في الخبر/
بيت بندر/
دخلوا وكانوا البنات
(عهود-المها-ديالا) جالسين ف المجلس ويتقهوون شاهي
بندر: قوموا سلموا على عمكم
نطوا البنات وهم يشوفون الرجال اللي واقف مع بندر والشباب
المها وهي تذكرت انه من التوأم: عممييييييي ارحححببببب
تقدمت وهي تسلم عليه حضنها غيث بقوه وهو يبوس راسها: الله يبقيسسس ويحيييس يا امي
تقدمت عهود وديالا وهم يسلمون عليه وهو يحضنهم
بندر : جهزوا القهوه اقلط ياغيث
اتجهوا البنات للمطبخ المها وهي تصيح رايحه لامها: اممييي امممييي عمي غيث ججااااااا
سعاد وهي تقوم بصدمه: جا وين هنا؟؟ احد معه!!
المها بعجله: لالا بس هو وسلم علينا والبنات يجهزون القهوه وابوي قال لي خلي امس تجي
لبست سعاد حجابها وهي تتجه للبنات وياخذون القهوه ويمشون للمجلس
تعريف بال بندر/
بندر: ولد عبد الله وتؤام محمد🙃
زوجته سعاد اخت هند وطلال
عيالهم/
عبد الله سمي جده في سن اوس
عماد 19
المها 22 تعشق البداوه والابل وفيها طفاقه وعجله ودايم تخلي الكل يضحك
ديالا 20 اعقل من المها بكثير ولا تمون على كل احد بس مع اللي تحبهم واو والشخصيه اللي تطلع والضحك والفصلات لكنها اذا عصبت ما عاد ترضى الا بعد شق الانفس
دخلوا للمجلس وبدت المها تصب وتمد لابوها وعمها وامها وتجلس
عبد الله : ابي قهوه!
المها: اسكت انت خل نسمع وش فيه عمي جاي
تنحنح غيث : بندر اسمع وانا اخوك انت لازم ترجع معي بكره ولا اسمع لك اي اعتراض ابوي ما عاد له صبر على فرقاك وانت حتى الزياره م تزور! بترجع وبتجلس معنا ف الديره ماعاد لك مقعاد هنا تفهمني؟
بندر بهدوء: ابشر اصلاً انا طابت نفسي من المقعاد هنا بين الجدران واشتقت للديار ولابوي وامي واخواني والله اني م ادري وش جاني من الديره يا اخوك والله ماهو خوف من الحادث ولا غيره لكن ما ادري وش بلاي منها
غيث: لا بلا ولا شي بتعود مع اهلك وعربك ولا انت بشايف شر
بندر: راجعين معك كلنا بكره، قوموا كلكم اجهزوا ولموا اغراضكم كلها
سعاد بهدوء: غيث كيف حال هند؟
غيث: بخير والحمد لله تعالي وتشوفينها
المها وهي تستوعب انها بيرجعون للديره: حاااااييييي بنعيش هناكك!!!
غيث وهو مصدوم من خفتها:ايه
نطت وهي تطلع من المجلس تناقز وتغني:
جعل الغيث يسقيها دارً ساكنً فيها
من يطري على بالي قبل يحل طاريها
ياجعلك فداء كبده لا قبله ولا بعده
بين الخد يحلالي والفم ما نسا وعده
ضحكت عهود وهي ترتب اغراضها في الشنطه: الله يكملس بالعقل لا احد يسمعس يقول من اللي يطري على بالس؟ مريضه
المها: وووه يا عهود تخيلي نرجع وابل جدي والخيول والحلال كله وكل شي واجواء الديره يالبيييههههه والمزرعه والرحلات وناااسسهههه
ديالا من وراها: تدرون متحمسه اشوف الهااام من زمان عنها من يوم حنا بزرراانن
عهود: يامامي انتي متاكده بتتعودين عليها؟ اخاف تفصلين عليها
ديالا بصدمه: سلللممااتت ترا ذولا اهلي مو احد غريب اجلس اتعود عليه حتى عمه منال واحشتني لما تلعب معي وتراضيني اووففف والله وناسه الله يسامح بابا على كل ذا السنين
المها وهي ترميها بعلبة الكريم: بابا! اسمه ابوييي ابووييييي بقعا تصوعس
ديالا وهي تضحك: ايش دخلس! بكيفي بابا دادي بابي ببتي! انتي ايش حشرس؟
المها وهي تقوم عليها: يعييعيعيع لا تقولين كذااا
دخلت سعاد وهي تصيح على المها:يا بنت اعقلييي واتركي اختس في حالها ، عهود يا امي خلصتي ؟
عهود: لا اصلاً الشناط م تكفي اغراضنا! خليهم يطلعون يشترون
عبد الله وهو داخل: راح ابوي يجيب تكففون رتبوا اغراضي معاكم
ديالا والمها: نعمممم!!!!
المها: ليه ليه يدك فيها جباره؟؟
عبد الله: انتي اخت انتي!!! رتبي لي معسسسسس يا جنيه
ديالا: لا حبيبي معاك يد واغراضنا كثيره اذلف رتبها قبل بابا يجي يفصل علينا بسببك ولسى ورانا اغراض بابا وماما توكل
عبد الله: ياشييينكم شييننااه وع عليكم
عهود وهي تقوم: انا برتبها معي خلاص اسكت اسكتت مزعج كانك ذبانه
ضحك وهو يبوس راسها ويهز كتوفه عند المها: هاهاهاييي
المها وهي تخزه: اذلف مني هناك لا اذببحككككك
بعد مده دخل بندر وغيث وعماد/
عماد وهو يركض لامه والعشا معاه :امي جبنا عشا معنا وخلي البنات يجون يشيلون معي الشناط عشان نجهز
