صباح اليوم الثاني/
بيت آل عزّام/
عزّام: الجوهره نادي سعود وزوجته للفطور مثل ما تعلقتي فيهم ينامون
الجوهره: طيب بناديهم كان
عزّام: وش جاس ترقدينهم هنا غصب
الجوهره: بكيفي عندك اي معارضه حضرة العقيد،؟
عزّام: لا ياحضرة الجوهره
ضحكت وهي تتوجه لغرفة سعود
في غرفة سعود/
نايمه على السرير وهو على الكنبه
اندق الباب وصحى سعود وهو يحاول يستوعب المكان: اييوه
الجوهره: هيا للفطور سريع
جلس سعود وهو معقد حواجبه ويشوفها نايمه وشعرها منتثر على وجهها والمكيف يحركه تحركت بانزعاج من خصلات شعرها اللي تداعب وجهها مد يده سعود يبعدها عن وجهها وهو يصحيها: اصحي ننزل لاهلي
الوجد وهي تبعد يده وتجلس: سعود ما بنزل ماعندي ملابس البسها
سعود: جبت البارح ملابس من البيت
رفعت نظرها باستغراب: متى؟
سعود: بعد ما نمتي
وقفت وهي تحاول توزن نفسها ارفعت يدها على راسها وهي تمسك بيدها الثانيه مسند السرير تقدم لها سعود ونطق: علامس؟
الوجد وهي مغمضه: ولاشي بس ابي دورة المياه وين اروح؟
سعود وهو يمسك يدها: بنت فيس شي وش بلاس مغمضه دايخه؟
الوجد وهي تفتح عيونها وتناظر فيه بأسهم عيونها: خلاص راحت
سعود: خذي لبس وتعالي للحمام
الوجد اخذت من الملابس اللي جابها وطلعت معاه ودخلت للحمام وهو واقف عند الباب ينتظرها كان مستند بنفسه على الباب فتحت الباب وكان بيطيح عليها شهقت وهي تحاول تمسكه وهو يستند على الغساله رفع عينه لها: جاس شي
الوجد وهي كاتمه الضحك: انت جاك شي انا كويسه؟
سعود: ليه ماسكه الضحكه اضحكي بعدين ماجاني شي
دفته وهي تدخل للغرفه تضحك على شكله عدلت شكلها وهي توقف: يلا
سعود مد يده لها: هيا
الوجد تعدته وهي تمشي غمض عيونه بقهر وهو يلحقها ينزل وراها
الجوهره: ياهلا ويامسهلا
سعود: هلابس يا امي جلسوا معاهم يفطرون
نادين: الوجد مو قاعده تاكلين كويس
ندى: لا تستحين كلي ترا بعدين تتعبين
ابتسمت لهم وهي تمد يدها تاكل
رفعت نظرها الجوهره وهي تشوف سعود يتأمل فيها وفي اكلها صغرت عيونها وهي بتعرف وش وراهم مو تدخل فيهم بس حب لهم وخوف عليهم نطقت: سعود افطر
تنحنح سعود وهو يشوف نظرات امه وابوه عليه ونطق: متى نظرة عقاب؟
عزّام: بتصل على طلال واساله اذا يمدي اليوم خلني ازوج ذا الرجال يعقل
نايا: يامامي هذا اللي مسوي علينا جنتل بس تجيه زوجه صير خروف صدقوني
سعود: نايا اسكتي لا يسمعس
الجوهره: وهذا الصدق عاد وده يصدق ولا يضرب راسه بمليون جدر
عزّام: وين صدق سلمات؟
لفت عليه الجوهره: عزّام
ضحكت الوجد بخفه على صدمة عزّام لان الجوهره تقصد انه خروف عندها لفت لها الجوهره ومحد انتبه لها الا هي وابتسمت
عزّام وهو يمشي في الصاله يكلم طلال: ايوه يا ابو فهد وش قولك؟
طلال: حياكم الله اي وقت
عزّام: العصر ان شاء الله لان ف الليل مشغول والله بيجون اهلي
طلال: حياكم الله
قفل عزّام وهو يشوف عقاب داخل
عقاب: سلام عليكم
عزّام: عليكم السلام جابك الله
عقاب: وش ؟
عزّام: الشوفة في العصر اخلص
عقاب بهدوء: ابشر
دخل عقاب وهو ينادي نايا
طلعت له نايا من المجلس وهي تناظره: عقاب يناديني؟ ووااو
ضحك عقاب وهو يضرب راسها بخفه ويسحبها معه: تعالي اوريس وش جبت لس يا نونو
طلعت معاه وهي تشوف القطه البيضاء صرخت وهي تحضنه ضحك وهو يدور فيها: مو تقولين عقاب شين
نايا: احححبببكك يخرب بيت عدوك كيف صرت كذا كتكوت؟
ضحك عقاب: الله واكبر من عقاب لين كتكوت!
