في المركز/
دخلت وهي تمشي لغرفتها وتعدل حجابها وتاخذ مويتها وتطلع لهم تقدمت للفريق اول وبردت ملامحها وهي تشوفه قدامها واقف
رجعت لورا ونطقت: و ووين ابوي!
عزّام بهدوء: في المهمه تعالي حققي مع اللي جوا
الوجد باستغراب: وعمي محمد برضو في المهمه؟
عزّام: ايه
الوجد: طيب ايش حكايته هذا اللي جوا عشان احقق معاه؟
قرب الفريق اول بيتكلم وسرعان ما تراجع وهو يناظر عزّام
عزّام وهو يحاول يعكس الموضوع ويبعد صقر منه تعالي اقولس
شرح لها الموضوع لكن ما ذكر صقر فيه وحطه شخص ثاني
الوجد: تمام انا داخله له
دخلت الوجد وجلست امامه: وش قصتك؟
جمال(الشخص4): لا تتعبين نفسك معي انا اقولك كل حاجه قصتي هي ان هذولا العصابه مهدديني باهلي لو ما اشتغلت معاهم اوصل لهم حملاتهم بيقتلون امي واختي ولذلك بديت العمل معاهم مجبور ولما عرفت ان فيه مداهمه ساعدتهم عشان افتك واطلع والله ما اكذب في كلمه واذا مو مصدقتني جوالي معاهم انا مسجل فيه كل شي وكل تهديد وكل كلام وكنت بجي اشتكي لكن كانوا يراقبون تحركاتي
الوجد وقفت بدون كلمه وطلعت لهم:جواله هاتوه
الفريق اول: ممنوع يكلم
الوجد: عرفه حضرة الفريق اعطني الجوال
لفت على عزّام: ادخل معي
تقدم معاها عزّام ونطقت الوجد: كم الرمز
فتحته وبدت تفتح التسجيلات وفعلاً كلامه كان صحيح
الوجد: بيطلع لكن بيكون مراقب لو شكيتوا في اي حركه يرجع
عزّام لف للضابط اللي معاهم: عُلم؟
الضابط: عُلم
عزّام: هيا نمشي
الوجد: فيه احد ثاني؟
عزّام: لا الباقين كلهم انسجنوا
الوجد: انتهت المهمه يعني؟ وين ابوي وعمي؟
عزّام تورط: باقي فيه اشياء يكملونها وجايينن
في المستشفى/
دخل سعود ومحمد على صقر: سلامتك
صقر: طلعوني من هنا
محمد: لازم ترتاح يا اخوي
صقر بحده: طلعني من هنا انا بخير واحسن منك بعد والطلقه ما كانت عميقه ولا اثرت علي بسرعه طلعني
سعود: خلاص ابشر نطلعك وترا المهمه انتهت والترقيات ارتفعت
صقر: خلصني طلعني بروح لاهلي
سعود: طلوعك الفجر الحين رفضوا
صقر: ياليل ياصبر ايوب صبراه
سعود: خلاص الوقت بيمشي انت الحين وش تبي من اكل وش مشتهي؟
محمد بضحكه: نفاس هو يشتهي؟ افلح جب له اي شي ياكله
ضحك سعود وهو ينزل يجيب لهم عشاء
صقر: انقلع من قدامي ياراعي النياح
محمد: خفت عليك جعلك اللاوي استغفر الله
صقر: تقوم تصايح وتنايح خلني اموت لا تنهق!
محمد: اضحك؟ اضحك شرايك اضحك واصفقلك واهز لك مصري!
صقر ضحك وهو يغمز له: متعود على الهز يابابا
صرخ محمد: لعنه ياحممااارر
انفجر صقر يضحك: لالا ما قصدي انك تهز لها العكس
رماه محمد بعلبة المويه: حقير
ضحك صقر وهو يمسك بطنه: انقلع برا
ابتسم محمد وهو ينسدح على الكنبه: مش منقلع يا ابني
في الديره/
غمض ابو صقر عيونه بقوه وهو يوقف يبتعد عنهم يتنفس
مد يده يتكي على الباب وسرعان ما تهاوى جسده
صرخ غيث والوجد وهم يركضون جهته لف بندر بقوه وهو يفز يلحقهم وتجمعوا كلهم عليه حاول بندر يصيحه وصحا وصرخ بندر فيهم يشغلون السياره وانطلق فيه للمستشفى اللي هو شريك فيه
دخل بندر وهو يناديهم ودخلوا ابو صقر يكشفون عليه وبندر معاهم
وسع بندر عيونه: مويات على الرئه!
ابو صقر بهدوء: ما بسوي عمليه لين يرجعون عيالي
بندر: ابوي استهد بالله خلنا نسويها!
ابو صقر: جاك العلم طلعني من هنا
الدكتور: يا ابو بندر لازم تسويها خلال شهر اكثر من كذا بتكون خطيره
ابو صقر: بجيك قبل الشهر بس طلعني
الدكتور بدا يعطيهم تعليمات واشياء يسوونها عشان ما تتضاعف عليه
ورجعوا للبيت
دخلوا بيت ابو صقر ونطت فاطمه: ابو صقر علامك وش فيك؟
ابتسم بندر: ذيب ذيب شوفيه قدامس
ابو صقر: عيالس يحبون يحطون الحبه قبه
ابتسم غيث وهو خايف على ابوه لكن بندر طمنه وابو صقر حالف لا يتكلمون ولا يقولون لاحد الا اذا صار وقت العمليه
