هند بفصله: احمدي ربي يا ديالا الاطفال زينة الحياه لا اقوم دبجتس
ضحكت فاطمه وهي تحاول تنسيهم الموضوع عشان هند وعشان سعاد واحراجها: قومي ادبجيها حي عينس
صقر وهو يوقف: هاتوا العجينه انا بسوي عريكه هنا برا
نط غيث: ابشر العجينه والخبازه والقز كل شي اجيبه بس بتسويها انت؟
ضحك صقر: ايه
نط غيث يجيب الاغراض وهو يعشق عريكة صقر وطبخه
تقدم صقر يخبز الخبزه والوجد تسوي الشاهي وغيث يعنني اساعدكم
ابو صقر بضحكه: غيث هيا هيا همز رجولي احسن من شغلك عندك
ضحك صقر: ابعدني منه لا اخبزه
ضحك غيث وهو يجلس: بيعركني بدل الخبزه
بندر: يع من ياكلك انت؟
غيث بصدمه: وجعاااااه
فاطمه حذفته بالمناديل: اكبر منك
محمد وهو يقوم ياخذ عصا ويوقف في وسط الجلسه ويسحب رعد معه ويغني بصوته وهو يلعب عرضة نجد:
لابكت نجد العذيه تهل دموعنا
بالهناوي قاصرين شوراب قومها
حن هل العادات ومخضبين سيوفنا
والطيور الحايمه جادعين لحومها
وقفوا باقي اخوانهم معهم وابو صقر معهم وهم يكملون العرضه بصوت واحد:
صعبتن افعالنا لا بغاها غيرنا
وكلمة التوحيد حنا عمار لسورها
مرخصين رقابنا لا زهمنا شيخنا
والقبايل كلها شيخنا زيزومها
كلموا يلعبون ويضحكون
فاطمه: اجلسوا نفطر
جلسوا وهم يسولفون ويفطرون ومبسوطين ومروقين للاخر
ابو طلال من الباب الفاصل:
عبيييييّد
عبد الله: اقدم يا اخوك تعال
لف لفاطمه: تغطي
ضحكت وهي تتلثم
دخل ابو طلال وهو يجلس معهم : الله واكبر على عدوكم والصوت يقش الحاره والله لو عندكم زواج لواحد من اهل نجد
ضحك ابو صقر: اووهه يانجد
محمد: والله حبينا نجد من حبك لها
صقر: اقول شرايكم نشد لنجد
ابو طلال: انكتم لا اصمقك ما مسكت الجني الكبير الا بعد موت
ضحكوا الشباب على عمهم وحبه للديره وتمسكه فيها
________________
بعد اسبوع يوم زواج سعود والوجد/
ابو صقر: ورع اجتمعوا وصفوا صفوفكم لا تفشلونا مع العتبان اخلص
اجتمعوا اهل الديره وهم يصفون مع ال صقر في صفوفهم
سهام نطت: جو اسمعوا الملفا
الوجد وهي جالسه بروبها تسوي مناكيرها: كثيرين؟
سهام: امم والله كثيرين غريبه ذا العدد منهم ف الجنوب!
خلود: يمكن جايين من ديارهم عشان ولدهم مو شرط كلهم ساكنين هنا
الوجد وهو تهف على اظافرها ببرود تام ولا كان اليوم زواجها: تعالوا القاعه بدري لو سمحتوا لا تنامون
خلود: انكتمي انتي ووجهس
الوجد بهدوء: بكيفي خلود بكيفي م ابي ميكب ارتست انا بسوي نفسي
خلود: انقلعي
ضحكت سهام: بكيفها طيب منجد
خلود لف عليها: خلاص اكرهس تعالي احضنيني
ضحكت الوجد وهي تسلم عليهم وتلبس عبايتها تنزل لابوها وتتجه مع سعود للقاعه
في القاعه/
دخلت الجوهره على بناتها: اخلصوا
نادين: العروسه جات؟
الجوهره: جايين
ندى: غريبه ما فيه ميكب ارتست ولا شي ولا وصانا سعود ننتبه اذا احد جا
نايا: شو خصك فيها اتركيها
الجوهره: انتي ياخصك وماخصك اخلصي لا احد ينام مفهوم؟
نايا: من عنوني ياعنوني
بعد مده وصل سعود والوجد
نزلوا البنات مع امهم يستقبلونهم
نزل سعود وفتح بابها نزلت بهدوء وهي تتقدم معاه
الجوهره: يامرحبا وياهلا حياس الله
الوجد بثقه: الله يعافيس ويبقيس
الجوهره باعجاب: كيف حالس؟
الوجد: الحمد لله تمام
فكت نقابها وهي تدخل وتسلم على البنات
نايا وهي تقبص ندى: اويليييي
ندى: اويلي صدق وش ذا؟
نادين وهي تسكتهم: انكتموا
تقدمت لها نادين: تعالي ياحلوه فوق
مشت معاها الوجد وهي تدخل الغرفه وتنزل عبايتها وتجلس بروب ابيض حرير منسوج عليه اسمها من ورا باللون الذهبي
دخل سعود بالشنطه وهو يشوفها رفع حاجبه بصدمه من شكلها وجمالها
لفت عليه ورفع عينه وارتكزت على عيونها السود ورموشها الكثيفه
تنحنح وهو ينزل الشنطه ويطلع
الجوهره وهي تشوفه: سلمات؟
سعود: الله يسلمس وش ؟
الجوهره: طالع كانك تهرب!
سعود وهي يدندن:
ابو العيون الوسيعه سجن قولبٍ بريه
صفت رموش التروع صفت جنود السريه
ضحكت الجوهره: رموشها روعتك!
سعود وهو يحاول يسترد ثقله: بطلع
ضحكت الجوهره وهي تروح لبناتها تجهز معاهم
دخلت نادين بعد فتره عند الوجد تبي تعلمها ان المصوره وصلت فهت فيها بصدمه وهي تشوفها تسوي ميكبها بنفسها تنحنحت: ياحلوه
الوجد لفت لها: سمي
نادين بابتسامه: سعود بيدخل والمصوره شوي وتطلع لكم
هزت راسها لها: خل يدخل شوي واخلص انا
نادين بابتسامه: ابشري
دخل سعود وهو يشوف الروب نازل عن كتفها ونحرها واضح وطول عنقها وشاماتها المتفرقه بلع ريقه وهو ياحول يمسك نفسه عنها نطق: مطوله
الوجد وهي تحط هايلات في مدمعها وفي ارنبة انفها: خلصت
ناظر الروب: بتتصورين كذا!
الوجد: اي
عقد حواجبه
ابتسمت من صدمته وبانت انيابها: انا بصور لوحدي بعدين بلبس الفستان
ارتخت ملامحه: طيب بجلس عادي!
الوجد: اي مو مشكله
دخلت المصوره وبدت تصور
سعود متكي على يده ويراقب حركاتها ودلعها وابتسامتها وهو مفهي
دخلت تلبس فستانها اللي صدمت الكل بلونه
وردي وفيه ورود بنفس اللون بارزه بشكل مرتب وهو توب
(بحاول احط صورته)
