صرخ سعود بقوه وهو يضرب على صدره: ليه ليييه ليه تتركني يارببب يارب لاااااا والله لا الحقها طلعوها طلعوها حبيبتي جوا ما ماااتت ما ماتت تكذبون تكذبوونننن هي بس تعبت تعبت هي هي هي قالته قالته
انا برق وميضه يلمع بقوه و يختفي بسرعه لااااااا لاتختفي من حياتي لا هي وجدي وجدي حبي تعرفون وش يعني الوجد!!! وش الحب!!! هذا ححبيييي لا تاخذونها منيي
لف بسرعه لبندر: بندر بنددرر تكذب تكذب علي صح اننططقق
شهق بقوه وانقطع صوته من صياحه وهو يطيح عند رجول بندر: قول لا قول لااااالالالالالالااا
نزل بندر لمستواه: سعود قول لا اله الا الله
بكى سعود بحرقه: بببننننددر نخيتك قول شيء غيرها
بلع ريقه بندر: الوجد فقدت جنينها
رفع راسه سعود بسرعه له: وششوو!!
بندر ودموعه تتجمع: جنين
زفر سعود بقوه: هي بخير هي؟ ما خلتني ولا تركتني صح؟
بندر بهدوء: ماتركتك بس حالتها ما تسرك
استقام صقر وهو يدفع بندر وسعود من امامه وعيونه تشتعل من الحريق فتح باب الغرفه وهو يتجه لها: وجودي
بكت بالم وهي تغطي وجهها بيدينها : قلت له قلت له قلت له
جلس صقر على طرف السرير وهو ينحني لها يحتضنها ويسمي عليها شهقت بالم وهي تشد على صدر ابوها وتبكي بقوه: راح راااحح
عض شفته صقر وهو يمنع دموعه صوتها وبكاءها ضعفها ولجوءها له كل شي يوجعه يخاف على قلب صغيرته اكثر من كل شيء في الدنيا تمردت دمعته على خده من انينها وانتفاضها في حضنه صرخت وهي تشد شعرها: بابببباااا ما جبت ولده ما جبته راح مني راااححح
صقر وهو يشدها له اكثر وده يدخلها في ضلوعه يخفيها عن كل العالم والالم ولا يمسها ضرر: وحدي الله واذكريه هذا امر ربي
تهاوى جسدها الصغير بين يدينه وفقدت وعيها من كبر همها وثقله وكيف صار الشيء اللي تخافه صرخ صقر في بندر وقربوا لها يعطونها مهدئ ولف بندر لصقر: صقر
رفع راسه صقر وعيونه تتلون بالدم ووجه محمر حتى شماغه طايح وشعره مبهذل: بندر تكفى يا بندر هي صغيره على ذا الهم
قرب بندر يشد على كتف صقر: وحد الله وحد الله
صقر بحزن كبير داخله: ونعم بالله لا اله الا هو
كان سعود متكي على الباب يتأمل المغذي وهو يمشي في المصل قرب منه عزّام من الخلف وهو يشد على كتفه: الله يعوضكم خير
لف على ابوه: الطفل بداله طفل يا ابوي لكن...
