عقد حواجبه بعدم اعجاب وهو يحاوط خصرها ويشدها له قرب من شفايفها وهو يقبلها بخفه وسرعان ما تعمق فيها انفتح الباب ولفوا اثنينهم بصدمه من صقر اللي واقف عند الباب دفته الوجد وهي بتبكي من الاحراج من ابوها، صقر وهو يمثل العصبيه ويصفق بيدينه: لالالا ما شاء الله سللممات انت وياها
الوجد حقدت على سعود ومتحلفه فيه ان تطلع عيونه لفت على ابوها: هذا ولد صديقك الواو مالي دخل بعدوا
ضحك صقر وهو يحضنها: قليل ادب ياسعود في بيتي بعد! هذا وانا مهددك لا القاك قريب منها ودك تعرف وش بسوي؟
سعود وانظاره على الوجد اللي تهدد بنظراتها: وش؟
نزل عقاله صقر وهو يعطيه وحده: هذي عشان تستخف في تهديدي
ضحك سعود بالم وهو متعود على ضرب صقر وابوه له : اسفين طول الله عمرك العذر والسموحه
صقر: مافيه اسفين يابابا
ضحكت الوجد على ابوها واستهباله
لف لها سعود وهو ينطق: عمي صقر الزواج بعد اسبوع عشان المهمه اللي جاييتنا
صقر بصدمه: وش؟
الوجد: مو مشكله انا موافقه
صقر باستغراب: الله يوفقكم اجل
طلعت الوجد واتجه سعود مع صقر للخارج
في المشب/
عزّام: عساك عزمت؟
سعود وهو يتخيل شكلها وعنادها قدامه هز راسه: اي بالله عزمت
عزّام وهو يوقف: فمان الله
صقر: تعش يا عزّام
عزّام: جاد الله عليكم والله ما يحصلي
طلع عزّام مع عياله متجهين لسياراتهم
ركب عزّام مع سعود/
عزّام وهو يشوف سعود يهوجس: ولد
سعود: لبيه
عزّام: وش بلاك؟ بعدين علمتها عن مرضك!
سعود بهدوء: لا
عزّام لف عليه: ليه؟ بتغشها!!
سعود بهدوء: لا بعلمها بس مو الحين
عزّام: واذا هي م تبيك؟
سعود ابتسم ببرود: ما بتاخذ غيري يا ابوي والله م تحل لغيري
عزّام وسع عيونه بصدمه: ورع! والله لو انك تعرفها من مليون سنه
سعود: اعرفها وهي بزر بس كبرت
عزّام: سعود استهد بالله وعلم البنت
سعود: مو الحين يا ابوي هذي لازم اشوف وش وراها هي وعنادها ذا
عزّام استغفر وهو ينزل لما توقفوا عند البيت دخل عزّام والعيال
عايلة عزّام/
عزّام: قريب عمره من عمر صقر ويعمل معاه وصداقتهم قويه مره وشخصيته شديده لكنه يحب عياله ولابد يلين معاهم اما مع بناته فهو اضعف خلق الله واحنهم
زوجته(الجوهره): شخصيتها حلوه وفكاهيه وبنفس الوقت فيها حده والكل يسمع كلامها حتى عزّام براسه ما يقول لا
عيالهم/
سعود: عمره (32) وصل لرتبة النقيب بسرعه بعد تخرجه من الكليه الامنيه بثلاث اربع سنوات من المهام اللي تجيه ويترقى شخصيته شديده لكن مع اخواته حنون وغيور وفيه جديه اكثر
سالم: عمره(29) عكس سعود ويشتغل اشغال حره وشخصيته لعاب ولا عنده شده ولا جديه وهواش طول الوقت مع اخواته لكنه م يرفض لهم طلب ودايم يسفرهم ويمشيهم
عقاب:عمره(27) شخصيته تشبه سعود لكن على اشد وغيره اكثر ولا عنده حنيه يسولف ويضحك مع خواته لكن مو مثل سعود وسالم ولا عنده احضان وكلام فاضي وهو يصير صديق فهاد وسلطان
ندى: عمرها (26) شخصيتها حلوه مره ولا كانها اكبر اخواتها بالعكس مهبوله
نادين: عمرها (24) شخصيتها تشبه شخصية امها والكل يسمع كلامها
نايا: عمرها(16) دلوعة الكل والجميع وام دميعه
____________
دخل عزّام وهو يتوجه للمطبخ
في المطبخ/
نادين بحده: انزلي من فوق الطاوله يا نايا لا ينزل عليس كف ما تعرفين اتجاهه
نايا وهي تحط رجل على رجل: مابدي
نادين نزلت الشبشب ونطت نايا تطلع مع الباب الخلفي
ضحك عزّام وهو متكي على الباب: بنت خلي اختس تجلس علامس عليها؟ وش ذا الشخصيه المسيطره!
نادين وهي معصبه: ابوي الله يرحم والديك تبعد بنتك من عندي لا اذبحها والا جيب خدااامههه
ضحك عزّام وهو يتقدم لها وربط ثوبه على خصره: وسعي انا بغسل وانتي صفي بسرعه
نادين بصدمه: انت!
عزّام وهو يغسل المواعين وينزلها عندها ضحكت نادين بصدمه وهي تصفي وتسولف مع ابوها
دخل سالم وشهق: يييييممماااههههه
لف عليه ابوه وهو يرميه بالكوب اللي في يده: وعمى ياورع ما قعد معي ملك
دخلت الجوهره وهي تناظرهم وتناظر القزاز ف الارض: القزاز ينلم ويتنظف
لفت على سالم: وانت نعم تنهق تناديني؟ وش معك من عله!
عزّام وهو يرجع يغسل: خليه ينظف القزاز عشان ينهق مره ثانيه
الجوهره: مسوي خارج منها يعني؟ حمار وطالع عليك
نادين تكتم ضحكتها ووجها حمر لف عليها عزّام: اضحكي اضحكي مابقي الا هي اصلاً
نادين وهي باقي كاتمه: اخاف م تكمل غسيل
عزّام ضحك :لالا بكمل وانفجرت نادين تضحك والجوهره تضرب سالم بعصا المكنسه عشان ينظف
________________
