صباح اليوم الجديد/
شقة عقاب/
مد يده يقفل المنبه عقد حواجبه من الثقل على يده لف وابتسم وهو يشوفها نايمه على يده ومعقده حجاجها والواضح انه من المنبه مد يده الثانيه لانفها يداعبه بانامله: عهودي
حركت وجهها بانزعاج وفتحت عيونها بكسل وسرعان ما توردت ملامحها خجل من صدره العاري يقابل وجهها ابتسم: صباخ الخير
نطقت بصوت خافت: صباح النور
رفع راسها بيده وهو يسحب ذراعه من تحتها: راحت علينا الصلاه قومي صحصحي امي الحين بتتصل عشان الفطور
شدت اللحاف على جسدها تنتظره يبتعد لف لها وضحك من شكلها واحراجها : تبين روبس!
هزت راسها بدون تتكلم دخل واخذه وطلع يمده لها وهو مبتسم بخبث ويناظر عيونها: اسفين يا بنت طلال
وسعت عيونها بصدمه منه وهي تسحب الروب من يده: وجع
ابتعد يدخل للحمام: ما دخلني انتي لذيذه
شهقت عهود: الله يلعنككككك بالف يا حيوان
عقاب بصوت عالي: اسمع اسمع ترا
شقة سعود/
فتحت عيونها بانزعاج من نور الشمس تقشعر جسدها من تحرك سعود بانزعاج وشاربه يداعب كتفها ويدينه تحاوط خصرها ونايم وهي اشبه بكونها فوق صدره نايمه مدت يدها تبعد يدينه عنها لكنه شدها وهو يبوس كتفها: صباح الخير
نطقت بهدوء: صباح النور
فلتها من حضنه ووقفت تبتعد عنه تتجه للحمام زفر بضيق وهو يوقف يسحب تيشيرته يلبسه ويطلع للحمام الثاني
طلعت وهي شاده الروب على جسدها والمنشفه فوق شعرها ملفوفه جلست على طرف السرير تحط الكريم ودخل سعود وفخذها وساقها كلها مكشوف وتمرر اناملها المرسومه عليها بلطف تنهد بقوه وهو يلف يتركها وينزل بلعت ريقها وهي تغمض بقوه وتوقف تبدل ملابسها وتجفف شعرها وتتجهز انتهت وسحبت جلالها تنزل تتجه للبنات
المبنى الرئيسي/
غرفة سالم/
دخل عزّام وشاف سالم منسدح وكتابه في يده يقرأ فيه: سويلم
اعتدل سالم وقفل الكتاب: لبيه
جلس عزّام مقابله ونطق: منهي؟
عقد حجاجه سالم وتذكر اللي شافها قبل: مدري منهي؟
صغر عيونه عزّام يدقق فيه: اسألك انا من شفت انت وكانت غزال؟
ابتسم سالم بورطه: ما شفت احد بس جات في بالي الاغنيه
مد يده عزّام لراس سالم: فكر بعقلك من اللي واقف قدامك؟
تنهد سالم: مدري مدري من شفت ما اعرفها! ما شفت الا مقفاها
عزّام ببرود: علم لامك وصفها نعرف منهي بنته ونخطبها
هز راسه بالنفي وهو ينسدح: ماودي
نطق عزّام بحده: ماهو على كيفك تفهم! مرام راحت راحت بححح
ابتسم سالم ببرود: من قال اني افكر فيها؟ انا ما ابغا اتزوج
حنى نفسه عزّام يقرب من سالم وينطق بصوت حاد ومهموس نوعاً ما : والله والله ان تخطبها ورجلك فوق راسك تفهم؟ ولا ودك تقعد تهوجس فيها لين تحل لغيرك وتاقع في الحرام؟ هاه
زفر سالم وهو يغطي وجهه بالكتاب: طيب
طلع عزّام وسكر الباب وهو يتنهد من حال سالم وتوجه للجوهره يكلمها
بيت ابو صقر/
رفع عينه ابو صقر ل الفيصل: ورع
مارد الفيصل وهو يهوجس ضرب ابو صقر الطاوله: الفيصل
لف له بهدوء: سم
ابو صقر: علامك منتب معنا؟
ابتسم الفيصل: ابوي تجي نتكلم شوي؟
رفع حاجبه الفهد بتمثيل للزعل: خذوني حرام انا توأمك كيف تخليني
ضربه بندر يسحبه عنده: انكمع
طلع ابو صقر لغرفته وخلفه الفيصل قفل الباب خلفه وتوجه يلجس مع ابوه فوق السرير: ابوي انا ماني مستعد اتزوج على قد م دعيت ربي ولجأت له باقي فيني خوف اني اظلم البنت ليه تسوي كذا؟
تنهد ابو صقر وهو يمثل الحده: بس بس ورع انت ورع! اعقل واشرب ماء راسك لا العن ثواك تفهم!
عقد حواجبه الفيصل بصدمه ونطق ابو صقر: تفهممم!!!
تنهد الفيصل بحزن وهو يوقف يطلع لغرفته صرخ بقهر وهو يرمي قزازة العطر على الارض ويتكي بيدينه على الطاوله يتنفس بسرعه من ضيقته غمض عيونه بقوه واتجه ياخذ شور يخفف على نفسه
هو ما يفكر بميهاف ولا عاد يبيها بس ما يبغا يظلم البنت معاه وخصوصا انها بنت عزّام ما يبغا يأذيها بأي تصرف يتصرفه
