ابتسم سعود بخبث: عيديها اشوف
وسعت عيونها: عندنا ناس بعدين مشت تتركه
لحقها يلفها له يحاوط خصرها قرب من شفايفها واندق الباب
لف للباب يسمع صوت نايا: الله يشغلس
شهقت نايا ونزلت تحت تركض
وسعت عيونها الوجد بصدمه: سلمات؟
قرب سعود يقبلها بشبه تعمق وابتعد بسرعه ينزل ابتسمت ونزلت لهم
عند الحريم/
الجوهره: وش مسويه علامس تركضين؟
نايا وهي تتنفس بسرعه: انا زق ليه ما مسكتوني !
دخل الوجد وسكتت نايا تبت الشيش(لعبة الشيش والنرد): هيا نلعب
نطت بسرعه: انا مع الوجد
ضحكت الجوهره تشوفهم يتوزعون نايا والوجد فريق ونادين وعهود فريق ونايا تصارخ ضربت يد نادين: يا بنت اللذين
الجوهره شدت شعرها: اللذين ايش؟
نايا بالم: آمنوا
فكتها الجوهره تضحك ورجعت نايا تصيح على نادين الغشاشه
عند الرجال/
عزّام منسدح على رجل عقاب وسالم وسعود يتصارعون عندهم لف عزّام على عقاب : ها شف ذولا المرضان نط عقاب بسرعه امام ابوه يدف سعود وسالم بعيد وابتسم عزّام: حي عيينك
عقاب: عوالك ذولا لا اقوم عليهم كسرتهم
سالم بتحدي: نعم يا اختي؟ تكسر من
وسع عيونه عقاب: اختك! عما في عينك يا حمار تعال اوريك
ابتعد سعود وهو يضحك يجلس جنب ابوه وبدا شوط سالم وعقاب وفعلاً سالم كان قدي التحدي وسفل بعقاب تسفيل مسك راسه عقاب: اووه
ضحك عزّام عليهم: هيا اقعد انت وياه لا اقوم عليكم انا
قربوا يجلسون مع ابوهم وكل واحد ينسدح في حضن الثاني وهذا يضرب ذا يقوم ويلا لين صاح عزّام: والله والله والله ثلاثة ايمان بالله ان تطفى اللمبات ونوم الان قدامي
ضحكوا وتقدموا يقفلون الانوار ويتسدحون بفرشهم اللي جنب بعض
عقاب بهمس لسعود: سعودوه دبرني منا ولا منا بغرفه
سعود بضحكه مكتومه خرجت عن سيطرته وهو يقلبها كحه جلس عزّام في فراشه وسحب العقال: سعووووووودد
ما جاه صوت ورجع ينسدح
عقاب وهو باقي يهمس: جعلك اللاوي لا تضحك والله اني صادق
لف سعود يقابله بوجهه: نما اهجد
عقاب بلعانه: قوم اشوف معطيني وجهك ليه بتخليك زوجتي مثلاً؟
شهق سالم بصدمه من السالفه: يا ملعوننن
استقام عزّام وهو مبتسم بس ظلام ما يشوفون ملامحه وبيجدول عليهم نطق بحده: وجع يوجعك انت وياه وش يقول؟
سالم بقمطه: ها؟ ماني انا هو
عزّام: منهو هو؟
سالم يأشر على عقاب بجانبه بس ظلام: هذا هذا هو!
ضحك عزّام بخفه يتنحنح: منهو هذا يا بقره ظلام ما اشوف يدك ما اشوف الا راسك ذا المربع
سالم صاح من قبصة عقاب: عقاب الكلب الوسخ البجيح اللي ما يحترمني اكبر منه
ضربه ابوه بالعقال بخفه ولف لعقاب: وانت يا السربوت وش قلت!
عقاب قمط فعلاً من ابوه: ما قلت شيء قلت نبغا عشاء بس
عزّام رجع يدينه خلف ظهره يباعد بين اقدامه ويوقف وقفته العسكريه المعتاد عليها: عشاء قلت لي!
عقاب بلع ريقه: نعم طال عمرك
عزّام: ما ودك تنام وانت تبكي صح؟ انخمد وكذبك ذا اكذبه على غيري
عقاب: ابشر خلاص برقد والله
ضربه عزّام ومشا لفراشه ورجع ضرب سعود: وانت معهم
سالم ابتسم: عادل جعلني فداك
عزّام تيامن ( نام على جنبه اليمين): آمين
استغربوا هدوء سعود ولف عزّام يدقه مره ومرتين وثلاث استغرب من عدم رده لان نومه خفيف سحب البطانيه : الكلب ماهوب فيه
دمع سعود من الضحك فوق الكنب وهو يضحك بصمت تام
لف عقاب يتحسس الفراش وسالم بعد رفع راسه سالم لعقاب: ورع لاكونك هيضته بالغرفه اللي تبغاها وافلح هو لغرفته!
ضحك عزّام بصدمه: ويييلمك انت وياه وش تقولون!
شهق سعود من الضحك ولف عزّام لسالم: ما يضحك!
سالم فز: ما ضحكت وربي
عقاب انخرش: وربي ما ضحكت والله
نط سالم في حضن عقاب: جننيي
سعود اعحبته الفكره ومد يده يدق جنب سالم وعقاب صاحوا الثنين على بعض سالم: عقاب وجع. عقاب: سالم وجع
شهقوا الثنين: والله مب انا
اعتدل عزّام في جلسته ومد يده للكنبه فوقه سحب العقال ومد يده يتحسس الكنبه ومسك شعر سعود: يا ككلببببب
عقاب وسالم يحسبونه يقصدهم ويصيحون يبررون وسعود يدمع ضحك فوق الكنب صاح عزّام: شغل اللمبه
عقاب: مقدر سالم بحضني
سالم جاته ام الركب: مقدر اقوم
اشتغلت اللمبه وصاحوا الثنين الجوهره: وش عندكم؟
شتت انظارها على سعود وجهه محمر من الضحك وعزّام شاد شعره وعقاب شايل سالم في حضنه ضحكت بصدمه: وش فيه!
لفوا عقاب وسالم على سعود ونطوا يضربونه مع عزّام تقدمت الجوهره ونطقت بحدتها: بس بس انت وياه وياه وياه
وقفوا الثلاثه يلفون لها ونطق سالم: ابوي قول مياو!
لف عليه عزّام بصدمه: ورع!!
عقاب ضحك: لالا خطأ كان قلت لامي يا امي قولي لابوي يقول مياو
سالم ضحك: لا يا غبي كنت بقوله اذا انصدم امي قالته
تخصرت الجوهره تناظرهم وعزّام يشتت انظاره عليها من فوق لتحت طاحت عينها في عيونه اللي تناظرها بتفحص ومكر لفت تطلع من عندهم بسرعه ولفوا يشوفون سعود نايم في فراشه ولحقوه ينامون اما عزّام كان مبتسم يتذكر شكلها ووقفتها بالعبايه توضح رسمة جسدها له اللي رغم عيالها مالها بطن وتوضح له اردافها وجسمها ضحك وهي يتذكر هروبها منه وشخصيتها العجيبه لف على يمينه ينام.
