سحب يدها بقوه يرميها على السرير صفق الباب بقوه يقفله رجع لها : خلينا نتكلم
رفعت سبابتها وبصوت عالي: ما تتكلم معي ولا بتتكلم معي انت وش انت؟ حقير! لا انت الحقاره كلها انت واحد..
مسك وجهها بقوه يلتهم شفايفها يقطع كلامها لعلها تهدأ وتسمع منه نزلت دموعها وهي تضرب صدره تحاول تبعده عنها ابتعد ياخذ نفس ورجع يقطع صراخها من جديد عضت شفته عقد حجاجه بالم وهو مكمل يقطع انفاسها وانفاسه وصراخها وعتابها ابتعد من حسها هدت وانقطعت انفاسهم ناظر بعيونها تموج بدموعها غطت وجهها بكفوفها تحاول م تبكي بعد يدينها يحتضن وجهها بكفوفه: خلودي
ماردت عليه تبكي بصمت قرب يبوس عيونها: لا تبكين والله ما في القلب غيرس ولا قربت من انثى غيرس ولا نظرت لغيرس ولا استوطن ضلوعي غيرس ولاني مثل ما تفكرين
بعدت يدينه عن وجهها تنزلها شد على يدينها: اصحك تفكرين اني كذا
ابتعدت عنه تنسدح على السرير وتشد اللحاف على جسدها بدون ترد عليه ولا تسمع باقي حديثه تتركه في حيرته وعذابه
تحت/
نزل سلطان بهدوء يخفي غضبه وحريقه استقام ابوه: سلطان
خرج سلطان ما يرد وتبعه ابوه واخوانه صرخ فارس: ياولدد
لف لهم سلطان: نعم
تقدم له ابوه: شصاير وين حرمتك؟
سلطان: فوق
عبد العزيز: سلطان وش بتسوي الحين! بعدين وش ذا التصنام وراك ما بعدت الزفت من حضنك!
حازم: وهو صادق علامك انت؟ انهبلت وشوله تتجمد بمحلك
سلطان بغضب مكبوت: شرايكم تروحون لزوجاتكم قبل اولع فيكم!
سحبه فارس يركبه السياره ويركب معه يطلعون من البيت
تنهد سطّام يدخل: حصه ابرار روحوا شوفوا البنت
حصه: ابرار والبندري عندها ماقدرت اطلع لها
سطّام: امشي اطلعي لها انتي كلميها بتفهم منس قومي
استقامت حصه ورجعت له: سطّام مقدر
مشى لها سطّام يصعد معها: حصه فكينا من ذا الخوف الزايد امشي
هزت راسها بالنفي: والله اني ما اقدر
تنهد بملل: حصيص
حصه: سطّام خلاص فكني قلت لك ما اقدر لا تعصب علي
رفع حاجبه: اعصب؟
حصه هزت راسها: ايه انت صاير تعصب كثير
غمض عيونه ومد يده يسحبها لغرفتهم: اجلسي اشوف متى عصبت!
توترت حصه منه: سطّام صاير تخوفني وربي خلاص عاد شيبنا فكني من ذا الاسلوب الغريب
سطّام: انا اسال متى عصبت؟
حصه: طول الوقت طول اليوم تعصب من اي شيء
تنهد بضيق وانحنى يبوس راسها: تحملوني معلش انا عندي السكر
شهقت حصه: وشوله ما فلت لنا؟
سطّام: بسم الله عليس سمي وامشي شوفي البنت
عند خلود/
ابرار: خوخه تكفين وربي سلطان مو راعي ذي الشغلات بس بسبب صدمته ما قدر يتحرك والله ما بعمره فكر يتزوج ولا يطيق الحريم حتى حنا يصارخ علينا ويعصب من كثر طلباتنا
البندري: خلود وربي كلنا نشوف بعيونه لمعة غريبه عليه لا تفهمين غلط وتتركينه تراه تعلق فيس
خلود تناظرهم بصمت بدون رد دخلت حصه وسطّام: اطلعوا
خرجوا البنات وجلست حصه مقابله لخلود وسطّام واقف عندهم بدت حصه تكلمها وتقنعها وتشرح لها ان ريفان مو صاحيه ومرخصه نفسها وهي كذا لان امها وابوها تركوها وكل واحد تزوج وهي صغيره ووو
سطّام: خلود اصدقيني القول وبعدها سوي اللي تبين
رفعت نظرها لها ونطق: سلطان قد شفتيه مع انثى غيرس؟ تلفت لغيرس! ولا ذا اول موقف
خلود بصدق: اول مره
جلس سطّام على ركبه: اجل اسمعي منه وترا سلطان من بين كل عيالي ما يكذب ولا يلف ويدور مد يده ياشر على قلبها: ترا ذا لو سمعتي له زين وانتي تحبين ما يكذب اسمعي له زين لا تخلين غضبس يسيطر عليس والقرار بينكم ما لنا الحلق نتدخل لف لحصه: طلعنا
مشت معه وطلعوا تاركين خلود خلفهم بحيرتها
