صباح اليوم الجديد/
بيت سعود/
تحرك بخمول وهو يرفع ذراعه على راسه ويفتح عيونه بخفيف ابتسم وهو يشوفها جنبه نايمه وشكلها مبهذل وشعرها منثور على وجهها ورموشها الكثيفه الطويله نازله على خدها ونحرها وصدرها كله واضحه له بشاماتها المتفرقه واثار قبلاته عليها ظل يتأمل فيها وبعد مده تحركت بانزعاج من خصلات شعرها اللي تداعب وجهها مدت يدها تبعدها وتفتح عيونها تلاقت نظارتهم وهو يتأملها ويده اللي على راسه وعضلات صدره وبطنه واضحه لها رمشت بتكرار وهي تتذكر ليلة امس والعيد اللي صار فيها
سعود بابتسامه: صباح الخير
الوجد بهدوء وهي تشد اللحاف على جسدها: صباح النور
سعود: نشكرس على العيد اللي خليتيه يكتمل بالوصل
توردت ملامحها خجل وهي تشتت انظارها تدور لبسها
لف سعود وهو يمد لها تيشيرته اللي على مخدته دايم يحطه عليها مده لها:البسيه
الوجد اخذته: روح طيب!
سعود: لا ما بروح
الوجد:طيب غمض
ضحك سعود وبخبث: ما يحتاج اغمض صاحيه من حضني ترا
وسعت عيونها: حيوواان
سعود باستفزاز: البسي مانيب متحرك
سحبت نفسها وهي تدخل تحت اللحاف كامله وتلبس وهي تسمع صوت ضحكاته صرخت: سعود بعد ذا الزفت عني علقت فيه
سحب سعود اللحاف بقوه وارتفع التيشيرت معاه وهي تنزله: وجع
سعود: قومي خلصي بنروح نفطر عند اهلي
الوجد: طيب
سعود: خذي معاس ملابس يمكن نطول
الوجد: سلمات! غرفتك حتى مافيها حمام!!
ضحك سعود: بنروح المنتجع يا بنتي خلصيني
دخلت الوجد تاخذ شاور وجلست فيه ساعه كالعاده
في الديره/
ابو طلال: الغداء عند ابو هياف والعشاء عند ابو راكان
ابو صقر: الله يخلف عليهم ويرحم والدينهم
بندر: بتروحون كلكم!
ابو طلال: من بغا يجي يجي من بغا يقعد يقعد
غيث: انا ما بروح
الفيصل: ولا انا
اوس: حتى انا
نط عبد الله وعبد الرحمن: ولا حنا
ابو صقر: خفة من شقا انطقوا هنا لين نعود عليكم
نواف: وين جدتي غاليه تجي تطقطق علينا شوي
عبد الرحمن: جدتي نايمه يا ابن الناس اتق الله فيها خلها ترقد وترتاح
دخلت ميرال: دحوم تعال امي تبغاك
عبد الرحمن: طيب
نواف: ميرال انقلعي جوا لا اكسر وجهس
ميرال: سلمات يوم تكسره من حضرة جنابك؟
نواف بغضب: ممييررالل تغطي لا العن شكلس
عبد الرحمن دخلها تحت ذراعه: لا عاد ترفع صوتك طيب
نواف: انقلع انت معها حمار زيها انت اللي مدلعها انت وابوي
ابو طلال: بس بس انت وياه
مشا دحوم مع ميرال للداخل
-بسميه دحوم وعبد الله عبود عشان تفرقون بينهم وبين الشياب-
ندى: دحوم جعلني فدوتك ودني للسوق اجيب كم غرض ونجي
دحوم: من عيني ذي قبل ذي يا امي يلا انتظرس برا
ميرال: بجي معكم
دحوم: طيب يلا انتظركم
طلعوا ندى وميرال مع دحوم متجهين للسوق
عند البنات/
عهود: خلاص طيب خلاص جهزتها اسكتوا لا اصييييح
دلال: ليه الصياح! كلها ملابس تهبينها في شناط!
عهود: مدري مدري خليها لين تجي سهام وخلود تكفييينن
دلال: طيب
الهام وهي منسدحه فوق السرير وحاطه رجل على رجل: متى يجون!
عهود: مدري عنهم اووفف
دلال: بنت وش له كل ذا التوتر!
عهود وهي تتذكر كلامه لها وعن صبرها: ما ادري ما ادري بنام
الهام: روقي روقي وسمي وهدي ولا له داعي توتر
دق الباب طلال: ادخل!
دلال: تعال
دخل طلال عليهم وهو يتكي بيده على الطاوله: وش تسوون؟
عهود وهي تقفل الشنطه اللي عندها: ولا حاجه
طلال ابتسم: وريني ملابسس
بردت ملامح عهود لان الشنطه اللي عندها ملابس كلها ما تنفع توريه
دلال ضحكت: تعال انا ابغاك في كلمة راس
طلع معاها طلال وهو ما فهم وش فيها تضحك
