبها مع يدها يقربها: غريبه شخصيتس متهوره ما تشبهين احد حتى في جرأتس غريبه على من طالعه؟ لاعمتي سعاد كذا ولا بندر
المها وهي تناظر عيونه على نور القمر وهامت فيها ابتسم فهد ببرود حاوط خصرها وهو يلصق صدرها في صدره حنى وجهه قريب من وجهها: ابغاس
المها بعدم فهم: انا معك كيف تبغاني
ضحك فهد بهدوء على غبائها: انتي معي؟ عادي يعني اسوي اللي ابغاه
المها استوعبت قربهم وكلامه ومدت يدها تصفقه كف
فهد بعدم اهتمام وهو لا زال محاوطها: ليه؟
المها: فكني الله ياخذك يامريض
فهد: اقول مريض ولا صاحي حطي في بالس اني جاي بكره اتقدم لس وبتوافقين
المها اعجبها انه على طول قال بيتقدم بدون لف ودوران: طيب بما انك زوجي المستقبلي اقعد معي هنا اخاف من خيلك
ضحك فهد بقوه من صدمته منها: يابنتي يابنتي اعقلي! ما عندس بريكات؟
المها: لا ماعندي يابوي هيا اقعد
ضحك وهو يجلس من كلمة(يا ابوي) لانه قال يابنتي ولانه اكبر منها
ب8 سنوات
جلس وهو يشوفها تتامل القمراء وهو يتاملها لفت عليه: شوف كيف نور القمر قوي حتى الجبال اللي هناك بعيد واضحه
فهد: م احتاج اشوف نور القمر بتامله هو قدامي
ميلت راسها المها وهي تفسر كلامه : انا؟
فهد هز راسها وهو يسحبها جنبه:اي
سندت راسها المها على كتفه وهي تتامل القمراء وتحس بشعور غريب
طلبته يجلس معها لانها كانت تحس بشعور له من قبل ونطقه بانه يبيها خلاها تسمح لنفسها تبقى معه وما تحس باي خطر
فهد وهو يمد يده ليدها ويخلل اصابعه في اصابعها ويناظر اناملها ومناكيرها الحمراء والاساور قربها لشفايفه وهو يبوس اصابعها
لفت له المها: هيا نرجع
فهد: ليتس ترجعين معي بيتي
ضحكت المها وهي تتحجب وتضرب كتفه وتمشي معه راجعين