ضحك نايا وهي تبوس خده: احبك
عقاب: الله يحبس لا تبوسيني
ضحكت نايا: طيب يا كتكوتي الحلو
ابتسم عزّام على جنب وهو يناظرهم هو يعرف عقاب قبل وكيف اسلوبه وطيبته ولطافته لكن فجأه بين يوم وليله انقلب وصار غريب لسبب يجهله عزّام والكل ويحاول يعرفه
عقاب ناظر ابوه: ابوي علامك؟
عزّام وهو يدخل: ولاشي
شالت نايا القطه: بسميها وايتي
عقاب: بكيفس يا نونو
ضحكت: ياخي حتى دلع ما تعرف تقول
عقاب: لا ما ادلعس انتي نونو صدق
ضحكت وهي تدخل جوا وتركض للمجلس بالقطه
نطت نادين فوق الكنب: وخررييهاا
نايا وهي تقرب منها: وواااههه
صرخت نادين وهي تركض خلف امها
لفت نايا وهي تقربها ل الوجد على دخول سعود وابوه
عقدت حجاجها الوجد: خليه بعيد ما احب المسه
نايا: ما تخافين منه؟
الوجد: لا بس م المسه بيدي
نايا: ماش ما خفتي
ضحك عزّام: لو انها خافت دفنس سعود
ضحكت نايا: طيب انت ما تقدر تدفني وركضت فيه لامها
الجوهره بصياح: ابعديه وجع
ضحكت الوجد وهي تشوف اشكالهم نايا تركض فيه ورا نادين وامها وعزّام يلحقها يمسكها
لفت لسعود: ليش تناظرني كذا؟
سعود بهدوء: في الليل عماتي وخالاتي بيجون لو احد ضايقس لا تناقشينه خليس مع امي ونادين
الوجد: ليش بس نادين؟
سعود: يعني مع اخواتي بس قلت نادين لانها اعقلهم
ابتسمت الوجد وهي تشوفها تركض: يامامي هذي اعقلهم؟
ضحك سعود وهو يوقف ويطير نايا فوق: اهجدي انتي وبستس
نايا: خلاص ابشر بس نزلني
نزلها سعود وهو ينطق: اجهزوا يا ابوي ما بقا للعصر شي وطلع
قامت خلفه وهي تصعد للغرفه وتدخل له: روح تروش انا بجهز ملابسك واشيائك
طلع سعود ورجع وهو لاف المنشفه على خصره والثانيه في يده ينشف شعره لفت وهي تشوفه شكله نطقت: البس ملابسك
رفع عينه سعود لها صغرت عيونها وهي تناظره: عيونك حمراء!
سعود: جيبي لي ثلج احطه
الوجد تقدمت له: وش صار لها؟
ابتسم سعود: يهمس تعرفين؟
طلعت الوجد وهي تتجه للمطبخ دخلت وشافت الجوهره فيه ابتسمت لها: ابي ثلج وينه؟
الجوهره مدت لها كوب ثلج: سعود عيونه فيها شي؟
الوجد كان ودها تسال بس سكتت وهزت راسها ومشت
مدت له الكوب وهي تشوفه بسروال وفنيلة الثوب فقط: كمد عيونك
بدا يحطه على عيونه ومشى ينزله ويلبس ثوبه وكبكاته وسحب شماغه وطلع من الغرفه مسرع لتحت
وقف ف الدرج وهو يشوف ندى تصيح وتركض لابوها وسالم وراها يتحلف فيها عشانها احرقت ثوبه نايا وهي واقف جنب سعود وتصفق:
عوينا لمن مثلي هله يخبطونه
يخبطونه بعود القضب لين يخمدونه
ضحكت نادين وهي تصفر معاها
نزل لهم عقاب: انكتمي انتي وياها سالم ياورع والله لا تلمسها
لف سعود بصدمه: عقاب!
ضحك عقاب: ايه عقاب
نزل سعود وهو يسحب سالم ويدفه بعيد: عقاب يقول فكها تفكها
ضحك عزّام: رح البس لك ثوب وهيا
بعد مده توجهوا كلهم لال صقر
