سحبت سهام يديننها وركزتها على صدره تبي تبتعد عنهه لكن لفوا اثنينهم بسرعه من الباب اللي يندق بكل قققووه وبشكل مخيف لفت سهام على خالد وهي تحاول تتمسك بتيشيرته بس مافيه تيشيرت عضت شفتها وهي خايفه مسكها خالد مع خصرها وشالها يجلسها فوق السرير ولف بيتجهه الباب لكن مسكت يده بقوه: لا تروح ما تعرف مين فيه اتصل على الرسبشن
خالد نزل انظاره ليدينها اللي ماسكه يده بقوه والدق زاد وهي زادت بشدتها على يده وغرست اظافرها بذراعه عقد حجاجه بالم ومسك يدينها ينزلها عن يده ويتجه للسماعه يتصل على الرسبشن لف انظاره لها وهو شوفها تفرك يدينها ببعض
الموظف: تفضل اخوي وش تحتاج؟
خالد: فيه احد يدق ع الباب بشكل هستيري لو سمحت تعال شوفه
الموظف: ابشر انت ارتاح بس
وبالفعل ما قفل الا والصوت اختفى قرب من سهام ومسك يدينها: خلاص راحوا لا تجرحين يدش باظافرش سهام ارفعت عينها له بصدمه من لهجته ونزلت انظارها لذراعه وشافت اثر اظافرها وكان فيه اثر مجروح بخفيف وينزف شهقت بقوه: اسسسفف والله مو متعم..
خالد حط يده على فمها: اشششش عارف انها بالغلط ولا تهتمين لها اقري اذكارش ونامي
سهام قمطت فعلاً بس تكابر: طيب بنام ع الكنبه
خالد انصرع من كلمتها: لا نامي هنا انا بنام عليها ظهرش بيوجعش
سهام: طيب تصبح ع خير وقفل الاضاءه معك
خالد بهدوء: وانتي من اهله ،
راح يجلس ع الكنبه واستوعب ما معه حتى مخده جلس قريب الربع ساعه على شان تنام واتجهه للسرير بياخذ مخده بس قرب من وراها وحنى نفسه بيسحب المخده لكنها فزت برعب وهي تلكمه في نص صدره بقوه تراجع خالد بالم خفيف وهو يشغل الابجوره:علاامش انتي!!!
سهام باحراج وعناد: شدراني عنك مدرعم من وراي وش تبي!! تستاهل وش عرفني انك انت؟
خالد بقل صبر: يابنتي يابنتتيي اعطيني مخده انام عليها شرايش انام ع الارض؟
سهام شالت المخده وضربته ع صدره بقوه:هاك وابعد عني انتي ولبسك ذا
خالد وهو يناظر نفسه: لبسي؟ طيب مالبست شي شين اصلاً بس شورت اسود!
سهام بجلطه من غبائه: ياصبر ايوب طيب ايشش رايك تلبس معاه تيشيرت اسود وتبعد من قدامي!؟
خالد استوعب وضحك بخفيف ضحكه جلطتها وهي توها تستوعب ملامحه وغمازاته
عطاها ظهره وهو يطفى الابجوره ويحط المخده وينام
وسهام تتقلب بموت من الخوف غمضت عيونها وغفت بخفيف ونطت بقوه من سمعت صوت شي يطيح لكن الواضح انه مو عندهم في الغرف الثانيه لكنها ما قدرت تنام وهي تقرا اذكارها وتلخبط وترجع تعيدها وتدعي على خالد اللي نام وخلاها
____________
في الديره عند خلود ف الزرع/
دخل فهاد واعتزى بقوه يوم شاف اللي تبكي:اخوووو طلالللللل
لفت خلود عليه: انا خلود اذكر الله
سمى فهاد وقرب منها:خلودي بنتي وش فيها؟
خلود بغصه: ابغى سهام مو متعوده
اقعد بدونها دقيقه ونزلت دموعها
ابتسم فهاد وهو يدخلها في حضنه:يا بابا يا خلود اذكري الله وهي ان شاء الله مبسوطه ومستانسه وبتزورنا كل شوي ما بتفك خالد من بيتنا وانتي معاس الوجد كلشوي انتي وياها مسوين لكم مصيبه وشوله الزعل؟ ادعي لها يا ابوي انتي وسمي من البكاء هنا في ذا الوقت وادخلي نامي
خلود حضنته وهي تمسح دموعها بيدها الثانيه: احبك طيب!
ضحك فهاد وهو يقوم ويدخل يده في باطن رجلها ويشيلها .
ضحكت خلود بقوه وهي تتمسك بثوبه:نزل نزل بطيح
فهاد وهو يمشي فيها مطلعها من الزرع:تطيحين وانتي في يدي؟ لا بالله ما حصلت وين بتنامين؟
خلود:عند الوجد
اتجه فيها لجناح صقر وهو ينزلها عند الباب ويبوس راسها: اقري اذكارس ونامي وبكره عندي لس مفاجأه
ابتسمت وهي تبوس خده وتدخل جوا وتحط راسها وتنام من كثر البكاء والتعب
