لينا تحاول تصرخ
عبد الله: اششش انا انا كتمتس عشان لا تصيحين اصه اص بفكس
هزت راسها لينا وفكها عبد الله
دفته وهي نست وش تبي: الله يمرضك
عبد الله: استغفري وش جابس هنا؟
لينا: وين سيارة ابوي؟
اشر لها عبد الله وفتحت الباب تاخذ سماعتها قفلت الباب وشافته واقف لينا: نعم؟؟
عبد الله: امشي نرجع
لينا: وسع اعرف ارجع
عبد الله: امشي وانتي ساكته
مشت لينا وهي تدخل الخيمه بحنق وخوف: حيوان
لفوا عليها كلهم: منهو؟
لينا بسرعه: جوالي هذا زفت ماخليت مكان ما رحت عيا يمسك اشاره! اوف
صغرت عيونها فاطمه وهي تطلع وتناديها: لولي تعالي
نطت لينا وهي تحب ذا الاسم: لبيه
فاطمه: منهو الحيوان؟
لينا بصدمه: جوالي!
فاطمه: منهو؟
لفت لينا وهي تشوف عبد الله يمشي راجع للسيارات: هو
فاطمه: سوا لس شي؟
لينا بصدمه: هاا؟ لالا
فاطمه ارتاحت وهي تدخل مع لينا
حضروا الشباب العشاء وبدوا يتعشون ابو طلال رفع عينه وهو يشوفهم كلهم يناظرونه: ملح قليل ولا ملح زايد لكن الله يخارجنا من فطيم
ضحكوا الشباب وهم يعرفون ان فاطمه ما تحب الملح زايد ولا ناقص ولازم تضبطه
عند الحريم/
سمعوا البنات كلام جداتهم وان جدتهم غاليه بتجي صاحوا كلهم بصوت واحد
فز ابو طلال وهو ينطق: وجععاه انتي وياها وجعااه ما قعد معي ملك
-الشباب م انتبهوا لابو طلال-
لف ابو صقر وهو يشوف الفيصل طايح جنب صقر
لف صقر عليه وشافه يضحك وهو ضحكه صامت
ضحك ابو صقر وهو عرف انه شاف ابو طلال لانه كان على قده وابو صقر جنبه وهم الثنين اللي انتبوا لخلعته
ابو طلال بحده: نمى خل القرقره على الزاد وقم
لف وهو يشوف ابو صقر يرفع شماغه لعيونه من الضحك
ابو طلال ابتلش انهم شافوه وهو م يحب احد يطيح ثقله: قم قم انت وياه
ضحك ابو صقر وهو يوقف: الحمد لله
قام وهو يمشي يغسل يده والفيصل باقي يضحك جنبه
ابو صقر كل م شاف وجه الفيصل ضحك: فيصلوه كان فضحتني
الفيصل وهو يمسك ضحكته ويرجع ينفجر يضحك
ابو صقر: نما ايش علمك!!
الفيصل وهو يشرح لابوه: عمي عمي ماكان منتبه معنا كان يهوجس في شي وصاحوا البنات وفز ذيك الفزه والله لو انك شفت وجهه ورجع يضحك ضربه ابو طلال من وراه بالعصا: وش فيه وجهي يا مريان؟
ضحك الفيصل اكثر وهو يغسل ويبتعد
_______________
عند ال عزّام/
الجوهره: ايوه وبتروحون كلكم للمهمه كلكم مره وحده؟
عزّام: ايه كلنا
الجوهره: متى متى؟
عزّام :باقي اربع ايام
الجوهره: سعود وينك فيه؟
سعود وهو يتنحنح: هنا
الجوهره: متى يبدا دوامك؟
سعود: بعد بكره انا وهي كلنا
الجوهره: اييه بتاخذ اجازه بعدين وتسافرون صح؟
سعود: باذن الله
دخل سالم ومعاه كيس ماك: نايا
نزلت مع الدرج: نعم
سالم: هاس اكلس كليه بغيت اقول كلاس الدود
نايا وهي تحضنه: ياكلك معي ياحلو
ضحك عزّام عليهم وهو يوقف: نوم
____________
في تنومه/
ابو طلال: نومٍ ياقوم اخلصوا
قرب صقر سيارته وحط فيها غيث وملاذ والباقين في الخيام
رعد توجه لخيمة الحريم وهو يوقف عند الباب: المها خلود يا هوه
طلعت له هند: رعيدان وش فيك؟
رعد: هند هيا بتسمرون!
هند: وين؟
اشر لها رعد بعيد شوي وطلعوا معاها البنات كانوا كلهم صاحين عدا الجدات وزينه وسعاد ودلال ناموا تعب
ولعوا الشباب العقود وهم يبتون الفرشه ويجلسون في جهه والبنات في جهه والفيصل معاه العود
محمد: دق العود
الفيصل: اخاف يصحون!
محمد: شوي ودقه لا ادق لحيك
جلسوا يسولفون بشويش ويتقهوون لين قام الفهد يستعبط ويضحكهم وتعالت اصواتهم
في خيمة الرجال/
ابو صقر كان يتاملهم من يوم بدوا
لف له ابو طلال: عبيّد قم قم ماجاني النوم المكان غريب علي
ضحك ابو صقر وهو يوقف معه متجهين لهم
ابو طلال من وراهم: ولا تدعونا!
فز طلال: تعال مكاني
ابوه: انثبر محد طلبك بجلس على الكرسي ذا
ضحكوا كلهم على وجه طلال
جلس ابو صقر معاهم في الارض.
ابو صقر: الفيصل دق العود
الفيصل وهو ياشر على عمه: عمي
ابو صقر: دق العود ماعليك منه
بدا الفيصل يدق العود وابو صقر يغني
