بيت سعود/
دخل للغرفه ورفع حاجبه باستغراب من الظلام بالغرفه قرب للسرير يشوفها نايمه بعشوائيه مد يده يبعد شعرها من على وجهها ويسحب يدها اللي خلف ظهرها عدل نومتها وفتح فلاش جواله يلبس بدلته ويعدل شعره لف بخوف من صوتها المتعب تتمتم باشياء غريبه قرب منها يحاول يفهم وش تقول لكن وسع عيونه يبتعد بسرعه من فزت الوجد بتضربه قرب يكتفها ويسمي عليها بهدوء رمشت بتكرار وهي تمد يدها لوجهه تتحسه: انت بخير؟
عقد حجاجه : بسم الله بخير وش فيس انتي!
رفعت نفسها تحاوط عنقه وتتنهد بقوه : لا تروح الدوام تكفى اعتذر
حاوط ظهرها يمسح عليه بخفه: وجدي وش فيس! ليه اعتذر
سندت راسها على كتفه: بس كذا ما ابيك تروح
جلس على السرير يجلسها بحضنه: كنتي تحلمين بس لا تخافين
هزت راسها بالنفي: لا تروح قلبي حاس بيصير شيء بعد الحلم
تنهد وهو يسمي عليها : خلاص طيب ارجعي نامي
الوجد: بترجع تنام معي ما بتروح الان كلم ابوي واجلس
ابتسم سعود: مين قده رئيس المراكز ابو الوجد
غمضت عيونها بخوف وهي تتعوذ من الشيطان وتسمي
رد صقر: ارحب
سعود: البقى يا مرحب شلونك؟
صقر: بخير الحمد لله امرني
سعود: والله انا ما عندي اوامر غير اوامر بنتك
صقر ضحك: وش تامر فيه دلوعتي!
سعود شتت انظاره عليها بحضنه: مدري وش حلمانه فيه وتقول اعتذر عن دوامي ولا تبغاني اداوم!
رفع حاجبه صقر باستغراب: ورع تطقطق علي انت ووجهك مب لاقي عذر غير ذا قل بجلس معها اهون لك
ضحك سعود بخفه: لا وربي اني اقوله صحيح ما اكذب
صقر: هات عطني اياها اكلمها
فتح سعود السبيكر: يبيس
الوجد: لبيه
صقر: منجدس انتي تبينه يعتذر عشان حلم!
الوجد: ايوه
صقر: قولي لا اله الا الله
الوجد ضحكت بخفه: اقول ما ودك تعذره قبل تصير صوص بدل الصقر ؟
ضحك صقر بصدمه: ورععههه اعقلي لا اسرحس انتي معه
ضحكت الوجد: يلا اشوف قوله لا يجي
صقر: كان خليه معس وفكيني من الفضايح
ضحكت الوجد: امواااح بوسه لك يا صوص هنوده
صقر قفل في وجهها وضحكت تناظر سعود: يلا اشوف نام
سعود: ليش مظلمه الغرفه كذا ما اشوف وجهس!
الوجد: احسن مو لازم احب انام بظلام
رجع ورا ينسدح وهي بحضنه مد يده يلعب بخصل شعرها ونزلها يمررها على جسدها وصل لفخذها وابتسم بخفه يحس برجفتها سحب فخذها يرفع رجلها على رجوله ويمرر يده عليه ضربت صدره بخفه : سعوووودد
باس راسها: عيونه
الوجد: ابعد يدك خلني انام
ثبت يده على فخذها يغمض عيونه: خلاص نامي
غمضت عيونها وهي تحس بانتظام انفاسه وسرعة نومه ابتسمت تسمع نبض قلبه ونامت خلفه
العصر/
بيت ابو صقر/
جالسين ف الصاله ابو صقر وابو طلال ومعاهم الجده غاليه ونوير وفاطمه والسناقل ( ابراهيم - رعد - غيث - الفهد )
غاليه: انت يا ابراهيموه وراك ما تعرس! اعرس خويك وانت باقي
ضحك ابراهيم: مالي بالزواج فكوني
غاليه: بتعرس بتعرس ان شاء الله
هز راسه بالنفي: مانيب معرس يا عرب فكووونننيي
ضحك ابو طلال: كان منتب معرس بس خل الصياح
رعد: انا انظم ل ابو دحيم جعله سالم لحد يفتح معي الموضوع
ضحك ابراهيم وهو يدخله تحت ذراعه: هذا خويي الجديد حسين ما عاد لنا به خلوه ينقع عند زوجته
ضحك ابو صقر يناظر الفهد: وانت ؟
الفهد: خلوني اعيش طفولتي يا ناس شوف ذا قدم عرسه (يقصد غيث)
فاطمه: اي والله زوجه خله يفكنا من الفضايح
ابو صقر: هذا يبي له اعادة تربيه هو وحسين خليهم علي انا
غيث: ياليل الزقاقه ياليل الزقاقه الموديل مب نفس الموديل
ناظره ابوه باحتقار: وش يقول ذا! ابك اهرج مثل الرجل لا اقوم اهد لحيك ف القاع
غيث ضحك: لا تهبدني يرحم لي امك خلاص انا طايش اسفين
حذفه ابوه بالفنجال: انت طايش! الا قليل حيا
نطق ابو طلال ونوير: وش مسوي!
تنحنح غيث: سلامة عماركم يا الطيبين مانيب مسوي شي تقهووا
ضحك ابو صقر: الا تدري انك قليل حيا تصرف الموضوع
صب لابوه فنجال يمده له ويهمس: تقهو جعلك سالم وفكنا
ضحك ابو صقر ياخذ الفنجال: انقلع من وجهي
ابراهيم : الا غيثوه انت ورعد ليه ما تروحون للشركه؟ حسين لحاله
ضحك رعد : اوهووههه خبرك عتيج على قولتهم حسين ناقع عند مرته على قولتك مافيه دوام اليوم
ضحكوا كلهم على اسلوب رعد وهباله وكملوا جلستهم مبسوطين
