عند الحريم /
بعد فتره تلفتوا الامهات ع بعض
دلال وهند بنفس الوقت : احس البنات فيهم شي
ناظروا لبعض بصدمه كلهم
نطقت زينه: امشوا خل نروح نشوف وش يسوون ونشوف وش فيهم والله حتى انا قلبي ناغزني
قاموا واتجهوا جهة الحلال وهم يدعون ربي ويذكرونه خايفين
-الحلال كان بعييد في اخر المزرعه مرره وفي حاجز يفصل بينه وبين جهة البيت-
قربوا الحريم من جهة الحلال وسرعان ما بردت ملامحهم وزينه صرخت صرخه قوووييه مدويه رنت في انحاء المزرعه
عند الرجال/
دخل صقر ومحمد من بوابة المزرعه وهم يضحكون ويدندنون لان تو سلموا وجو لسى في بدالهم
ما امداهم يكملون متر الا سمعوا صوت الصرخه فزوا كل الرجال ومحمد صاح بكل صوته وهو يركض لانه يعرف صيحة زينه ززيين يعرفها اكثر من كل شي وكيف ما يعرفها وهي حبيبته ؟
ركض بسرعه خياله ماتوقعها تجيه ما يدري كيف صار يركض لو يحطونه مع الضوء سبقه وصل هو وطلال وصقر سوا وهو يصرخ باسم زيينه باعلى صوته صرخ صقر بقوه وهو يقول: طلاااللللللل شوفهم هنناااك عندهم رجاججييللل
تناقزوا الشباب وكل واحد خذا له حيد واللي اخذ عصا والي معاه سلاحه وانطلقوا ركض جهة الحريم والرجال اللي كانوا هناك
وصلوا لهم وبردت ملامح طلال بذهول وهو يشوف اللي بين يدين الرجال اللي واضح انه مو صاحي حمر وجهه وبرزت عروقه ووضح الغضب فيه قرب يبي ياخذها لكن مسكه حسين بقوه وهو يثبته : طلال استهد بالله معاه سكينه لا تقرب وياذيها خلهم بيجيبونها
قام طلال يصرخ بقوه وهو يقول وش اصبر ووش تقول انت بنتي بنتي بين يدييينهههههه تشوف ولا ما تشوف؟؟
كان شوي وينفجر فعلاً من غضبه وخوفه على صغيرته اللي بين يدينهم تقدم محمد وصقر والفيصل والفهد وكان صقر يتحاور معهم
صقر: اترك البنيه وش تبي منها؟ وكيف دخلت هنا
الغريب:اتركها؟ تستهبل انت هذي صييده وش اتركها؟ هههه قال اتركها قال
صقر:اترك ونعطيك اللي تبي
الغريب:ابغاها هي ابغ.. ما كمل جملته من المسدس اللي توسط عنقه من الخلف
طاحت يدينه من الهام وركضت بكل سرعتها تحتمي بابوها وتحضنه بقوه كانها تتمسك بحبل النجاه
احتضنها طلال بقوه وهو يشدها ناحيته ويحط شماغه عليها يسترها فيه وتقدم عمها فهاد يحط فروته عليها وياخذونها بعيد
عند محمد والغرباء وسحبوهم واكتشفوا انهم مو في وعيهم ودخلوا هنا بعد م تشاجروا مع الحراس
وسلموهم للشرطه
نرجع شوي عند الباقين
تفرقوا واتجهوا راجعين لبيت المزرعه والمشب
اما الهام متمسكه في طلال ما فكته
اخذها وراحوا يجسلون ف الجلسه الي تتوسط الحوش الخلفي لبيت المزرعه
طلال وهو مجلس الهام في حضنه ويسالها: كيف وش صار؟
الهام: رحنا بنشوف الحلال وقامت الوهجاء ترفس بالميدان وتصهل ويوم لفينا شفناهم وجينا بنهرب ومسك ذا المريض الوجد بس هي رجعت كوعها بقوه لبطنه وفكها وجينا نركض ومسكني وبعدها كانت الوجد وخلود يحاولون يسوون شي يفكوني منه وجو خالاتي وجيتوا بس
