عند لينا/
لينا: امانه روح عني امانه
عبد الله: ليه جالسه هنا؟ المكان مو زين قومي ارجعي داخل الحوش
لينا: بجلس لوحدي عبد الله كفايه تطلع في وجهي بعد
عبد الله قرب منها ومد لها مويه
في هذي الاثناء عند الرجال/
ركض ابو صقر وهو يشوف بندر مو قادر يتحرك واتجه لباب المزرعه وهو مو مفكر ان نوير مع اللي عند البير ولا عنده في احد مجر يفكر في لينا لا يصير لها مكروه لحقوه العيال وبعدهم بندر وقف ابو صقر على الباب وهو يمد يده يبعد اللي خلفه من الدخول ويناظر اللي امامه
تقدم بندر يدف اخوانه وسحب يد ابوه بخفه وهو يدخل
وسع عيونه بصدمه من عبد الله ولينا وجا في باله ان ولده مسوي لها شيء مايدري كيف فكر كذا ولا لقى نفسه الا يسحبه عبد الله ويعطيه كف بكل قوته: حييووواان ايش تسوي مع البنت!
رجفت عيون عبد الله بصدمه من شك ابوه والكف اللي توسط خده
صرخ بندر: انطق ياعبد الله تكككللم
تقدم اوس بهدوء وهو يشوف لينا ضامه رجولها لصدرها وتبكي هو واثق تمام الثقه في عبد الله وانه مستحيل يسوي لها شي ومتأكد مليون في الميه انها تبكي شوق لابوها وخوف من بندر تقدم لها وهو يجلس جنبها ويدخلها في حضنه: لولي اهدا من كذا وانا اخوس سمي سمي
تقدم ابو صقر بعصبيه وهو يسحب بندر ويصفقه : لا تمد يدك عليه
صحصح بندر من كف ابوه واستوعب شكه في ولده هو يدري انه كله من الخوف على بنت اخوه والا ولده ما يسوي كذا
ابو صقر وهو يقرب لعبد الله ويمد يده لاصابع بندر اللي على وجهه ابتسم ونطق: تعيش وتاكل غيرها وانا جدك ماعليك منه
ابتسم عبد الله بهدوء: بس انا ما اذيتها ولا سويت لها شيء مديت لها مويه واكلمها تدخل للحوش لان هنا خرابه مستحيل اسوي لها شي
شد شعره ابو صقر وهو يبوس راسه ويلف لبندر بحده: ارجعوا
بندر: ا..
ابو صقر بحده: قلت ادخلوا كلكم حتى انت يا اوس ادخل معهم
وقف اوس وترك اخته وهو يرجع معاهم وتقدم لها ابو صقر جلس قدامها: لولي على قولتكم
ابتسمت لينا بين دموعه: لبيه
ابو صقر بهدوئه المعتاد: وش فيس يا جدي؟
لينا: ابغا ابوي
تربع ابو صقر وهو يفتح ذراعينه: انا ابوكم كلكم تعالي هنا لا تبكين
تقدم لينا تحضن جدها وسرعان ما اجهشت بكي من حست بحنيته
باس راسها ابو صقر وهو يدها لحضنه: ليه البكي؟ ابوس رايح مهمه يخدم فيها الوطن ويحميها ليه البكي؟ هو بطل وقوي زي ما كنتي تقولين
لينا ببكاء: بس انا ابغاه ما اقدر بدونه ياجد ما اقدر
ابو صقر: استهدي بالله وسمي وتعالي اشربي مويه وغسلي وجهس ومحمد بيرجع معليس
لينا وهي تمسح دموعها: الله يخليك لنا
ابو صقر بابتسامه هاديه: امين
حاوط كتوفها بيده ومشا معاها يرجعون
في ارض المهمه/
بعد المغرب/
الفريق اول: لا احد يقرب للمبنى اياني واياكم ما نقدر ندخل سوا فيه فخ للازم واحد يدخل واحد فقط يضحي ويدخل تفهمون! لا تتحركون
تقدم صقر بهدوء: انا بدخل
وسع عيونه محمد: صقر صقر لالالا ياصقر
صقر بدون يلف له: انا بدخل
صرخ محمد: لااااا صقر وراك بنتك وزوجتك ياصقر انا بروح
لف له يناظره بعيونه الحاده وحدة صوته: محمد انا بنتي كبيره انت وراك طفل ووراك عايله كبيره الزم ارضك تفهم؟
الفريق اول: صقر اذا ما تقدر لا تروح ورا..
صقر بمقاطعه: انا بدخل يا حضرة الفريق
تقدم صقر يمشي خطاويه جهة المبنى البعيد عنهم بمسافه
صرخ محمد بقهر وهو يبي يلحقه مسكه عزّام وسعود وهم يثبتونه
عزّام: محمد اجلس يا محمد
صرخ محمد وهو ما يبغا يبكي: ابووي ابوي يا عزّام وش بيصير فيه لو صار لصقر شي فكوني فكرني انا بروح له بلحق اخوي وخر عني
سعود بهدوء سحبه ورا وهو يجلسه غصب عنه وهو يحترق على الوجد وخايف يصير لصقر شي وش بيصير فيها؟ غمض بحزن وهو يمد المويه لمحمد: اذكر الله وربي حفيظ عليم يا ابو اوس
شد محمد شعره بقهر وهو ينزله بين ركبه
