الليل/
في بيت خالد/
سهام: بيجيون الحين!
خالد: ما ادري تأخروا بتصل اشوف.. لفوا على صوت الجرس
سهام: وصلوا خلاص هيا ..وقفت معاه وهم يستقبلون اهله
شريفه: خربنا عليكم
ابتسمت سهام: شدعوه حياكم الله
العنود: وحشتيينيي يا حللوه
ضحكت سهام وهي تسلم عليها ويدخلون جوا
ميان : ساحبين علي ليه!!
لفت سهام: انتي برا لس ساعه مادريت انس جيتي تعالي تعالي
تقدموا يجلسون مع بعض ويسولفون ونطق خالد: ابوي وين ماجا؟
شريفه: مع اخوك عند منيره
ضحك خالد من اسلوب امه وكرها لمنيره: مطولين؟
شريفه: مدري عنهم اذا طولوا برجع مع العنود في سيارتك وبكره ترجعها
خالد: والله ان تمسون معنا
شريفه:لا والله
خالد: امي قولي الا ان يشاء الله بسرعه لاني حالف قبلش
شريفه: الا ان يشاء الله لاعاد تحلف علي
خالد: معليه
العنود: خوييلد
خالد: نعم؟
العنود: والله فاتك مضاربة امي ومنيره لو ابوي مو قاعد يهديهم كان اخذوا بعض بالشعور
ضحك بصدمه: وليه؟
العنود بحماس وهي تشرح له وابرار وسهام يضحكون وشريفه معصبه
خالد: وليه يا امه ما طنشتيها!
شريفه: لا والله! اسكت لا اكمل عليك
العنود: اووهه وش تسكت اصلاً امي جعلني قبلها في خاطرها تبغا تقوم تكفخ ابوي مع اخته
لفوا على ضحكة ابرار وهي تحاول تتكلم: ووااه اصبروا بطني ماشفتوا ابوي كيف مفتح عيونه بقوه عشان لا صار فيها مدت يد يوقف بينهم
خالد: والله ليتني موجود
ميان: عمتي والله كان ودها تصير باليد بس ابوي ما سمح لهم وصرفنا لك ..ضحك خالد وهو يتخيل اشكالهم ويعرف هواشهم الدائم
سهام كانت تضحك من الصدمه لانها ما عاشت شي زي كذا امها وعماتها يجننون مع بعض وكانهم اخوات
لفت شريفه وهي تشوفها تتأملهم: وش فيش يا امي؟
سهام: ولا شي بس مصدومه منكم
ضحك خالد وهو يناظر العنود: فضيحه ما تعرفين تسكتين
العنود: والله عاد سهام صارت مننا وفينا لازم تعرف الاكشن حقنا عشان بعدين لو شافته ما تنصدم الا تضحك معي
ابتسمت سهام وهي توقف تتجه للمطبخ
________
عند ال سطّام/
(اهل سلطان)
نتعرفهم مره ثانيه للي نسي
سطّام الاب
حصه الزوجه
عيالهم/ حازم متزوج عايشه وعندهم بدر وايلان
عبد العزيز متزوج البندري وعندهم ورد
سلطان زوج خلود
فراس اعزب
ليان و ابرار
________
حصه: والله ودي نطلع ويا سلطان وزوجته وننبسط ترا ما طلعنا معهم من يوم تزوج!
البندري(زوجة عبد العزيز): صح والله
ليان: طيب كلموه والله وحشني
ابرار وهي تلعب مع ورد(بنت عزوز): اختفى بعد زواجه الحلو شكله ذاب
ضحكت عايشه: خليه يذوب يابنت ايش دخلس فيه؟
ابرار: بسم الله ماقلت شي ابغاه يجي بشوف زوجته بسولف معها من مقابل وجيهكم كل يوم حفظتكم وحفظت طبايع ازواجكم بشوفف لي كوبل جديد
ضحكت البندري بصدمه: وجع يا ابرار
دخل سطّام(ابو سلطان):بس بس انتي وياها من الضحك والفقفقه اصواتكم واصله اخر الشارع
حصه: سطّام ابوي انت اسمع
ابرار: ابوي انت تراه ابوي انا
ليان: مالس صلاح خلييهمم
ضحك سطّام: اجل حبيبها انا وخروا
ضحكت ابرار وهي تبوس خد ابوها وتدخل ولحقوها البنات
سطّام: عيونه وش بغيتي؟
حصه: خلاص انحرجت وجع
ضحك وهو يمسك يدها :خليس من الاحراج والكلام الفاضي وقولي وش بغيتي يا حصيص؟
حصه: سلطان خلنا نطلع معاه هو وزوجته والله اني اشتقت له اخاف ازوج فراس ويختفي بعد
سطّام وهو يصب له شاهي: على خشمي نطلع معه ليه ما نطلع؟ اما فراس انا بزوجه شكلي
حصه: ومنهي؟
سطّام: بنت محمد ابن عبد الله
ابتسمت حصه: ايه زين نسب والله
طلعت ابرار: خلصتوا نجي؟
وسعت عيونها حصه ولف سطّام وهو يضحك: ياذي النبزه (بزر او كذا) ما تعقلين هيا هيا والله لا اقوم
_________________