طلال:طيب خلاص لا تخافين
جات دلال وهي تجلس جنبهم وتمسك يد الهام:انتي كويسه؟
الهام:شوفوا الصدق انا خفت يوم كنت في قبضته بس الحين احس بضحك كل م اتذكر شكل الوجد اول م مسكها وسددت له واتذكر اشكالهم وهم يحاولون يدورون شي يفكني منه
طلال بضحكة صدمه:ابك انتوا ويش بنات ولا وش ليه ما ترجفين الحين؟
دلال بضحكه: اقول انت وش عليك من بنتي خلها قويه كذا وقم روح للرجال
طلال بتحدي: لا والله طرده هذي يعني؟
دلال بترد عليه قاطعتها الهام: لالا ياحبيبي انت بس حنا بندخل وسحبت امها وتوجهوا للداخل يضحكون
نرجع شوي بالاحداث
وقت كانوا راجعين للبيت تقدم محمد ينادي زينه ويطلعها لجناحهم فوق
جلسها ع الكنبه وهو يجلس جنبها ويمد لها المويه: باقي مختلعه؟
زينه: لا بس خفت على الهام بغيت اموت
محمد بضحكه مخفيه: بسم الله عليس من الموت يا الخوافه ما شفتي كيف البنات راجعين يضحكون؟
زينه باندفاع: لا والله؟ وايش رايك افقفق زيهم؟ يخوف يخوف ذولا ماهم بنات لبوات ذولا
محمد انفجر يضحك وهي يمسك يدها ويبوسها : اقول قومي دامس تصيحين علي ما عندس خلاف احسبس انخرصتي
دفته وهي تقوم عنه: مريض بعد عني
وقف محمد وهو يناظرها تحته :وش وش ما اسمع؟
زينه قمطت العافيه من ملامحه: ولا شي سلامتك يا ابو اوس شرايك تبدل ملابسك؟
ناظر ملابسه وهو يستوعب انه لابس لبس الدوام ورفع عينه لها: اي زين انس ما قلتي شي فيه لي ملابس هنا؟ انا داخل اتروش
اتجهه للحمام وهو مبتسم على قمطتها
طلعت ملابسه وجهزتها وطلعت كل شي يحتاجه وتبي تهج قبل يطلع لكن ما حالفها الحظ وطلع محمد وهي لسى ف الغرفه انجلطت وهي تناظر فيه وتاشر ع الملابس: انا طالعه
ناظرها محمد منخرشه منه ونطق:وش عندس قامطه عسى ما خلاف؟ ما اكل!
زينه:لا ماتاكل بس ابغى انزل
محمد استوعب انها للحين تستحي منه ما كانها عايشه معه وعندهم عيال كبار ابتسم وهو يلف وياشر لها تطلع
عند الرجال في المشب/
ابو طلال باهتمام: ووش صار طيب؟
صقر: يا طويل العمر تقدمت اتكلم معه لاجل الهيه وهم كانوا 5 وهو السادس تقدموا الشباب وكتفوهم لان مافيهم حيل اصلاً من اللي هم شاربينه
وجاه الفيصل من وراه وسدد له باخر المسدس على عنقه من ورا وطيح البنت والسكين وبس
ابو طلال وهو يشوف محمد داخل: اقول يا محمد المزرعه اللي تقول عليها قبل مده لي انا وابوك دق ع راعيها واعزم مشتراها وش قولك يا ابو صقر؟
ابو صقر:شورك وهداية الله ما عاد لنا مقعاد بذي المزرعه ذالليل ماشين نتعشى ونطلع للمزرعه الجديده والصبح تجي الدينات تشيل الحلال
محمد وصقر وطلال : ابشر
لف فهد ورعد على أوس اللي كان مسرح ونطق رعد : أوس وش فيك؟ لايكون خايف!
تنحنح اوس وهو يعتدل: لا ابد بس كنت افكر
-ياترى اوس في وش يفكر؟ وش اللي ماخذ باله وعقله!-