ابتسم عزّام: لكن وشو؟
سعود: نفسيتها يا ابوي بتنعدم وشلون اتصرف معها
عزّام بهدوء: خلها تروح لاهلها
هز راسه سعود بالنفي: مستحيل هي لازم تشوفني انا جنبها وراضي بالشيء ذا لازم تاخذ قوتها مني وش فايدتي معها اذا تركتها الحين؟
ابتسم له عزّام: كفو
لف سعود بسرعه من سمع آهاتها وتقدم لها بهدوء
لف بندر لصقر وهمس له: هيا نطلع وروح شوف مرتك
طلع صقر مع بندر واتجه لهند وبندر وعزّام واقفين عند باب الغرفه
جلس سعود على طرف السرير وهو يمد يده ليدها بخفه ويمسكها بين يدينه: وجدي
فتحت عيونها بثقل وهي ترمش بتكرار : س.سس.سسعوود
سعود بهدوء: لبيه
ارفعت نفسها ومد يده يساعدها: خليس
هزت راسها بالنفي ودموعها تتجمع: سعود
غمض عيونه بالم لانها مو قادره تتكلم: لبيه يا وجد سعود
عضت شفتها بقوه: اسف
قربها له: ليه تعتذرين يا قلبي انتي ليه؟
الوجد نزلت دموعها بصمت: انا قلت لك اني ما اقدر قلت لك اتركني ليش ما تركتني ليش ما ابتعدت عن حريقي قلت لك بحرقك قلته
ابتسم لها سعود: تتذكرين وش قلت لس؟
هزت راسها: بس
قاطعها وهو يمد يده يمسح دموعها: لا بس ولاشيء اهم شيء انتي بخير وانتي معي وجدي اسمعيني الطفل بداله طفل وحتى لو ربي ما كتب هذا قدر ربي وامره بس انتي خليس معي انا معاس اقوى والله ما يهمني ف الدنيا غيرس ولا ربحت من حياتي الا انتي لا تعوريني وتروحين عشان هذا السبب ولا تتعدين على امر ربي
الوجد مدت يدها تقربه لها تحتضنه: اوعدني تصير زي صقر
ابتسم سعود وهو يحضنها: اوعدس
ابتسمت ببرود: كويس ما قلت افضل منه عشان ما اهاوشك
تنهد سعود ورفع راسها وناظرت عيونه الحمراء: بكيت؟
سعود هز راسه: احسبس رحتي وخليتيني
غمضت الوجد بقوه والالم يعتصر قلبها وشعور سيء رددت في نفسها وهي تدعي(يارب لا تجعلني اسخطك علي ولا اكون ممن اعترضوا على قضائك ربي انت اعلم بما في قلبي ومما اخاف يارب لا تغضب علي اللهم انك تعلم انني لا اعترض على امرك لكن الخوف والقلق ينتهش قلبي وتفكيري) بكت بالم وهي تشد على سعود بقوه
وسع عيونه بصدمه من انهيارها مد يده تحتها وهو يرفعها ويتعدل على السرير يدخلها في حضنه ويشدها له عقد حواجبه من بكاءها وصراخها فيه بشكل مجننون مد يده يمسح على ظهرها ويسمي عليها لكن صرخاتها وبكاءها يزداد بشكل هستيري دخل بندر ومحمد معاه بسرعه وعقد حواجبه محمد من منظرهم وصراخها تقدم بندر يشيلها من حضن سعود وهي تصرخ وتبكي بدون لا تتكلم ابتعد سعود من السرير وجلسها بندر عليه يثبتها: وجودي سمي سمي قولي بسم الله
صرخت بالم وهي تضرب صدر بندر: ما ابغا ما ابغااا اعيش خلاص خلاااصصص
عقد حجاجه بندر من كلامها وانهيارها الغير معقول: وجودي
بكت بالم وهي تشد شعرها واشر بندر للمرضه وتقدمت بالمهدئ صرخت الوجد وهي تدفها: بعدوا عننننييي بعدوا ما ابغااا
مسكها بندر يثبتها وتقدم محمد يشد يدها عشان لا تتالم من الابر واعطوها المهدئ لف بندر لمحمد: البنت مو طبيعيه خايفه من الموضوع بشكل مجننون متأثره من قصة امها وابوها كثير لازم نتصرف معاها نشوف لها طريقه دكتور نفسي اي شيء
محمد سحب بندر يطلع برا: صقر شافها كذا!
هز راسه بندر: للاسف
غمض محمد بقروشه وهو يدور في مكانه: هند وينها؟
بندر: طاحت عليهم
تنهد محمد: صقر صقر صقر يارب
بندر: هيا نروح له
هز راسه محمد بالنفي: ابوي ابوي اتصل عليه هو يجي ما احد يعرف لصقر غيره ومستحيل يسمع لك وهي منهاره في حضنه كذا
رفع جواله بندر يتصل على ابوه ويطلبه يجي
